5 ເຄັດລັບບຳລຸງສະໝອງຂອງຄົນໄວເຮັດວຽກ

5 ເຄັດລັບບຳລຸງສະໝອງຂອງຄົນໄວເຮັດວຽກ - advert banner 728 90 728x90 - 5 ເຄັດລັບບຳລຸງສະໝອງຂອງຄົນໄວເຮັດວຽກ

     1. ພັກຜ່ອນໃຫ້ພຽງພໍ : ການນອນທີ່ຖືກຕ້ອງແມ່ນການນອນຫລັບແຈບດີ, ຕື່ນຂຶ້ນມາມີແຮງ, ສົດຊື່ນ, ສະໝອງແຈ່ມໃສ ແລະ ການນອນຫລັບແຈບດີພຽງ 5 – 6 ຊົ່ວໂມງ ຫລື ຢ່າງຫລາຍທີ່ສຸດ 8 ຊົ່ວໂມງກໍເຫລືອເຟືອແລ້ວ ເພາະຍິ່ງນອນຫລາຍຊົ່ວໂມງແທນທີ່ສະໝອງຈະແຈ່ມໃສ ຊຳ້ພັດກາຍເປັນເຮັດໃຫ້ເຮົາງ່ວງຊຶມໄປແທນ.

5 ເຄັດລັບບຳລຸງສະໝອງຂອງຄົນໄວເຮັດວຽກ - new3 - 5 ເຄັດລັບບຳລຸງສະໝອງຂອງຄົນໄວເຮັດວຽກ

     2. ກິນເຂົ້າເຊົ້າບຳລຸງສະໝອງ:  ວິຖີຊີວິດ ແລະ ກິດຈະກຳທີ່ແຕກຕ່າງກັນໄປຂອງແຕ່ລະຄົນ ເປັນປັດໄຈໃນການເລືອກກິນອາຫານບຳລຸງສະໝອງຄືກັນ ເພາະເຂົ້າເຊົ້າເປັນການເປີດຮັບພະລັງງານໃຫ້ຮ່າງກາຍ ເພາະຮ່າງກາຍບໍ່ໄດ້ກິນອາຫານມາໝົດຄືນ ເປັນເວລາບໍ່ໜ້ອຍກ່ວາ 6 – 8 ຊົ່ວໂມງ ເມື່ອຕື່ນນອນກໍຕ້ອງມີກິດຈະກຳໝົດມື້ ຮ່າງກາຍຈຶ່ງຕ້ອງການໃຊ້ພະລັງງານຈາກເຂົ້າເຊົ້າເພື່ອປ່ຽນເປັນນຳ້ຕານກລູໂກສ ເພື່ອໄປລ້ຽງສະໝອງຢ່າງພຽງພໍ ດັ່ງນັ້ນ ການໄດ້ຮັບອາຫານທີ່ມີປະໂຫຍດຕໍ່ສຸຂະພາບໃນຄາບເຊົ້າ ຍ່ອມເຮັດໃຫ້ມີພະລັງໃນການເຮັດກິດຈະກຳຕ່າງໆຢ່າງມີປະສິດທິພາບສະໝອງແຈ່ມໃສອາລົມບໍ່ຫງຸດຫງິດ ແລະ ມີສະມາທິດີ.

      3. ອ່ານໜັງສືຊ່ວຍໄດ້ : ໃຜໆກໍບອກວ່າອ່ານໜັງສືຍິ່ງອ່ານຍິ່ງດີ ທີ່ດີກໍຍ້ອນເຮົາໄດ້ອອກກຳລັງສະໝອງ ໂດຍການກະຕຸ້ນການເຮັດວຽກຂອງສະໝອງຢ່າງສະໝໍ່າສະເໝີ ເຊິ່ງຊ່ວຍຊະລໍ ແລະ ປ້ອງກັນການເປັນພະຍາດອັລໄຊເມີ ແລະ ຊ່ວຍພັດທະນາເລື່ອງການຈື່ຈຳໄດ້  ເພາະເມື່ອເຮົາອ່ານໜັງສືກໍຕ້ອງຈື່ຈຳຊື່ໂຕລະຄອນ, ລຳດັບເຫດການ, ລາຍລະອຽດຕ່າງໆ ໂດຍສະເພາະໃນໜັງສືຮູບແບບສືບສວນສອບສວນ ສະໝອງຈະເອີ້ນຂໍ້ມູນທີ່ເກັບໄວ້ມາໃຊ້ງານ ດັ່ງນັ້ນສະໝອງກໍຈະໄດ້ອອກກຳລັງຢູ່ຕະຫລອດເວລາທີ່ ຄິດ.

5 ເຄັດລັບບຳລຸງສະໝອງຂອງຄົນໄວເຮັດວຽກ - lattana 1 - 5 ເຄັດລັບບຳລຸງສະໝອງຂອງຄົນໄວເຮັດວຽກ

     4. ກິດຈະກຳສ້າງສັນ : ກິດຈະກຳຍາມວ່າງປະເພດທີ່ໃຊ້ການເຄື່ອນໄຫວປາຍນິ້ວມືຢູ່ສະເໝີຈະຊ່ວຍປ້ອງກັນບໍ່ໃຫ້ເຮົາເປັນຄົນຫລົງລືມໄດ້ງ່າຍ. ກິດຈະກຳທີ່ມີປະໂຫຍດຫລາຍຢ່າງ ເຊັ່ນ : ຊ່າງສີມື, ນັກປຽນໂນ ຫລື ແມ່ນແຕ່ການພັບເຈ້ຍເປັນຮູບຕ່າງໆ ກໍຊ່ວຍປ້ອງກັນການຫລົງລືມໄດ້ ເມື່ອເຮົາເຄື່ອນໄຫວໂປ້ມື ສະໝອງຈະໄດ້ຮັບແຮງກະຕຸ້ນ ສົ່ງຜົນໃຫ້ສະໝອງເຮັດວຽກໄດ້ຢ່າງຫ້າວຫັນອີກຄັ້ງ ການເຄື່ອນໄຫວມີສ່ວນຊ່ວຍປ້ອງກັນບໍ່ໃຫ້ເຮົາມີອາການຫລົງລືມ ແລະ ຊ່ວຍຊະລໍຄວາມຮຸນແຮງຂອງພະຍາດສະໝອງເສື່ອມໄດ້ນຳ.

     5. ຫລິ້ນເກມວາງແຜນກົນລະຍຸດ : ປະຈຸບັນມີເກມໃຫ້ເຮົາເລືອກຫລິ້ນຫລາກຫລາຍປະເພດ ແຕ່ຮູ້ບໍ່ວ່າການຫລິ້ນເກມປະເພດການວາງແຜນກົນລະຍຸດຈະຊ່ວຍໃຫ້ເຮົາໄດ້ຝຶກສະໝອງ ຈຳລອງເຫດການ ແລະ ຊອກຫາວິທີຮັບມືກັບບັນຫາສະເພາະໜ້າໄດ້ ຈາກການທົດລອງຂອງທີມນັກວິໄຈທາງມະຫາວິທະຍາໄລວິສຄອນຊິນ (University of Wisconsin) ປະເທດສະຫະລັດອາເມລິກາ ເປີດເຜີຍວ່າ ກຸ່ມຄົນທີ່ຫລິ້ນເກມເປັນປະຈຳ ໂດຍສະເພາະເກມທີ່ຕ້ອງໃຊ້ການວິເຄາະ, ວາງແຜນ ຈະຊ່ວຍພັດທະນາທັກສະການແກ້ບັນຫາໃນຊີວິດຈິງໄດ້ດີຍິ່ງຂຶ້ນ. ຫລິ້ນເກມໄປເພີນໆ ທັງໄດ້ຝຶກສະໝອງນຳອີກ ຖືເປັນກຳໄລສອງເທົ່າ.

error: Content is protected !!