ອາທິດ​ນີ້​ຝົນ​ຈະ​ສືບຕໍ່​ຕົກ​​ເປັນ​ບໍລິ​ເວນ​ກວ້າງ​ຢູ່​ຫລາຍ​ທ້ອງ​ຖິ່ນ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ:​​ ​ແຕ່​ວັນ​ທີ 20-23 ສິງຫາ​ນີ້, ຮ່ອງ​ຄວາມ​ກົດ​ດັນ​ຕໍ່າ​ຂອງອາກາດຮ້ອນ​ຍັງ​ຈະ​ພັດ​ຜ່ານ​ແຂວງ​ພາກ​ເໜືອ ​ແລະ ພາກ​ກາງ​ຂອງ​ປະ​ເທດ​ລາວ ດ້ວຍ​ກໍາລັງ​ປານ​ກາງ,​ ພ້ອມດຽວ​ກັນ​ລົມ​ມໍ​ລະ​ສຸມ​ຕາ​ເວັນ​ຕົກ​ສ່ຽງ​ໃຕ້​ຈະ​ມີ​ກໍາລັງ​ແຮງ​ເພີ່ມ​ຂຶ້ນ​ພັດ​ປົກ​ຄຸມ​ເປັນ​ສ່ວນ​ໃຫຍ່, ຊຶ່ງ​ຈະ​ເຮັດ​ໃຫ້​ມີ​ຝົນຕົກ​ຟ້າຮ້ອງ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​ແຕ່​ລະ​ພາກ ​ແລະ ຕົກ​ໜັກ, ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ. ຈາກ​ນັ້ນ​ວັນ​ທີ 24-25 ສິງຫາ​, ຮ່ອງ​ຄວາມ​ກົດ​ດັນ​ຕໍ່າ​ຂອງອາກາດຈະ​ອ່ອນ​ກໍາລັງ​ລົງ ​ແລະ ລົມ​ຕາ​ເວັນ​ຕົກ​ສຽງ​ໃຕ້ຍັງ​ຈະ​ພັດ​ປົກ​ຄຸມ, ຊຶ່ງ​ຈະ​ເຮັດ​​ໃຫ້​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ຕົກ​ໜັກ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ. ສໍາລັບ​ສະພາບ​ອາກາດ​ແຕ່ລະ​ພາບ​ອາກາດ​ມີ​ດັ່ງ​ນີ້: ພາກ​ເໜືອ​ດ້ານ​ຕາ​ເວັນ​ອອກ ຈະ​ມີ​ຝົນຕົກ​ຟ້າຮ້ອງ​ໃນ​ລະດັບ​ຄ່ອຍ​ຢູ່​ຕື່ມ​ອີກ, ພ້ອມ​ມີ​ລົມ​ພັດ​​ແຮງ​ເປັນ​ບາງ​ໂອກາດ, ອຸນຫະພູມ​ແຕ່ 20-32 ອົງ​ສາ. ພາກ​ເໜືອ​ດ້ານ​ຕາ​ເວັນ​ຕົກ ຝົນ​ຍັງ​ຈະ​ສືບຕໍ່​ຕົກ​ໃນ​ລະດັບ​ຄ່ອຍ ​ແລະ ຕົກ​ປານ​ກາງ, ພ້ອມ​ມີ​ລົ​ມພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ ອຸນຫະພູມ​ແຕ່ 22-34 ອົງສາ. ພາກ​ກາງ ສະພາບ​ຝົນ​ຈະ​ເບົາບາງ​ລົງ ​ອຸນຫະ​ພູມ​ແຕ່ 22-33 ອົງສາ. ພາກ​​ໃຕ້ ຈະ​ມີ​ຝົນຕົກ​ໃນ​ລະດັບ​ຄ່ອຍ, ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ ອຸນຫະພູມ​ແຕ່ 22-34 ອົງສາ. 

ອາທິດ​ນີ້​ຝົນ​ຈະ​ສືບຕໍ່​ຕົກ​​ເປັນ​ບໍລິ​ເວນ​ກວ້າງ​ຢູ່​ຫລາຍ​ທ້ອງ​ຖິ່ນ - new3 - ອາທິດ​ນີ້​ຝົນ​ຈະ​ສືບຕໍ່​ຕົກ​​ເປັນ​ບໍລິ​ເວນ​ກວ້າງ​ຢູ່​ຫລາຍ​ທ້ອງ​ຖິ່ນ
error: Content is protected !!