ຟູມເຟືອຍບໍ່ເປັນເລື່ອງ

ຟູມເຟືອຍບໍ່ເປັນເລື່ອງ - advert banner 728 90 728x90 - ຟູມເຟືອຍບໍ່ເປັນເລື່ອງ
ຟູມເຟືອຍບໍ່ເປັນເລື່ອງ - 5587 - ຟູມເຟືອຍບໍ່ເປັນເລື່ອງ

ໂດຍ: ລູກ​ເມືອງ​ພວນ

ຟູມເຟືອຍບໍ່ເປັນເລື່ອງ - new3 - ຟູມເຟືອຍບໍ່ເປັນເລື່ອງ

ສະບາຍດີເພື່ອນຜູ້ອ່ານທີ່ຮັກແພງ, ດັ່ງພວກເຮົາຮູ້ນຳກັນແລ້ວວ່າ: ການຟູມເຟືອຍເປັນບັນຫາໃຫຍ່ທີ່ເຮັດໃຫ້ງົບປະມາຂອງລັດສູນເສຍ. ຕໍ່ສະພາບດັ່ງກ່າວ, ນາຍົກລັດຖະມົນຕີເຮົາຈຶ່ງໄດ້ອອກຄຳສັ່ງໃຫ້ປະຍັດມັດທະຍັດ ແລະ ຕ້ານການຟູມເຟືອຍ. ຜ່ານມາລັດຖະບານ ເຄີຍໄດ້ຮຽກຮ້ອງໃຫ້ທຸກຂະ ແໜງການຂອງລັດ, ເອກະຊົນ ແລະ ປະຊາຊົນທັງຊາດ ມີການປະຢັດຮັດສາຍແອວ, ແຕ່ຄຽງຄູ່ກັນນັ້ນພວກເຮົາຍັງເຫັນວ່າການຈັດຕັ້ງປະຕິບັດແມ່ນບໍ່ທັນໄດ້ດີປານໃດ. ໂດຍສະເພາະແມ່ນການໃຊ້ຈ່າຍເຂົ້າໃນການກະກຽມງານສະເຫຼີມສະຫຼອງໃດໜຶ່ງຈະມີການໃຊ້ຈ່າຍບໍ່ໜ້ອຍນ້ອຍ ປານໃດ, ນັບແຕ່ຂອດປະດັບປະດາ, ພິມປ້າຍໂຄສະນາ, ຊື້ຊຸດເຄື່ອງແບບ, ຈັດສະແດງ, ແປງສະຖານທີ່, ຊື້ດອກໄມ້ດອກຈອງມາປະດັບເອ້ຢ້ອງ, ພິມບັດເຊີນຫຼາຍສິບ, ຫຼາຍຮ້ອຍເພື່ອເຊີນແຂກຄົນເຂົ້າຮ່ວມ ທັງສູນກາງ ແລະ ທ້ອງຖິ່ນ, ກໍນັບ ຫົວຕື້ຂຶ້ນເມືອເພືອແລກເອົາບັນຍາກາດທີ່ດຳເນີນໄປພຽງ 1-2 ຊົ່ວໂມງເທົ່ານັ້ນ. ເບິ່ງແລ້ວ, ມັນເປັນການຊິ້ນ ເປືອງອີຫຼີ, ຍັງບໍ່ທັນເວົ້າເຖິງການຈັດງານລ້ຽງສະຫຼອງ ຜົນສຳເລັດດັ່ງກ່າວກໍຍິ່ງສິ້ນ ເປືອງ, ຂັ້ນໃດກໍເຮັດ, ຂັ້ນໃດ ກໍສະຫຼອງດ້ວຍນໍ້າເມົາສະນິດຕ່າງໆ, ຢ່າງຫຼູຫຼາ. ມີບາງ ບ່ອນຈົນໄດ້ຈ້າງຜູ້ໃຫ້ບໍລິ ການເລື່ອງນີ້ມາຕົບແຕ່ງ  ແປງສີໃຫ້ກໍຍິ່ງມີການໃຊ້ຈ່າຍເພີ່ມຂຶ້ນ, ຄັງເງິນນັບມື້ ບົກແຫ້ງລົງ. ເງິນເກັບພາສີ ນຳປະຊາຊົນມີໜ້ອຍ, ເຮັດໃຫ້ການເບີກຈ່າຍເງິນເດືອນພະນັກງານ, ລັດຖະກອນຊັກຊ້າ. ໂຄງການພັດທະນາສຳຄັນຕ່າງໆກໍຖົດຖອຍ ແລະ ອື່ນໆ. 

ການເຮັດແບບນີ້ເປັນການສິ້ນເປືອງງົບປະມານ ຂອງລັດຢ່າງມະຫາສານແຕ່ຜົນໄດ້ຮັບມີໜ້ອຍເປັນພຽງແຕ່ຮູບການເຮັດແລ້ວ ກໍແລ້ວໄປ,  ອາດເປັນຊ່ອງຫວ່າງໃຫ້ບາງຄົນຫົວໃສ ສວຍໂອກາດເພື່ອໄດ້ຫ້າເກັບສິບເຂົ້າຖົງຕົນເອງ.

ພິທີການຕ້ອນຮັບຜູ້ ໃຫຍ່ກໍເຊັ່ນດຽວກັນ, ພໍແຕ່ມີການນຳຂັ້ນສູນກາງລົງຢ້ຽມຢາມທ້ອງຖິ່ນກໍມີການຂ້າງົວ, ຂ້າຄວາຍຈັດງານ ລ້ຽງພົບປະສ້າງສັນ, ມີເງິນໃສ່ຊອງໃຫ້ຄ່ານໍ້າມູກນໍ້າມັນ, ຊື້ເຂົ້າສານ, ອາຫານການກິນໃສ່ລົດໃຫ້ເອົາເມືອຕ້ອນຄອບຕ້ອນຄົວກໍມີຫລາຍ.

ການຈະສ້າງຜົນງານ ບໍ່ແມ່ນຂຶ້ນຢູ່ພິທີການຄຶກຄື້ນຫຼູຫຼາ, ແຕ່ຫາກຂຶ້ນຢູ່ກັບເນື້ອໃນ ແລະ ຄວາມຮັບຮູ້ ຂອງຄົນເຮົາຕໍ່ບັນຫານັ້ນໆ ເລິກເຊິ່ງສໍ່າໃດ. ຜ່ານມາ, ບໍ່ວ່າແຕ່ວຽກຫຍັງສ່ວນຫລາຍ ເປັນແຕ່ຮູບການ,  ເຊິ່ງທາດ ແທ້ຂອງມັນຍັງເຮັດໄດ້  ໜ້ອຍ, ດັ່ງຄຳສັ່ງຕ່າງໆ. ຕົວຢ່າງ: ຄຳສັ່ງຫ້າມໂຄສະ ນາສິ່ງມຶນເມົາ, ການບໍ່ໃຫ້ ມີສາວເຊຍເບຍເປັນແນວ ໃດແລ້ວ? ຮອດໃສແລ້ວ? ໄດ້ຜົນແນວໃດແດ່? ແມ່ນ ພາກສ່ວນໃດເປັນຜູ້ຕິດຕາມ. ກວດກາ ແລະ ຈັດຕັ້ງ ປະຕິບັດ? ແລະ ອື່ນໆລ້ວນແຕ່ເປັນຮູບການທັງນັ້ນ.

ຟູມເຟືອຍບໍ່ເປັນເລື່ອງ - lattana 1 - ຟູມເຟືອຍບໍ່ເປັນເລື່ອງ

ດັ່ງນັ້ນ, ມາຮອດປັດຈຸບັນ, ເຮົາຄວນເບິ່ງຄືນຕື່ມ ອັນໄດ້ອັນເສຍຂອງມັນ. ເວົ້າເລື່ອງນະໂຍບາຍຮັດສາຍແອວກໍຕ້ອງເວົ້າແທ້ເຮັດແທ້, ຂັ້ນເທິງຕ້ອງເປັນແບບ ຢ່າງໃຫ້ຂັ້ນລຸ່ມ, ພະນັກງານຕ້ອງເປັນແບບຢ່າງໃຫ້ປະຊາຊົນ, ບໍ່ແມ່ນເວົ້າແນວໜຶ່ງເຮັດໄປແນວໜຶ່ງ. ເພີ່ນຫ້າມ ບໍ່ໃຫ້ພະນັກງານການນຳຂີ່ ລົດຫຼູຫຼາ, ພັດໄປຊື້ເອົາມາເພື່ອເປັນຂອງຝາກຂອງຕ້ອນຕ່າງໆ ເບິ່ງແລ້ວບໍ່ຄ່ອຍງາມຕາ./.

error: Content is protected !!