ຮອງນາຍົກເຄື່ອນໄຫວຊີ້ນຳການເກັບລາຍຮັບຢູ່ນະຄອນຫລວງວຽງຈັນ.

ຮອງນາຍົກເຄື່ອນໄຫວຊີ້ນຳການເກັບລາຍຮັບຢູ່ນະຄອນຫລວງວຽງຈັນ. - advert banner 728 90 728x90 - ຮອງນາຍົກເຄື່ອນໄຫວຊີ້ນຳການເກັບລາຍຮັບຢູ່ນະຄອນຫລວງວຽງຈັນ.

ເມື່ອບໍ່ດົນມານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ໄດ້ລົງຊີ້ນຳການປະຕິບັດລາຍຮັບ-ລາຍຈ່າຍວິຊາການ, ຄ່າທຳນຽມ, ກອງທຶນ ນັບແຕ່ສູນກາງຮອດທ້ອງຖິ່ນໃຫ້ທັນເວລາ ແລະ ຊຸກຍູ້ບັນດາຫົວໜ່ວຍທຸລະກິດທີ່ມີໜີ້ອາກອນຄ້າງຊຳລະໃນແຕ່ລະເດືອນ.

ຮອງນາຍົກເຄື່ອນໄຫວຊີ້ນຳການເກັບລາຍຮັບຢູ່ນະຄອນຫລວງວຽງຈັນ. - new3 - ຮອງນາຍົກເຄື່ອນໄຫວຊີ້ນຳການເກັບລາຍຮັບຢູ່ນະຄອນຫລວງວຽງຈັນ.

ທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ກະຊວງການເງິນໃຫ້ຮູ້ວ່າ: ໃນປີ 2019 ຂະແໜງສ່ວຍສາອາກອນ ໄດ້ຮັບຕົວເລກແຜນການລາຍຮັບຈໍານວນ 12.320 ຕື້ກີບທຽບໃສ່ປີ 2018 ເພີ່ມຂຶ້ນ 13,6%. ສຳລັບ 7 ເດືອນປີ 2019 ສາມາດປະຕິບັດໄດ້ 6.748 ຕື້ກວ່າກີບເທົ່າກັບ 51,5% ຂອງແຜນການປີ. ໃນນີ້, ພູດສູນກາງປະຕິບັດໄດ້ 3.917 ຕື້ກີບເທົ່າກັບ 50,67% ແລະ ທ້ອງຖິ່ນປະຕິບັດໄດ້ 2.831 ຕື້ກວ່າກີບເທົ່າກັບ 52,79% ຂອງແຜນການປີ,ເຫັນວ່າການເກັບລາຍຮັບມີທ່າອ່ຽງດີຂຶ້ນແລະໃນໄລຍະ 5 ເດືອນທ້າຍປີນີ້, ຈະສູ້ຊົນຊຸກຍູ້ການເກັບລາຍຮັບບັນດາຫົວໜ່ວຍທຸລະກິດທີ່ຢູ່ໃນລະບົບຂໍ້ມູນຂ່າວສານຂອງຂະແໜງສ່ວຍສາອາກອນ, ກວດກາຄືນການແຈ້ງມອບ, ການບໍ່ມາແຈ້ງ ຫລື ແຈ້ງສູນໂດຍແຍກຕາມຂະແໜງການໃຫ້ລະອຽດຄືນ, ກໍານົດຫົວໜ່ວຍຖານລາຍຮັບທີ່ມີລາຍຮັບເກີນ 400 ລ້ານກີບ ທີ່ຍັງນອນຢູ່ໃນລະບົບມອບເໝົາໃຫ້ເຂົ້າສູ່ລະບົບອາກອນມູນຄ່າເພີ່ມຢ່າງຄົນຖ້ວນ, ໂດຍກໍານົດເປົ້າໝາຍ 10% ຂອງຫົວໜ່ວຍເປົ້າໝາຍຂັ້ນນະຄອນຫລວງ ແລະ ການຄຸ້ມຄອງຂອງເມືອງ.

ທ່ານຫົວໜ້າສ່ວຍສາອາກອນນະຄອນຫລວງວຽງຈັນ ໃຫ້ຮູ້ວ່າ: ປີ 2019 ໄດ້ຮັບຕົວເລກແຜນການຈັດເກັບລາຍຮັບຈໍານວນ 1.293 ຕື້ກີບທຽບໃສ່ປີ 2018 ເພີ່ມຂຶ້ນ 136 ຕື້ກວ່າກີບເທົ່າກັບ 11,8%. ສະນັ້ນໃນ 5 ເດືອນທ້າຍປີນີ້ຕ້ອງໃຫ້ໄດ້ 752 ຕື້ກີບດ ໂດຍຈະສຸມໃສ່ການແບ່ງຄວາມຮັບ

ຮອງນາຍົກເຄື່ອນໄຫວຊີ້ນຳການເກັບລາຍຮັບຢູ່ນະຄອນຫລວງວຽງຈັນ. - lattana 1 - ຮອງນາຍົກເຄື່ອນໄຫວຊີ້ນຳການເກັບລາຍຮັບຢູ່ນະຄອນຫລວງວຽງຈັນ.

ຜິດຊອບໃຫ້ແຕ່ລະຂັ້ນເພື່ອຄົ້ນຄວ້າທ່າແຮງແຫລ່ງລາຍຮັບເພີ່ມຂຶ້ນ, ໂດຍສະເພາະລົງເລິກການຄິດໄລ່ອາກອນຈາກການນໍາໃຊ້ພາສີທີ່ດິນຍັງເຫັນວ່າເປັນລາຍຮັບທີ່ຕໍ່າຈາກການຊື້-ຂາຍດິນຕົວຈິງ, ການຄິດໄລ່ອາກອນຄ່າເຊົ່າ, ອາກອນລາຍໄດ້ເງິນເດືອນຂອງພະນັກງານປະຈໍາຢູ່ສະຖານທູດ, ກົງສຸນ ແລະ ອົງການຈັດຕັ້ງສາກົນ ແລະ ການເກັບລາຍຮັບຈາກບັນດາຮ້ານຂາຍລົດເປັນຕົ້ນ.

ໂອກາດນີ້, ທ່ານ ສົມດີ ດວງດີ ໄດ້ເນັ້ນໃຫ້ກົມສ່ວຍສາອາກອນ ແລະ ສ່ວຍສາອາກອນ ປະຈຳນະຄອນຫລວງວຽງຈັນ ສືບຕໍ່ປະສານສົມທົບ, ເລັ່ງຕິດຕາມການປະຕິບັດລາຍຮັບ-ລາຍຈ່າຍວິຊາການ, ຄ່າທຳນຽມ ແລະ ກອງທຶນຕ່າງໆນັບແຕ່ສູນກາງຮອດທ້ອງຖີ່ນໃຫ້ທັນເວລາ, ຮີບຮ້ອນຫັນເອົາຫົວໜ່ວຍທຸລະກິດທີ່ມີລາຍຮັບເກີນ 400 ລ້ານກີບແຕ່ຍັງບໍ່ທັນໄດ້ຢູ່ໃນລະບົບອາກອນມູນຄ່າເພີ່ມ (ອມພ) ເພື່ອເປັນຖານການເກັບອາກອນມູນຄ່າເພີ່ມໃນ 5 ເດືອນທ້າຍປີຕ້ອງບັນລຸໃຫ້ໄດ້ຕາມເປົ້າໝາຍ, ສືບຕໍ່ຄົ້ນຄ້ວາພິຈາລະນາປັບປຸງເນື້ອໃນໃບເກັບເງິນໃຫ້ຖືກຕ້ອງຕາມນິຕິກຳ ແລະ ລະບຽບການກຳນົດ, ຈັັດຕັ້ງປະຕິບັດການແຈ້ງ-ມອບອາກອນຄ່າເຊົ່າຕຶກ-ອາຄານ ແລະ ບ້ານພັກໃນ 4 ເມືອງໃນຂອບເຂດນະຄອນຫລວງວຽງຈັນ ຜ່ານລະບົບທະນາຄານໃຫ້ກວມຫລາຍກວ່າ 50% ຂອງຈຳນວນຫົວໜ່ວຍທຸລະກິດທີ່ມີຢູ່, ເລັ່ງຕິດຕາມກວດກາ ແລະ ຊຸກຍູ້ໃຫ້ຫົວໜ່ວຍທຸລະກິດທີ່ມີໜີ້ອາກອນຄ້າງຊຳລະໃນແຕ່ລະເດືອນ, ສົມທົບກັບຂະແໜງພາສີປະຕິບັດມາດຕະການໃນການຄຸ້ມຄອງການນຳເຂົ້າສິນຄ້າ, ໂດຍສະເພາະບັນດາບໍລິສັດນໍາເຂົ້ານ້ຳມັນເຊື້ອໄຟ, ເຫລົ້າ-ເບຍ, ວາຍ ແລະ ສິນຄ້າອຸປະໂພກ-ບໍລິໂພກຕ່າງໆ ເພື່ອເປັນຖານຂໍ້ມູນໃນການຄຸ້ມຄອງກວດກາການນຳເຂົ້າສິນຄ້າຢູ່ຕົ້ນທາງ ແລະ ຢູ່ສາງປາຍທາງໃຫ້ມີຄວາມຖືກຕ້ອງ, ສົມທົບກັບອົງການກວດກາລັດຖະບານ, ຂະແໜງການກ່ຽວຂ້ອງກວດການບັນຊີວິສາຫະກິດ, ຄຸ້ມຄອງລະບົບສາງສິນຄ້າລວມທັງສາງນ້ຳມັນເຊື້ອໄຟໃຫ້ຖືກຕ້ອງ, ກົມສ່ວຍສາອາກອນ, ຕ້ອງສົມທົບກັບສ່ວຍສາອາກອນນະຄອນຫລວງ, ລົງກວດກາຕິດຕາມການເຄື່ອນໄຫວຢ່າງເປັນປົກກະຕິ ຕາມຄວາມສ່ຽງໃນການແຈ້ງມອບລາຍຮັບເປັນແຕ່ລະເດືອນ.

error: Content is protected !!