ສື່ມວນຊົນລາວທ່າມກາງສື່ໃໝ່ທັນສະໄໝ

ສື່ມວນຊົນລາວທ່າມກາງສື່ໃໝ່ທັນສະໄໝ - advert banner 728 90 728x90 - ສື່ມວນຊົນລາວທ່າມກາງສື່ໃໝ່ທັນສະໄໝ

ໃນ​ຍຸກ​ການ​ປະຕິວັດ​ຊາດ​ປະຊາ​ທິ​ປະ​ໄຕ ​ຕ້ອງ​ຍອມຮັບ​ວ່າ​ນັກ​ສື່​ມວນ​ຊົນ​ລາວຕ້ອງ​ໃຈ​ກ້າ, ອາດ​ຫານ, ທັງ​ມີນ້ຳ​ໃຈ​ເສຍສະຫລະ, ​ເດັດດ່ຽວ​ຜ່ານ​ຜ່າ​ຄວາມ​ຫຍຸ້ງຍາກ​ນາໆ ປະການ​.

ສື່ມວນຊົນລາວທ່າມກາງສື່ໃໝ່ທັນສະໄໝ - new3 - ສື່ມວນຊົນລາວທ່າມກາງສື່ໃໝ່ທັນສະໄໝ
ສື່ມວນຊົນລາວທ່າມກາງສື່ໃໝ່ທັນສະໄໝ - 555544 - ສື່ມວນຊົນລາວທ່າມກາງສື່ໃໝ່ທັນສະໄໝ

ສິ່ງ​ທີ່​ໂດດ​ເດັ່ນ​ອີກ​ອັນ​ໜຶ່ງ​ກໍ​ແມ່ນ​ຄວາມ​ສັດ​ຊື່, ຈົງ​ຮັກ​ພັກດີ​ຕໍ່​ພັກ, ຕໍ່​ການ​ປະຕິວັດ​ຕໍ່​ປະ ​ເທດ​ຊາດ ​ແລະ ຕໍ່​ປະຊາຊົນ​ຢ່າງ​ດູດ​ດື່ມ​ໜັກ​ແໜ້ນ. ຍ້ອນ​ສະພາບ​ແວດ​ລ້ອມ​ຂອງ​ສົງຄາມ​ທີ່​ພວມ​ເອົາ​ເປັນ​ເອົາຕາຍ​ກັບ​ສິ່ງ​ທ້າ​ທາຍ​ຕ່າງໆ ນັກ​ສື່​ມວນ​ຊົນ​ປະຕິວັດ ຕ້ອງ​ຮູ້​ບຸກທະລຸ​ຜ່ານ​ຮ່າ​ລະ​ເບີດ​ ​ແລະ ກະ​ສູນ​ປືນ​​ຢ່າງ​ດຸ​ເດືອດ​ຂ້ຽວຂາດ.

ຈາກ​ປັດ​ໄຈ​ທີ່​ກ່າວ​ມາ​ນີ້, ຈຶ່ງ​ເຮັດ​ໃຫ້​ນັກ​ຮົບສື່​ມວນ​ຊົນ​ຫລາຍ​ສະຫາຍ​ໃນ​ຍຸກ​ປະຕິວັດ​ໄດ້​ເສຍ ສະຫລະ​ຊີວິດ​ເພື່ອ​ພາລະກິດ​ປົດ​ປ່ອຍປະ​ເທດ​ຊາດ, ນັກຮົບ​ສື່​ມວນ​ຊົນ​ກໍ​ແບກ​ກ້ອງຖ່າຍ​ທຳ​ເພື່ອ​ບັນທຶກ​ເອົາ​ ​ເຫດການ​ໄປ​ສ້າງ​ບົດ​ສະລະ​ຄະດີ, ​ ບົດ​ຂ່າວ, ບົດ​ວິ​ເຄາະ, ວິຈານ​ສົ່ງ​ອອກ​ໂຄສະນາ​ທາງ​ຮູບ​ເງົາ, ວິທະຍຸ ​ແລະ ໜັງສືພິມ​ຂອງ​ແນວ​ລາວ​ຮັກ​ຊາດ​ດ່ັງ​ທີ່​ພວກ​ເຮົາ​ເຄີຍ​ເຫັນ​ໃນ​ພິມ​ເອກະສານ, ສາລະ​ຄະດີ​ຂອງ​ສົງຄາມ​ອິນດູ​ຈີນ ຫລື ສົງຄາມ​ລັບ​ໃນ​ລາວ, ຍ້ອນ​ຄວາມ​ຕັດສິນ​ໃຈ​ສູງ ​ແລະ ນ້ຳ​ໃຈ​ເສຍສະຫລະ​ຂອງ​ນັກຮົບ​ສື່​ມວນ​ຊົນ​ປະຕິວັດ​ພວກ​ເຮົາ ຈຶ່ງ​ໄດ້​ເຫັນ​ຜົນງານ​ຕົວ​ຈິງ​ແຫ່ງ​ການ​ເຄື່ອນ​ໄຫວ​ຈົນ​ກາຍ​ມາ​ເປັນ​ມູນ​ເຊື້ອປະຕິວັດ​ມາ​ຜອງ​ເທົ່າ​ທຸກ​ວັນ​ນີ້.

ພໍ​ຕົກ​ມາ​ໃນ​ສະ​ໄໝ​ຍຸກ​ໂລກາ​ພິວັດ ຫລື ​ເອີ້ນຢ່າງ​ໜຶ່ງ​ວ່າ​ຍຸກ​​ໃໝ່, ສະ​ໄໝ​ໃໝ່​ຄື​ດັ່ງພວກ​ເຮົາ​ພວມ​ປະ​ເຊີນ​ຢູ່​ທຸກ​ວັນ​ນີ້​ນັກ​ສື່​ມວນ​ຊົນ​ຍິ່ງ​ເຫັນ​ຫລາຍ​ອັນ​ຫລາຍ​ຢ່າງ​ທີ່​ມາ​ກະທົບ.

ນອກຈາກ​ເຫັນ​ຄວາມ​ຈະ​ເລີ​ນ, ​ພັດທະນາ, ທັນ​ສະ​ໄໝ​ໄຮ​ເທັກ​ແລ້ວ, ທາງ​ດ້ານ​ເຕັກ​ໂນ​ໂລ​ຊີ​ກໍ​ມີ​ການ​ພັດທະນາ​ລ້ຳຍຸກ​ໄປ​ຕິກໆ, ​ເສດຖະກິດ​ກໍ​ປ່ຽນ​ຮູບ​ແບບ​ເປັນ​ເສດຖະກິດ​ຕະຫລາດ, ສັງຄົມ​ກໍ​ປ່ຽນ​ຈາກ​ອັນ​ເກົ່າ​ກ້າວ​ສູ່​ອັນ​ໃໝ່, ສື່​ມວນ​ຊົນ​ກໍຫັນປ່ຽນ​ຈາກ​ສື່​ເກົ່າ​ມາ​ເປັນ​ສື່​​ໃໝ່, ​ເອີ້ນວ່າ​ສື່​ອອນ​ລາຍ. ທາງດ້ານ​ເຕັກ​ໂນ​ໂລ​ຊີ ຂອງ​ສື່​ກໍ​ຫັນປ່ຽນ​ຈາກ​ອານາ​ລ໋ອກມາ​ເປັນ​ດີ​ຈີ​ຕອນ​ທີ່​ວ່ອງ​ໄວ​ທັນ​ສະ​ໄໝ.

ທັງ​ໝົດ​ທີ່​ກ່າວ​ມາ​ນີ້, ລ້ວນ​ແລ້ວ​ແຕ່​​ເປັນສິ່ງ​ທ້າທາຍ​ຕໍ່​ພາລະກິດ​ຂອງ​ນັກຮົບ​ສື່​ມວນ​ຊົນ​ລາວ​ຕ້ອງ​ໄດ້​ພ້ອມ​ກັນ​ພັດທະນາ​ຕົນ​ເອງ​ໃຫ້​ກ້າວໜ້າ​ທັນ​ສະ​ໄໝ. ​ເຊິ່ງ​ກ່ອນ​ອື່ນ​ໝົດ​ຕ້ອງ​ໄດ້​ພັດທະນາ​ຄົນ ຫລື ພັດທະນາ​ສື່​ມວນ​ຊົນ​ໃຫ້​ເປັນ​ຄົນ​ຜູ້​ທີ່​ມີ​ຄວາມ​ຮູ້, ຄວາມ​ສາມາດ, ມີ​ທັກ​ສະ​ທີ່​ແນ່ນອນ​ກາຍ​ເປັນ​ນັກ​ຂ່າວ, ນັກ​ຂຽນ​ນັກວິ​ເຄາະ​ວິຈານ​ທີ່​ເກັ່ງ ຈຶ່ງ​ສາມາດ​ສະໜອງ​ໜ້າ​ວຽກ​ໄດ້​ຕາມ​ຄວາມ​ຮຽກຮ້ອງ​ຕ້ອງການ ​ແລະ ການ​ຂະຫຍາຍຕົວ​ໃນ​ສັງຄົມ​ຍຸກ​ໃໝ່.

​        ໄປ​ຄຽງ​ຄູ່​ກັນນັ້ນ, ອິດ​ທິນພົນຂອງ​ສິ່ງ​ທ້າ​ທາຍ​ຕ່າງໆ ​ເປັນຕົ້ນພວກ​ປໍ​ລະ​ປັກ​ຍາມ​ໃດ​ພວກ​ເຂົາ​ກໍ​ປ່ອຍ​ຂ່າວ​ຄາວ​ ​ສຽດ​ສີ, ​ໂຈມ​ຕີ​ແນວທາງ​ນະ​ໂຍບາຍ​ຂອງ​ພັກ ​ແລະ ລັດຖະບານ​​ເຮົາ​ຕະຫລອດ​ເວລາ.

ສື່ມວນຊົນລາວທ່າມກາງສື່ໃໝ່ທັນສະໄໝ - lattana 1 - ສື່ມວນຊົນລາວທ່າມກາງສື່ໃໝ່ທັນສະໄໝ

ຈາກ​ສິ່ງ​ນີ້​ລະ​ມັນ​ຈະ​ກາຍ​ເປັນ​ການ​ຫັນປ່ຽນ​ໂດຍ​ສັນຕິ​ຂອງ​ລະບົບ​ແນວ​ຄິດ​ຂອງ​ຄົນ​ພາຍ​ໃນປະ​ເທດ.

ນີ້​ຄື​ພາລະກິດ​ອັນ​ຍິ່ງ​ໃຫຍ່​ຂອງ​ນັກ​ສື່​ມວນ​ຊົນ​ລາວ​ທີ່​ຈະ​ຕ້ອງ​ຫາ​ວິທີ​ໂຄສະນາ​ເພື່ອ​ມີ​ການ​ຕອບ​ຕ້ານ ​ແລະ ຕອບ​ໂຕ້​ຢ່າງ​ທັນ​ການ​ທ່າມກາງ​ກະ​ແສ​ສື່​ໃໝ່​ທັນ​ສະ​ໄໝ​ໄດ້​ເຂົ້າມາ​ຄອບ​ງຳ​ແນວ​ຄິດ​ຈິດ​ໃຈ​ຂອງ​ຄົນ​ລາວ​ເຮົາ​ໃນ​ຍຸກ​ປັດຈຸບັນ.

​        ໃນ​ສັງຄົມ​ຂອງ​ມວນ​ມະນຸດ, ບໍ່​ວ່າ​ຍຸກ​ໃດ​ສະ​ໄໝ​ໃດ​ສື່​ມວນ​ຊົນ​ມີ​ບົດບາດ​ອັນ​ສຳຄັນ​ໃນ​ການ​ຕໍ່ສູ່​ຊົນ​ຊັ້ນ. ສື່​ມວນ​ຊົນ​ຍັງ​ເປັນ​ກະບອກ​ສຽງ​ອັນ​ສຳຄັນ​ຂອງ​ຊາດ, ຂອງ​ຜູ້​ກຳ​ອຳນາດນັກ​ສື່​ມວນ​ຊົນ​ແມ່ນ​ນັກຮົບ​ທີ່​ເຕັມ​ໄປ​ດ້ວຍ​ອຸດົມ​ການ​ເພື່ອ​ເຮັດ​ຫລ້ອນ​ພາລະກິດ​ການ​ຕໍ່ສູ້​ລະຫວ່າງ​ອັນ​ດີ​ກັບ​ອັນ​ຮ້າຍ, ລະຫວ່າງ​ອັນ​ກ້າວໜ້າ​ກັບ​ອັນ​ລ້າຫລັງ.

ສະນັ້ນ, ທ່າມກາງ​ກະ​ແສ​ສື່​ໃນ​ຍຸກ​ໃໝ່​ທີ່​ພວມ​ມາ​ແຮງ​ແຊງ​ໜ້າ​ຄື​ທຸກ​ວັນ​ນີ້, ນັກ​ສື່​ມວນ​ຊົນ​ລາວ​ຕ້ອງ​ໄດ້​ຜ່ານ​ຜ່າ​ກ້າ​ເຮັດ, ກ້າ​ທຳ, ກ້າ​ຕັດສິນ​ໃຈ​ໃນ​ພາລະກິດ​ຂອງ​ຕົນ ຈຶ່ງ​ສາມາດ​ກ້າວ​ໄປ​ທັນ​ຍຸກ​ທັນ​ສະ​ໄໝ​ໄດ້​ຢ່າງ​ໂດດ​ເດັ່ນ ​ແລະ ສວຍ​ງາມ./.

error: Content is protected !!