ຮອງປະທານສະພາແຫ່ງຊາດຕິດຕາມກວດກາຢູ່ແຂວງສາລະວັນ

ຮອງປະທານສະພາແຫ່ງຊາດຕິດຕາມກວດກາຢູ່ແຂວງສາລະວັນ - advert banner 728 90 728x90 - ຮອງປະທານສະພາແຫ່ງຊາດຕິດຕາມກວດກາຢູ່ແຂວງສາລະວັນ

​ໃນ​ວັນ​ທີ 13 ສິງຫາຜ່ານມານີ້, ທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ ໄດ້ເຮັດວຽກກັບຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 14 ແຂວງສາລະວັນ, ສະພາປະຊາຊົນແຂວງ ແລະ ບັນດາພະແນກການຂອງແຂວງຢູ່ທີ່ສະໂມສອນແຂວງດັ່ງກ່າວ ເພື່ອກວດກາ ຄືນການຈັດຕັ້ງປະຕິບັດກົດໝາຍ ແລະ ລະບຽບການທີ່ກ່ຽວຂ້ອງ, ໂດຍສະເພາະແມ່ນການເຄື່ອນຍ້າຍພົນລະເມືອງຂອງປະຊາຊົນສອງຝາກຊາຍແດນທີ່ບໍ່ຖືກຕ້ອງ.

ຮອງປະທານສະພາແຫ່ງຊາດຕິດຕາມກວດກາຢູ່ແຂວງສາລະວັນ - new3 - ຮອງປະທານສະພາແຫ່ງຊາດຕິດຕາມກວດກາຢູ່ແຂວງສາລະວັນ

ພາຍຫລັງທ່ານ ຮອງປະທານສະພາແຫ່ງຊາດ ໄດ້ມີຄໍາຖາມເຈາະຈີ້ມ, ບັນດາພະແນກການຂອງແຂວງໄດ້ລາຍງານ ໃຫ້ຮູ້ວ່າ: ໄລຍະຜ່ານມາໄດ້ມີການແກ້ໄຂບັນຫາການເຄື່ອນໄຫວທາງສາສະໜາຈໍານວນໜຶ່ງດ້ວຍການສຶກສາອົບຮົມ ຕໍ່ຜູ້ສວຍໃຊ້ສາສະໜາໄປໃນທາງທີ່ບໍ່ຖືກຕ້ອງ ດັ່ງອົງການໄອຍະການປະຊາຊົນແຂວງ ໃຫ້ຮູ້ວ່າ: ໄລຍະຜ່ານມາໄດ້ຕິດຕາມກວດກາ ແລະ ຊຸກຍູ້ການປະຕິບັດຄໍາຕັດສິນຂອງສານຢ່າງເປັນປົກກະຕິ, ເຊິ່ງເຫັນວ່າຍັງມີຄະດີຈໍານວນໜຶ່ງຍັງບໍ່ສາມາດປະຕິບັດໄດ້, ຄ້າຍກັກຂັງ-ດັດສ້າງຍັງມີຄວາມຫຍຸ້ງຍາກທາງດ້ານສະຖານທີ່ ແລະ ການບໍລິການດ້ານສາທາລະນະສຸກ.

ພະແນກພົວພັນຕ່າງປະເທດ ໄດ້ລາຍງານວ່າ:​ ແຂວງສາລະວັນກັບແຂວງກວາງຈິ ສສ.ຫວຽດນາມ ໄດ້ສໍາເລັດການປັກຫລັກໝາຍຊາຍແດນແຕ່ປີ 2013, ເຈົ້າໜ້າທີ່ສອງຝ່າຍໄດ້ມີການປະສານສົບທົບກັນແໜ້ນໃນການສະກັດກັ້ນການລັກລອບນໍາເອົາສິນຄ້າຜ່ານຊາຍແດນຜິດກົດໝາຍ, ໄດ້ມີການຮ່ວມມືຊ່ວຍເຫລືອທາງດ້ານອຸປະກອນ ແລະ ການຝຶກອົບຮົມແກ້ໄຂບັນຫາການຍົກຍ້າຍຖິ່ນຖານຂ້າມຊາຍແດນທີ່ບໍ່ຖືກຕ້ອງຕາມກົດໝາຍ, ເຊິ່ງສ່ວນໃຫຍ່ແມ່ນກໍລະນີຍົກຍ້າຍຍ້ອນສ້າງຄອບຄົວລະຫວ່າງຄົນຫວຽດນາມ ກັບຄົນລາວ ແລະ ຄົນລາວກັບຄົນຫວຽດນາມ, ໂດຍລວມແລ້ວແຂວງສາລະວັນມີຄວາມສະຫງົບດີ, ປະຊາຊົນໄດ້ປະກອບສ່ວນຮັກສາຄວາມສະຫງົບ, ພ້ອມທັງປະຕິບັດກົດລະບຽບກົດໝາຍຢ່າງເຂັ້ມງວດ.

ຮອງປະທານສະພາແຫ່ງຊາດຕິດຕາມກວດກາຢູ່ແຂວງສາລະວັນ - lattana 1 - ຮອງປະທານສະພາແຫ່ງຊາດຕິດຕາມກວດກາຢູ່ແຂວງສາລະວັນ

ໃນໂອກາດນີ້, ທ່ານ ແສງນວນ ໄຊຍະລາດ ໄດ້ເນັ້ນໃຫ້ອໍານາດການປົກຄອງທຸກຂັ້ນສືບຕໍ່ສຶກສາອົບຮົມດ້ານການເມືອງແນວຄິດ, ໂດຍສະເພາະແມ່ນ ການແກ້ໄຂບັນຫາສາສະໜາຢ່າງຄ່ອງແຄ້ວນິ້ມນວນ, ເຂັ້ມງວດປະຕິບັດໜ້າທີ່ວຽກງານ, ໂດຍສະເພາະໃນການຄຸ້ມຄອງຊາຍແດນ ແລະ ເພີ່ມທະວີການປະສານງານລະຫວ່າງພາກສ່ວນທີ່ກ່ຽວຂ້ອງໃຫ້ແໜ້ນແຟ້ນ, ສູ້ຊົນແກ້ໄຂປາກົດການຫຍໍ້ທໍ້ທີ່ເກີດຂຶ້ນພາຍໃນ ແລະ ບັນຫາອື່ນໆໃຫ້ມຄວາມສະຫງົບ.

error: Content is protected !!