ເຮົາບໍ່ຄວນຄ້ຳແອວເບິ່ງຊື້ໆ

ເຮົາບໍ່ຄວນຄ້ຳແອວເບິ່ງຊື້ໆ - advert banner 728 90 728x90 - ເຮົາບໍ່ຄວນຄ້ຳແອວເບິ່ງຊື້ໆ
ເຮົາບໍ່ຄວນຄ້ຳແອວເບິ່ງຊື້ໆ - 8574441 - ເຮົາບໍ່ຄວນຄ້ຳແອວເບິ່ງຊື້ໆ
ເຮົາບໍ່ຄວນຄ້ຳແອວເບິ່ງຊື້ໆ - 44411 - ເຮົາບໍ່ຄວນຄ້ຳແອວເບິ່ງຊື້ໆ

ໂດຍ: ທ່ຽງ​ທຳ

ເຮົາບໍ່ຄວນຄ້ຳແອວເບິ່ງຊື້ໆ - new3 - ເຮົາບໍ່ຄວນຄ້ຳແອວເບິ່ງຊື້ໆ
ເຮົາບໍ່ຄວນຄ້ຳແອວເບິ່ງຊື້ໆ - 333 - ເຮົາບໍ່ຄວນຄ້ຳແອວເບິ່ງຊື້ໆ

ສະບາຍດີ, ເພື່ອນຜູ້ອ່ານ ທີ່ຮັກແພງ, ເຊົ້ານີ້ ພວກເຮົາຈະມາແລກປ່ຽນນຳກັນຕື່ມອີກກ່ຽວກັບສະພາບການປ່ຽນແປງຂອງດິນຟ້າອາກາດ, ບັນຫາໄພພິບັດທາງທຳມະຊາດນັບມື້ຮ້າຍແຮງ ແລະ ເກີດຂຶ້ນຫລາຍໃນທົ່ວໂລກ, ມັນໄດ້ຂ້າຊີວິດຄົນເຮົາ ໄປນັບບໍ່ຖ້ວນ, ຈາກໄພນ້ຳຖ້ວມ, ດິນເຈື່ອນຖົມ, ແຜນດິນໄຫວ, ພູເຂົາໄຟ ແລະ ອື່ນໆ.

ເຊິ່ງທັງໝົດເລົ່ານັ້ນ ສ່ວນໜຶ່ງກໍເນື່ອງມາຈາກເງື່ອມມືມະນຸດເຮົາສ້າງຂຶ້ນ, ຍ້ອນການທຳລາຍສິ່ງແວດ ລ້ອມ, ລະບົບນິເວດວິທະຍາ, ການຕັດໄມ້ທຳລາຍປ່າ, ບຸກເບີກເນື້ອທີ່ດິນເພື່ອສ້າງນິຄົມ ຫລື ເຂດອຸດສາຫະກຳຂະໜາດໃຫຍ່ຕ່າງໆ, ກໍ່ໃຫ້ ເກີດອາຍພິດເຮືອນແກ້ວ, ຊັ້ນໂອໂຢນຖືກທຳລາຍ ແລະ ອື່ນໆເບິ່ງແລ້ວນັບມື້ໜ້າເປັນຫວ່ງຫລາຍ.

ສຳລັບຜົນຮ້າຍດັ່ງກ່າວ, ຢູ່ລາວເຮົາກໍເກີດມີຂຶ້ນນັບ ມື້ຖີ່ເຂົ້າ, ໂດຍສະເພາະສະພາບນ້ຳຖ້ວມ, ດິນເຈື່ອຖົມ, ໄດ້ທຳລາຍຊີວິດ ແລະ ຊັບສິນຂອງປະຊາຊົນເຮົາສູນເສຍຈົນນັບບໍ່ຖ້ວມຄື: ສັນ ເຂື່ອນເຊປ່ຽນ-ເຊນ້ຳນ້ອຍ ແຕກເມື່ອທ້າຍເດືອນ ກໍລະກົດ 2018 ຜ່ານມາກໍໄດ້ກຶນເອົາຊີວິດ, ເຮືອນຊານບ້ານຊ່ອງ, ໄຮ່ນາຮົ້ວສວນ, ສັດ ສາວາສິ່ງ ແລະ ຊັບສິນຕ່າງໆ ຂອງປະຊາຊົນຫລາຍບ້ານ ໃນເຂດເມືອງສະໜາມໄຊ ແຂວງອັດຕະປືສູນຫາຍໄປ, ຈົນມາຮອດປັດຈຸບັນກໍຍັງ ບໍ່ສາມາດຟື້ນຟູຈິດໃຈ ແລະ ຊີວິດການເປັນຢູ່ຂອງເຂົ້າ ເຈົ້າຄືນສູ່ສະພາບປົກກະຕິໄດ້ ແລະ ຕໍ່ມາທົ່ວປະເທດ ບໍ່ວ່າແຂວງໃດເມືອງໃດກໍ ປະສົບກັບໄພນ້ຳຖ້ວມ, ດິນເຈື່ອນນ້ຳຊຸກວາດເອົາຜົນ ຜະລິດ, ເຮືອນຊານ ແລະ ຊີວິດຂອງປະຊາຊົນຜູ້ຢູ່ໃນ ຄວາມສ່ຽງຂອງໄພພິບັດ ດັ່ງກ່າວເຊັ່ນ: ຕັ້ງບ້ານເຮືອນ ຢູ່ແຄມແມ່ນ້ຳໃຫຍ່, ບ່ອນຄ້ອຍ ຊັນທີ່ຈະກໍ່ໃຫ້ເກີດດິນ ເຈື່ອນຖົມໃນເວລາມີຝົນຕົກລົງມາແຮງ, ດັ່ງຢູ່ແຂວງອຸດົມໄຊ ເມື່ອ 2-3 ປີຜ່ານມາ ແລະ ຢູ່ແຂວງຫລວງພະ ບາງ, ຊຽງຂວາງກໍເກີດມີມາແລ້ວ ແລະ ມໍ່ໆນີ້ແມ່ນຢູ່  ເມືອງ ວຽງໄຊ ແຂວງຫົວພັນກໍມີ ຫລາຍບ້ານປະສົບໄພ  ດັ່ງກ່າວແຕ່ຮ້າຍແຮງທີ່ສຸດແມ່ນດິນເຈືອນຖົມເອົາ ສອງຄອບຄົວຢູ່ບ້ານນ້ຳງາມີຜູ້ສູນຫາຍ  ແລະ ເສຍຊີ ວິດຫລາຍເຖິງ 6-7 ຄົນພາບດຽວ ແລະ ກ່ອນໜ້ານີ້ 3-4 ປີຢູ່ກະໂຕເມືອງຊຳເໜືອກໍ່ເກີດມີສະພາບດິນເຈື່ອນຖົມຄອບຄົວໜຶ່ງຢູ່ບ້ານນາ ສະກາງ, ກໍຂ້າຊີວິດໄປເປັນ ສອງເປັນສາມ ແລະ ສະພາບໄພທຳມະຊາດ ດັ່ງກ່າວມັນຍັງບໍ່ຊິ້ນສຸດຄື ເມື່ອມໍ່ໆມານີ້, ຢູ່ຊຽງຂວາງ ກໍ່ເກີດມີສະ ພາບເຂື່ອນໄຟຟ້າຂະໜາດນ້ອຍທະລຸລົງມາ, ເຖິງບໍ່ມີຜູ້ເສຍຊີວິດແຕ່ມັນໄດ້ທຳ ລາຍຜົນຜະລິດ, ໄຮ່ນາຮົ້ວ ສວນຂອງປະຊາຊົນ ສູນຫາຍໄປເປັນຈຳນວນຫລາຍ ແລະ ມໍ່ໆນີ້ຢູ່ເມືອງທ່ອງທ່ຽວວັງ ວຽງແຂວງວຽງຈັນ, ຂົວອູ່ ທີ່ເຄີຍທຽວໄປມາຂອງປະຊາຊົນສອງ ຝາກແມ່ນ້ຳຊອງ, ໄດ້ພັງທະລາຍໄປກໍ ຍ້ອນໄພທຳມະຊາດ, ພ້ອມ ນີ້ຢູ່ຂົວທ່າງ່ອນ, ບ່ອນມີເຮືອແພ, ອັນເປັນທີ່ດຶງດູດໃຈ ຂອງຜູ້ມັກກິນອາຫານ, ຂີ່ເຮືອຊົມຄວາມງາມຂອງ ສອງຝາກຝັງແມ່ນ້ຳງື່ມຢູ່ດີໆ ກໍມີດິນເຈື່ອນລົງມາ, ເຖິງບໍ່ໄດ້ສ້າງຄວາມເສຍຫາຍຫຍັງຫລາຍແຕ່ ກໍເປັນ ອຸທາຫອນເຕືອນໃຫ້ເຮົາມີ ສະຕິໃນການກວດກາ ແລະ  ອອກໃບອະນຸຍາດໃຫ້ຖົມດິນ, ການປຸກສ້າງທີ່ຢູ່ອາໄສ, ເຮັດແນວໃດໃຫ້ຮັບປະກັນ ດ້ານເຕັກນິກວິຊາການ, ບໍ່ແມ່ນວ່າພວກເຮົາຈະປະປ່ອຍໄປຕາມລຳພັງ, ໃຜຝາກເຮັດຫຍັງກໍເຮັດ, ໃຜຢາກ ປຸກສ້າງເຮືອນຊານຢູ່ບ່ອນ ໃດກໍປຸກ ຫລື ເວົ້າເລື່ອງມາດ ຕະຖານກໍຍັງຈະຕ້ອງໄດ້ເອົາໃຈໃສ່ເພື່ອສະກັດກັ້ນ ແລະ ຫລີກເວັ້ນຄວາມສ່ຽງຕ່າງໆ ທີ່ອາດຈະຕາມມາ.

ເຮົາບໍ່ຄວນຄ້ຳແອວເບິ່ງຊື້ໆ - lattana 1 - ເຮົາບໍ່ຄວນຄ້ຳແອວເບິ່ງຊື້ໆ

ດັ່ງນັ້ນມັນເຖິງເວລາ ແລ້ວທີ່ຂະແໜງການກ່ຽວຂ້ອງ ແລະ ອຳນາດການປົກ ຄອງທ້ອງຖິ່ນຈະຕ້ອງໄດ້ຕັ້ງໜ້າເຮັດແທ້ທຳຈິງໃນການ ສະກັດກັ້ນຄວາມສຽງດັ່ງກ່າວເພື່ອການຮັບມືກັບມັນ ພວກເຮົາບໍ່ຄວນເອົາມືຄ້ຳແອວເບິ່ງຊື່ໆຢ່າງຂາດຄວາມ ຮັບຜິດຊອບຈະເປັນບໍ່?./.

error: Content is protected !!