ຫລາຍທ້ອງຖິ່ນໄດ້ຮັບຜົນກະທົບຈາກໄພນ້ຳຖ້ວມ

ຫລາຍທ້ອງຖິ່ນໄດ້ຮັບຜົນກະທົບຈາກໄພນ້ຳຖ້ວມ - advert banner 728 90 728x90 - ຫລາຍທ້ອງຖິ່ນໄດ້ຮັບຜົນກະທົບຈາກໄພນ້ຳຖ້ວມ

ພາຍຫລັງມີຝົນຕົກຕິດຕໍ່ກັນຫລາຍວັນໃນທ້າຍອາທິດຜ່ານມາ, ເຮັດໃຫ້ສາຍນໍ້ານ້ອຍໃຫຍ່ຕ່າງໆໃນຫລາຍທ້ອງຖິ່ນມີລະດັບສູງຂຶ້ນສົມທົບກັບນໍ້າປ່າທີ່ໄຫລລົງມາຈາກພູຜາສູງຊັນໄດ້ເຮັດໃຫ້ກະແສນໍ້າໄຫລດ້ວຍຄວາມແຮງເຂົ້າຖ້ວມເຮືອນຊານບ້ານຊ່ອງ, ພື້ນທີ່ການຜະລິດແລະພື້ນຖານໂຄງລ່າງຢູ່ຫລາຍທ້ອງຖິ່ນໄດ້ຮັບຜົນເສຍຫາຍ. ແຫລ່ງຂ່າວທ້ອງຖິ່ນລາຍງານວ່າ: ຫລັງຈາກມີຝົນຕົກຕິດຕໍ່ກັນຫລາຍວັນ, ໄດ້ເຮັດໃຫ້ແມ່ນໍ້ານານ, ເມືອງນານແຂວງຫລວງພະບາງມີລະດັບເພີ່ມຂຶ້ນໄຫລຖ້ວມເຮືອນຊານປະຊາຊົນຫລາຍບ້ານທີ່ຢູ່ລຽບແຄມແມ່ນໍ້າດັ່ງກ່າວເປັນຮອບທີສອງ, ຫລັງຈາກກ່ອນໜ້ານີ້ໄດ້ເກີດນໍ້າຖ້ວມໜັກມາແລ້ວໃນກາງເດືອນກໍລະກົດຜ່ານມາ, ເຊິ່ງເຫດການຄັ້ງນັ້ນໄດ້ເຮັດໃຫ້ເຮືອນປະຊາຊົນ, ຂົວອູ່, ເສັ້ນທາງຫລາຍສາຍ, ເສົາໄຟຟ້າ, ລະບົບນໍ້າປະປາແລະພື້ນທີ່ການຜະລິດໄດ້ຮັບຜົນເສຍຫາຍ. ສ່ວນສະພາບນໍ້າຖ້ວມເຂດເມືອງນານຮອບໃໝ່ນີ້ມີລາຍງານເບື້ອງຕົ້ນວ່າມີເຮືອນປະຊາຊົນຢູ່ລຽບແຄມນໍ້າຫລາຍຫລັງໄດ້ຖືກນໍ້າຖ້ວມໃນລະດັບສູງ, ແຕ່ຍັງບໍ່ມີລາຍງານສະພາບເຮືອນຊານເປ່ເພຫລືຖືກນໍ້າພັດເສຍຫາຍ.

ຫລາຍທ້ອງຖິ່ນໄດ້ຮັບຜົນກະທົບຈາກໄພນ້ຳຖ້ວມ - new3 - ຫລາຍທ້ອງຖິ່ນໄດ້ຮັບຜົນກະທົບຈາກໄພນ້ຳຖ້ວມ

ນອກນີ້, ໃນເຊົ້າວັນທີ 17 ສິງຫາຜ່ານມາ, ຢູ່ເມືອງແບງແຂວງອຸດົມໄຊ ໄດ້ເກີດຝົນຕົກໜັກແລ້ວມີນ້ຳປ່າໄຫລຊຸແຮງເຂົ້າຖ້ວມເນື້ອທີ່ການຜະລິດ, ເຮືອນຊານບ້ານຊ່ອງລວມເຖິງພື້ນຖານໂຄງລ່າງຈຳນວນໜຶ່ງພາຍໃນເມືອງ ໄດ້ຮັບຜົນເສຍຫາຍຫລາຍສົມຄວນຄື: ໂຮງໝໍເມືອງມີອຸປະກອນການແພດໄດ້ຮັບຄວາມເສຍຫາຍຍ້ອນນໍ້າຖ້ວມ, ມີເຮືອນ 1 ຫລັງຢູ່ບ້ານຫ້ວຍລາ, ອີກ 4 ຫລັງຢູ່ບ້ານນາຫ້ວຍໄດ້ຮັບຄວາມເສຍຫາຍສົມຄວນຈາກດິນເຊາະເຈືອນແລະອີກຫລາຍບ້ານລວມເຖິງພື້ນທີ່ການຜະລິດໄດ້ຖືກນໍ້າຖ້ວມເປັນບໍລິເວນກວ້າງ

ນອກນີ້, ເສັ້ນທາງພາຍໃນເມືອງຖືກຕັດຂາດຫລາຍຈຸດ, ລະບົບນໍ້າປະປາຖືກເສຍຫາຍ, ແຕ່ໂຊກດີບໍ່ມີລາຍງານຜູ້ໄດ້ຮັບບາດເຈັບຫລືເສຍຊີວິດ. ປັດຈຸບັນອໍານາດການປົກຄອງເມືອງໄດ້ຈັດສົ່ງກຳລັງທະຫານ-ຕຫລວດລົງຊ່ວຍເຫລືອປະຊາຊົນທີ່ໄດ້ຮັບຜົນກະທົບໃນເບື້ອງຕົ້ນແລ້ວ.ນອກຈາກນີ້, ກໍມີລາຍງານໃນວັນທີ 17 ສິງຫານີ້ວ່າ: ແມ່ນໍ້າຊອງ, ເມືອງວັງວຽງແຂວງວຽງຈັນກໍມີປະລິມານສູງຂຶ້ນພ້ອມໄຫລແຮງແລະໄດ້ຍູ້ເອົາຂົວໄມ້ທີ່ຂ້າມສາຍນໍ້າດັ່ງກ່າວເສຍຫາຍໄປກັບນໍ້າແລະໃນວັນທີ 16 ສິງຫາຜ່ານມາ, ກໍໄດ້ເກີດມີເຫດການຮ້ານອາຫານແຄມນໍ້າງື່ມແຫ່ງໜຶ່ງເຂດບ້ານທ່າງ່ອນ, ເມືອງໄຊທານີນະຄອນຫລວງວຽງຈັນຖະຫລົ່ມຈົມລົງນໍ້າງື່ມ, ຍ້ອນພື້ນດິນທີ່ຮ້ານອາຫານດັ່ງກ່າວຕັ້ງຢູ່ເກີດການໄຫລເຈື່ອນລົງມາ, ແຕ່ໂຊກດີເຫດການດັ່ງກ່າວບໍ່ມີຜູ້ໄດ້ຮັບບາດເຈັບຫລືເສຍຊີວິດ, ໂດຍອໍານາດການປົກຄອງເມືອງໄດ້ລະດົມໃຫ້ປະຊາຊົນທີ່ຢູ່ໃກ້ຄຽງຈຸດເກີດເຫດຂົນຍ້າຍສິ່ງຂອງອອກຈາກເຮືອນໄປໄວ້ບ່ອນອື່ນຊົ່ວຄາວເພື່ອຄວາມປອດໄພແລະກ່ອນໄດ້ຮັບອະນຸຍາດຈາກໜ່ວຍງານກ່ຽວຂ້ອງ.

ຫລາຍທ້ອງຖິ່ນໄດ້ຮັບຜົນກະທົບຈາກໄພນ້ຳຖ້ວມ - lattana 1 - ຫລາຍທ້ອງຖິ່ນໄດ້ຮັບຜົນກະທົບຈາກໄພນ້ຳຖ້ວມ
error: Content is protected !!