ສອງ​ກອງທັບ​ລາວ-ຈີນ​ສໍາ​ເລັດ​ການ​ຝືກຊ້ອມ​ຮ່ວມ​ກູ້​ໄພພິບັດ

ສອງ​ກອງທັບ​ລາວ-ຈີນ​ສໍາ​ເລັດ​ການ​ຝືກຊ້ອມ​ຮ່ວມ​ກູ້​ໄພພິບັດ - advert banner 728 90 728x90 - ສອງ​ກອງທັບ​ລາວ-ຈີນ​ສໍາ​ເລັດ​ການ​ຝືກຊ້ອມ​ຮ່ວມ​ກູ້​ໄພພິບັດ

ພິທີປິດການຝຶກຊ້ອມຮ່ວມກູ້ໄພພິບັດເພື່ອຊ່ວຍເຫລືອມະນຸດສະທຳດ້ານການແພດ ແລະ ກິດຈະກຳບໍລິການທາງການແພດ “ຂະບວນລົດໄຟສັນຕິພາບ 2019” ລະຫວ່າງຄະນະແພດກອງທັບປະຊາຊົນລາວ ແລະ ກອງທັບປົດປ່ອຍປະຊາຊົນຈີນ, ​ໄດ້​ມີ​ຂຶ້ນ​ໃນ​ວັນ​ທີ 19 ສິງຫາ​ນີ້, ພາຍຫລັງດໍາ​ເນີນ​ມາ​ເປັນ​ເວລາ 4 ວັນ, ໂດຍມີຜູ້ເຂົ້າຮ່ວມທັງໝົດ 460 ກວ່າສະຫາຍ, ໃນນັ້ນ ຝ່າຍລາວມີ 350 ສະຫາຍ ເພື່ອ​ແນ​ໃສ່ຍົກລະດັບຂີດຄວາມສາມາດໃນການແກ້ໄຂເຫດການໄພພິບັດທຳມະຊາດຮ່ວມກັນລະຫວ່າງສອງເຫລົ່າຮົບເສນາຮັກ ເພື່ອສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການໃນສະພາບສຸກເສີນຕໍ່ກັບໄພພິບັດຕ່າງໆທີ່ນັບມື້ເກີດຂຶ້ນຫລາຍ ແລະ ມີແນວໂນ້ມທີ່ຮຸນແຮງຂຶ້ນ, ທັງເປັນການທົດສອບຄວາມສາມາດໃນການນຳໃຊ້ພາຫະນະເຕັກນິກທາງການແພດຊະນິດຕ່າງໆ ເຂົ້າໃນພາລະກິດກອບກູ້ຊີວິດຂອງຜູ້ບາດເຈັບ ໃນເຫດການໄພພິບັດ ແລະ ສຸກເສີນຕ່າງໆໃຫ້ທັນການ.

ສອງ​ກອງທັບ​ລາວ-ຈີນ​ສໍາ​ເລັດ​ການ​ຝືກຊ້ອມ​ຮ່ວມ​ກູ້​ໄພພິບັດ - new3 - ສອງ​ກອງທັບ​ລາວ-ຈີນ​ສໍາ​ເລັດ​ການ​ຝືກຊ້ອມ​ຮ່ວມ​ກູ້​ໄພພິບັດ

ໃຫ້ກຽດເຂົ້າຮ່ວມພິທີມີ ສະຫາຍພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງປະເທດ, ສະຫາຍພັນເອກພິເສດ ຊູ ສິນເກິ່ງ ຮອງກົມເສນາຮັກກົມຮັບປະກັນພະລາທິການ ຄະນະກຳມະການທະຫານສູນກາງກອງທັງປົດປ່ອຍປະຊາຊົນຈີນ, ພ້ອມດ້ວຍພາກສ່ວນທີ່ກ່ຽວຂ້ອງຈາກສອງຝ່າຍ​ເຂົ້າ​ຮ່ວມ​ນໍາ​ດ້ວຍ.

  ​ໃນ​ພິທີ, ສະຫາຍພົນຈັດຕະວາ ບົວສິງ ອິນທະວົງ ຫົວໜ້າກົມເສນາຮັກ ກົມໃຫຍ່ພະລາທິການກອງທັບປະຊາຊົນລາວ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງສອງຝ່າຍທີ່ໄດ້ຮ່ວມແຮງຮ່ວມໃຈກັນປະຕິບັດໜ້າທີ່ທາງການເມືອງຂອງຕົນສຳເລັດໄປດ້ວຍດີ ​ແລະ ການຝຶກຊ້ອມດັ່ງກ່າວຄັ້ງນີ້ ບໍ່ພຽງແຕ່ເປັນການຫັດແອບຝຶກຊ້ອມດ້ານວຽກງານເສນາຮັກລະຫວ່າງສອງກອງທັບ ລາວ-ຈີນ ເທົ່ານັ້ນ, ແຕ່ຍັງເປັນການຮັດແໜ້ນໄມຕີຈິດມິດຕະພາບ ແລະ ການຮ່ວມມືຊ່ວຍເຫລືອເຊິ່ງກັນ ແລະ ກັນ ຕາມທິດ 4 ດີ ບົນພື້ນຖານຄູ່ຮ່ວມຍຸດທະສາດຮອບດ້ານອີກ​ດ້ວຍ.

ຜ່ານການຫັດແອບຝຶກຊ້ອມເຫັນວ່າ: ຄະນະຊີ້ນຳ ແລະ ອ້າຍນ້ອງທະຫານທັງສອງຝ່າຍທີ່ຢູ່ພາກສະໜາມ ໄດ້ມີຄວາມຕັດສິນໃຈສູງ ແລະ ປະຕິບັດໜ້າທີ່ການເມືອງຂອງຕົນສຳເລັດຕາມແຜນການທີ່ວາງໄວ້.

ສອງ​ກອງທັບ​ລາວ-ຈີນ​ສໍາ​ເລັດ​ການ​ຝືກຊ້ອມ​ຮ່ວມ​ກູ້​ໄພພິບັດ - lattana 1 - ສອງ​ກອງທັບ​ລາວ-ຈີນ​ສໍາ​ເລັດ​ການ​ຝືກຊ້ອມ​ຮ່ວມ​ກູ້​ໄພພິບັດ

ໃນຂະນະດຽວກັນ, ສະຫາຍພົນຈັດຕະວາ ບົວສິງ ອິນທະວົງ ໄດ້ຕີລາຄາສູງຕໍ່ບັນດາສະຫາຍຝ່າຍຈີນທີ່ໄດ້ສະແດງໃຫ້ເຫັນເຖິງຄວາມເສຍສະຫລະບໍ່ຮູ້ອິດຮູ້ເມື່ອຍ, ມີແບບແຜນວິທີເຮັດວຽກອັນດີເລີດ, ມີຄວາມຮູ້ຄວາມສາມາດດ້ານວິຊາສະເພາະ, ມີປະສົບການອັນອຸດົມສົມບູນ ແລະ ມີລະບຽບວິໄນທີ່ເຂັ້ມງວດ ຕາມທິດສ້າງກອງທັບເຂັ້ມແຂງໃນຍຸກສະໄໝໃໝ່, ຊຶ່ງເປັນໂອກາດອັນດີທີ່ກອງທັບປະຊາຊົນລາວ, ໂດຍສະເພາະເຫລົ່າຮົບເສນາຮັກໄດ້ຮຽນຮູ້ເອົາບົດຮຽນ ແລະ ປະສົບການອັນລ້ຳຄ່ານີ້ໄປໝູນໃຊ້ເຂົ້າໃນການປະຕິບັດໜ້າທີ່ຕົວຈິງ.

ພາຍຫລັງສໍາເລັດການຝຶກຊ້ອມແລ້ວ, ທີມແພດສອງກອງທັບລາວ-ຈີນ ຈະໄດ້ດໍາເນີນກິດຈະກຳບໍລິການທາງການແພດ, ໂດຍຈະກວດ ແລະ ປິ່ນປົວສຸຂະພາບໃຫ້ນາຍ ແລະ ພົົນທະຫານ, ລວມທັງປະຊາຊົນລາວຢູ່ໃນບັນດາໂຮງໝໍ ແລະ ສະຖານທີ່ເປົ້າໝາຍຢູ່ສູນກາງ ແລະ ທ້ອງຖິ່ນເຊັ່ນ: ໂຮງໜໍ 101 ຢູ່ແຂວງຊຽງຂວາງ, ກອງພົນທີ 5 ຢູ່ແຂວງຈຳປາສັກ, ເມືອງສະໜາມໄຊ ແຂວງອັດຕະປື ແລະ ໂຮງໜໍ 103 ຢູ່ນະຄອນຫລວງວຽງຈັນ ລະຫວ່າງວັນທີ 22-26 ສິງຫານີ້, ໂດຍໄດ້ຮັບການສະໜັບສະໜູນອຸປະກອນການແພດ ແລະ ຢາປົວພະຍາດປະເພດຕ່າງໆຈາກຝ່າຍຈີນ.

error: Content is protected !!