ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ

ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ - advert banner 728 90 728x90 - ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ

     ສານອາຫານບາງປະເພດມີຜົນ ຕໍ່ລິດຂອງຢາບາງຊະນິດ ເຊິ່ງທ່ານຄວນເອົາໃຈໃສ່ສຶກສາເລື່ອງນີ້ຕື່ມ ແລະ ມື້ນີ້ພວກເຮົາກໍມີຄວາມຮູ້ກ່ຽວກັບການກິນຢາກັບອາຫານບາງຊະນິດທີ່ບໍ່ຄວນກິນພ້ອມກັນ ເພາະອາດເປັນອັນຕະລາຍຮ້າຍແຮງຕໍ່ສຸຂະພາບຂອງທ່ານໄດ້.

ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ - new3 - ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ

     – ນົມ : ເປັນອາຫານທີ່ປະກອບດ້ວຍວິຕາມິນແຮ່ທາດທີ່ມີປະໂຫຍດ ແຕ່ໃນບາງສະພາບ ເຊັ່ນ : ຕອນເຈັບທ້ອງ, ຖອກທ້ອງ ແລ້ວໄດ້ຮັບຢາຂ້າເຊື້ອແບັກທີເຣຍໃນລຳໄສ້ ອາດເກີດອາການຢາຕີກັນໄດ້ ເຊັ່ນ : ຢາກຸ່ມກີໂນໂລນ (quinolone) ທີ່ຊື່ວ່າ ນອຟລັອກຊາຊິນ (norfloxacin) ຫາກກິນພ້ອມນົມຈະເຮັດໃຫ້ຢາເກີດການຈັບໂຕເປັນຕະກອນບໍ່ສາມາດອອກລິດໄດ້ ດັ່ງນັ້ນ ທາງທີ່ດີຄວນງົດເວັ້ນການກິນຢາພ້ອມກັບການດື່ມນົມ ຫລື ເວັ້ນໄລຍະຫ່າງລະຫ່ວາງການກິນຢາກັບດື່ມນົມປະມານ 2 ຊົ່ວໂມງ.

ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ -  - ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ

      – ນຳ້ແຮ່ : ໃນຍຸກທີ່ມີນຳ້ແຮ່ໃນທ້ອງຕະຫລາດຫລາຍຍີ່ຫໍ້ ຫລາຍຄົນອາດເລືອກດື່ມນຳ້ແຮ່ກັບຢາ ເພາະເຂົ້າໃຈວ່າມີປະໂຫຍດທັງສອງ ເຊິ່ງໃນຄວາມເປັນຈິງແລ້ວ ນຳ້ແຮ່ບໍ່ຕ່າງຈາກນົມ ເພາະມີແຮ່ທາດທີ່ມີຜົນຕໍ່ການດູດຊຶມຂອງຢາອອກລິດຄ້າຍຄືກັບການກິນນົມພ້ອມກັບຢາ ຈຶ່ງບໍ່ຄວນດື່ມນຳ້ແຮ່ພ້ອມກັບຢາ.

ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ - 030407 2019 - ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ

     – ເຄື່ອງດື່ມທີ່ມີອານກໍຮໍ ເຊັ່ນ : ເຫລົ້າ, ເບຍ ເມື່ອກິນພ້ອມກັບຢາຂ້າເຊື້ອ ເມໂທຣນິດາໂຊລ (metronidazole) ຢາຕ້ານເຊື້ອລາ ກຣິຊິໂອຟູລວິນ (griseofulvin) ຫລື ຢາປິ່ນປົວພະຍາດເບົາຫວານ ໄກລບູໄຣ (glyburide) ອາດເຮັດໃຫ້ເກີດອາການຄ້າຍຄືຄົນເມົາຄ້າງ disulfiram like side effect ມີອາການໂຕແດງ, ເຈັບຫົວ, ວິນຫົວປວດຮາກ ຫລື ອາດເຖິງຂັ້ນແໜ້ນໜ້າເອິກໄດ້ ລວມເຖິງການໃຊ້ຢານອນຫລັບຮັບກັບເຫລົ້າ ອາດເຮັດໃຫ້ເກີດອັນຕະລາຍຈາກການເສີມລິດກົດປະສາດຈົນຢຸດຫາຍໃຈ ເຮັດໃຫ້ເສຍຊີວິດໄດ້.

ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ - 060407 2019 - ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ

     – ນຳ້ໝາກໄມ້ບາງຊະນິດ ເຊັ່ນ: ນຳ້ປັ່ນໝາກໄມ້ລວມ ເປັນໝາກໄມ້ຕະກູນດຽວກັບໝາກກ້ຽງ ເຖິງຈະມີສັບພະຄຸນເປັນສານຕ້ານອະນຸມູນອິດສະລະ, ແຕ່ມີວຽກງານວິໄຈພົບວ່າ ການດື່ມນຳ້ປັ່ນໝາກໄມ້ລວມ ຫລື ເກຣບຟຣຸດ ມີຜົນຕໍ່ການອອກ ລິດຂອງຢາຫລາຍຊະນິດ ເຊັ່ນ : ຢາຫລຸດຄວາມດັນ ຟິໂລດິປີນ (felodipine), ແອມໂລດິປີນ (amlodipine), ຢາຫລຸດໄຂມັນໃນເລືອດ ຊິມວາສແຕຕິນ (simvasatatin) ຢາຄາຄຽດ ໄດອະຊີແພມ (diazepam) ເນື່ອງຈາກການຂັດຂວາງການເຮັດວຽກຂອງເອັນໄຊໃນການປ່ຽນແປງຢາ ຈົນລະດັບຢາໃນເລືອດສູງຂຶ້ນ ແລະ ອາດເກີດອັນຕະລາຍໄດ້.

     ເຖິງວ່າໃນປະເທດລາວເຮົາຈະບໍ່ນິຍົມດື່ມນຳ້ເກຣບຟຣຸດຄືກັບປະເທດສະຫະລັດອາເມລິກາ ແຕ່ເຄື່ອງດື່ມຈຳພວກນຳ້ໝາກໜອດ ຫລື ນຳ້ໝາກກ້ຽງ ກໍມີຄວາມໃກ້ຄຽງກັບນຳ້ເກຣບຟຣຸດ ຈຶ່ງຄວນເພີ່ມຄວາມລະມັດລະວັງໃນການໃຊ້ຢາກຸ່ມນີ້.

      – ຜັກໃບຂຽວທີ່ມີວິຕາມິນກາຫລາຍ ເຊັ່ນ : ຜັກກະລໍ່າດອກ, ຜັກຫົມ, ຜັກກາດກວາງຕຸ້ງ, ຜັກກະລໍ່າ, ໜໍ່ໄມ້ຝຣັ່ງ ຄວນຈຳກັດການບໍລິໂພກໃຫ້ເໝາະສົມ ໂດຍສະເພາະຢ່າງຍິ່ງກໍລະນີທີ່ໃຊ້ຢາຕ້ານການກ້າມຂອງເລືອດ ວາຟາຣິນ (warfarin) ຈຳເປັນຕ້ອງໃຫ້ຄຳແນະນຳກັບຜູ້ປ່ວຍ ໂດຍສະເພາະໃນຊ່ວງກິນເຈ.

ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ - lattana 1 - ມີຫຍັງແດ່ທີ່ທ່ານບໍ່ຄວນກິນພ້ອມກັບຢາ ເພາະອາດເປັນອັນຕະລາຍຮ້າຍແຮງຫລາຍ

      – ໝາກໄມ້ປະເພດໝາກກ້ວຍ, ໝາກກ້ຽງ ທີ່ມີໂປຕັສຊຽມຫລາຍ : ເນື່ອງຈາກໂປຕັສຊຽມເປັນແຮ່ທາດທີ່ມີຜົນຕໍ່ການໃຊ້ຢາໄລ່ນຳ້ຍ່ຽວ ຫາກລະດັບໂປຕັສຊຽມໃນເລືອດຜິດປົກກະຕິຈົນເຮັດໃຫ້ເກີດພິດຈາກຢາທີ່ອອກລິດຕໍ່ຫົວໃຈອາດເຮັດໃຫ້ຫົວໃຈເຕັ້ນຜິດຈັງຫວະ ເຊັ່ນ : ໄດອອກຊິນ (digoxin).

     – ອາຫານໝັກດອງ, ເບຍໝັກ, ເຫລົ້າແວັງ, ອາຫານແປຮູບຈຳພວກໄສ້ກອກ, ຖົ່ວປາກອ້າ, ຊັອກໂກແລັດທີ່ມີສ່ວນປະກອບຂອງສານໄທຣາມີນ : ເຖິງຈະມີຄຸນສົມບັດຊ່ວຍຄວບຄຸມຄວາມດັນເລືອດ, ແຕ່ຖ້າກິນອາຫານທີ່ມີສານໄທຣາມີນຫລາຍຮ່ວມກັບການກິນຢາຕ້ານພະຍາດຊຶມເສົ້າບາງຊະນິດໃນກຸ່ມ MAOIs ເຊັ່ນ : ເຊເລຈິຣີນ (selegiline) ອາດເຮັດໃຫ້ສານໄທຣາມີນສະສົມຫລາຍກ່ວາປົກກະຕິ ຈົນເກີດອາການເຈັບຫົວຢ່າງຮຸນແຮງ, ຄວາມດັນເລືອດສູງຂຶ້ນຈົນເປັນອັນຕະລາຍໄດ້.

     – ເຂົ້າໜົມ ຫລື ເຂົ້າໜົມອົມທີ່ມີສ່ວນປະສົມຂອງເຄື່ອງອົບບາງຊະນິດ (liquorice) :ເປັນສານແຕ່ງກິ່ນໃນເຂົ້າໜົມທີ່ນຳເຂົ້າຈາກຕ່າງປະເທດ ຫາກກິນໃນປະລິມານຫລາຍ ແລະ ຕໍ່ເນື່ອງດົນໆ ຈະເຮັດໃຫ້ເກີດການສະສົມຂອງເກືອ ແລະ ນຳ້ ເຮັດໃຫ້ໂຕບວມ ຖ້າກິນຮ່ວມກັບຢາຫລຸດຄວາມດັນເລືອດກໍຈະອອກລິດຂັດແຍ່ງກັນ ສົ່ງຜົນໃຫ້ຢາຫລຸດຄວາມດັນເລືອດອອກລິດບໍ່ ເຕັມທີ່.

     ນອກເໜືອຈາກສານອາຫານທີ່ ມີຜົນຕໍ່ການອອກລິດຂອງຢາໂດຍກົງແລ້ວ ຍັງມີສານອາຫານບາງປະເພດທີ່ມີຜົນຕໍ່ພະຍາດປະຈຳໂຕ ເຊັ່ນ : ການກິນອາຫານເຄັມ ເຊິ່ງມີຜົນຕໍ່ພະຍາດຄວາມດັນເລືອດສູງ, ການກິນອາຫານຫວານມີຜົນຕໍ່ພະຍາດເບົາຫວານ, ການກິນອາຫານມັນມີຜົນຕໍ່ລະດັບໄຂມັນໃນເລືອດ ຫລືການກິນອາຫານຈຳພວກເຄື່ອງໃນສັດປີກທີ່ມີຜົນຕໍ່ພະຍາດປະດົງ. ດັ່ງນັ້ນຈຳເປັນຕ້ອງຄວບຄຸມອາຫານເຫລົ່ານີ້ຮ່ວມນຳ ເພື່ອເຮັດໃຫ້ຢາອອກລິດຢ່າງມີປະສິດທິພາບ.

error: Content is protected !!