ຄວາມສຳຄັນຂອງພາສາກຳນົດດ້ວຍເງື່ອນໄຂ ແລະ ຄວາມຈຳເປັນສະເພາະ

- advert banner 728 90 728x90 - ຄວາມສຳຄັນຂອງພາສາກຳນົດດ້ວຍເງື່ອນໄຂ ແລະ ຄວາມຈຳເປັນສະເພາະ
- 8857 - ຄວາມສຳຄັນຂອງພາສາກຳນົດດ້ວຍເງື່ອນໄຂ ແລະ ຄວາມຈຳເປັນສະເພາະ

ໂດຍ: ຈານ​ແຫຍ່

ຈານແຫຍ່ອ່ານໜັງສືພິມວຽງຈັນທາມສະບັບວັນທີ 30 ເດືອນກໍລະກົດຜ່ານມາ ແລະ ຫົວຂໍ້ຂ່າວທີ່ສະດຸດຕາສະດຸດ ໃຈພໍສົມຄວນ, ເປັນຂ່າວທີ່ ໃສ່ຫົວຂໍ້ໃຫຍ່ເປີ້ເຈີວ່າ: ມີນັກ ສືກສາຈົດທະບຽນຮຽນພາກວິຊາຕ່າງໆ ເປັນພາສາຈີນຈຳ ນວນຫລາຍກວ່າ 1.270 ຄົນ ລ້ຳໜ້າຈຳນວນທີ່ຈົດທະບຽນຮຽນພາສາອັງກິດໃນຄະນະອັກສອນສາດມະຫາວິທະຍາ ໄລແຫ່ງຊາດ.

ຫລຸດລັ່ນລົງມາ ກໍແມ່ນ ພວກທີ່ເລືອກຮຽນການບັນ ຊີມີຈຳນວນ 900 ຄົນ, ບໍລິຫານທຸລະກິດ 835 ຄົນ, ສ່ວນອີກ 762 ຄົນນັ້ນ ເລືອກວິຊາ ການເງິນ ແລະ ທະນາຄານ. ປີນີ້ຈຳນວນຜູ້ເຂົ້າສອບເສັງເພື່ອຍາດບ່ອນນັ່ງໃນມະຫາວິທະຍາໄລແຫ່ງຊາດນັ້ນມີ ເກືອບ 16 ພັນຄົນ.

ທີ່ບອກໄວ້ໃນເບື້ອງຕົ້ນ ວ່າເປັນຂ່າວທີ່ສະດຸດຕາ ແລະ ສະດຸດໃຈຈານແຫຍ່ ພໍສົມຄວນນັ້ນ ກໍແມ່ນຈຳນວນຜູ້ລົງທະບຽນເສັ່ງເຂົ້າ ສຶກສາຕໍ່ໃນພາກວິຊາທີ່ສອນ ເປັນພາສາຈີນມີຈຳນວນເພີ່ມຂຶ້ນ, ເຊິ່ງຈານແຫຍ່ຖືວ່າ ເປັນທ່າອ່ຽງທີ່ຊານສະຫລາດ ເພາະການພົວພັນລາວ-ຈີນ ໃນປັດຈຸບັນມີລັກສະນະຄົບວົງຈອນໃນນັ້ນມາແຮງຫລາຍກໍແມ່ນການຮ່ວມມື ທາງດ້ານເສດຖະກິດ.

ອີກສອງປີຂ້າງໜ້າ (2021) ທາງລົດໄຟຄວາມ ໄວສູງລາວ-ຈີນ ກໍຈະສ້າງ ສຳເລັດເສັດສິ້ນ, ເຊິ່ງແນ່ ນອນ ກໍຈະຊ່ວຍໃຫ້ການຮ່ວມ ມືຮອບດ້ານລະຫວ່າງສອງ ປະເທດນີ້ເລັ່ງຄວາມໄວສູງ ເຊັ່ນກັນ (ຖ້າພວກເຮົາຕຽມ ພ້ອມຢ່າງສົມບູນ) ຈະໄວ ແຕ່ລົດໄຟກໍບໍ່ຮ່ອນຊິເປັນ. ຂໍກ້ຽວໄປບ່ອນວ່າເປັນຫຍັງ ໃນປັດຈຸບັນຊາວໜຸ່ມນັກ ຮຽນນັກສຶກສາລາວ ຈິ່ງ ນິຍົມຊົມຊອບຮຽນພາສາ  ຈີນ ຫລືຮຽນວິຊາຕ່າງໆ  ເປັນພາສາຈີນ?. ຄຳຕອບ ນີ້ຈານແຫຍ່ບອກຢູ່ຂ້າງ ເທິງແລ້ວ. ແລ້ວພາສາອັງ ກິດ ເດລະ ເປັນຫຍັງຈິ່ງມີຄົນເລືອກຮຽນໜ້ອຍກວ່າ? (ສຳລັບຢູ່ມະຫາວິທະຍາໄລແຫ່ງຊາດສົກຊິມາ) ທັງໆທີ່ ພາສານີ້ ໄດ້ກາຍເປັນພາສາ ລະດັບສາກົນໄປແລ້ວ.

ເລື່ອງນີ້ຂໍຢ່າວິຕົກເລີຍ, ພາສາອັງກິດໄດ້ກາຍເປັນ ວິຊາບັງຄັບໃນລະດັບຫ້ອງ   ປ 3 ໂຮງຮຽນປະຖົມບ້ານ ເຮົາລື່ນຢູ່ຍີ່ປຸ່ນຊ້ຳ. ຍີ່ປຸ່ນ ກຳນົດໃຫ້ພາສາອັງກິດ ເປັນວິຊາພາກບັງຄັບນັບ ແຕ່ຫ້ອງ ປ5. ພາສາອັງກິດ ເປັນພາສາເຮັດວຽກຂອງ ອາຊຽນ, ຂອງຫລາຍປະເທດ, ອົງການຈັດຕັ້ງ ແລະ ວົງການທຸລະກິດໃນພາກພື້ນອາຊີ-ປາຊີຟິກ ເຊິ່ງ ບ່ອນ ປະເທດພວກເຮົາມີທີ່ຕັ້ງດັ່ງນັ້ນຈະຫາວ່າພາສາອັງ ກິດ ບໍ່ມີບົດຄວາມສຳຄັນແມ່ນບໍ່ໄດ້ເປັນອັນຂາດ.

- Tiger Head 728x90 - ຄວາມສຳຄັນຂອງພາສາກຳນົດດ້ວຍເງື່ອນໄຂ ແລະ ຄວາມຈຳເປັນສະເພາະ
- 1 1 - ຄວາມສຳຄັນຂອງພາສາກຳນົດດ້ວຍເງື່ອນໄຂ ແລະ ຄວາມຈຳເປັນສະເພາະ

ຈານແຫຍ່ເວົ້າມາຍືດ ຍາວກໍພຽງເພື່ອຢາກຕອບ ຂໍ້ສົງໃສຂອງບາງຄົນທີ່ເບິ່ງສັ້ນເຫັນແຄບ ລວມທັງຫາງ ສຽງຂອງພວກບໍ່ຫວັງດີຢູ່ ຕ່າງປະເທດ ທີ່ຕັ້ງຄຳຖາມວ່າ ເປັນຫຍັງຈິ່ງຮຽນພາສາ ຈີນພາສາຫວຽດ?.

ຄວາມສຳຄັນຂອງ ແຕ່ລະພາສາຕ່າງປະເທດນັ້ນມັນ ກຳນົດດ້ວຍສະພາບ ແລະ ເງື່ອນໄຂລວມສະເພາະ ແລະ ມີໄລຍະອັນແນ່ນອນຂອງມັນ. ເມື່ອຫ້າປີກ່ອນໜ້ານີ້, ຈານແຫຍ່ໄດ້ໄປເຄື່ອນໄຫວ ຢູ່ຫວຽດ ແລະ ໄດ້ຍິນຈາກ ປາກນາຍພາສາລາວ (ຄົນຫວຽດ) ບອກວ່າ: ພາສາອາຣັບ- ແອດສະປາຍມາແຮງ ແລະ ໄດ້ຄ່າແປສູງທີ່ສຸດ, ຄຳແປພາສາລາວນັ້ນສູງກວ່າພາສາຝຣັ່ງ-ອັງກິດຟັງແລ້ວຈານແຫຍ່ງຶດຈົນ ຫົວຊິແຕກ ເຫດໃດວ່າແປພາສາລາວໄດ້ເງິນສູງຄ່າແປພາສາອັງກິດ? ຄຳຕອບ ຈາກນາຍພາສາກໍຄື: ສອງ ປະເທດພວກເຮົາພົວພັນກັນເລິກເຊິ່ງຮອບດ້ານ, ພາສາລາວມີຄວາມຈຳເປັນໃນທຸກຂະແໜງການແຕ່ການສ້າງ ຄົນເພື່ອຮອງຮັບນັ້ນຍັງເຮັດໄດ້ໜ້ອຍ!.

ໃນຍຸກການຫັນ ວິຊາສະເພາະໃຫ້ເປັນວິຊາສະເພາະນີ້ ທ່າອ່ຽງ ແລະ ຄວາມສຳ ຄັນຂອງພາສາຕ່າງປະເທດກໍຍ້ອນມີການປ່ຽນແປງ ລະນໍ!.

error: Content is protected !!