ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ

ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ - advert banner 728 90 728x90 - ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ

ທ້າຍອາທິດຜ່ານມານີ້ທ່ານທອງລຸນສີສຸລິດນາຍົກລັດຖະມົນຕີພ້ອມດ້ວຍຄະນະລັດຖະມົນຕີທີ່ກ່ຽວຂ້ອງໄດ້ເຄື່ອນໄຫວຢ້ຽມຊາມ ແລະເຮັດວຽກຢູ່ແຂວງຄໍາມ່ວນ ໂດຍໄດ້ຮັບການຕ້ອນຮັບຢ່າງອົບອຸ່ນຈາກທ່ານໂອໄດສຸດາພອນເຈົ້າແຂວງໆຄໍາມ່ວນພ້ອມດ້ວຍ​ຄະ​ນະ.

ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ - new3 - ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ

ໃນ​ໂອ​ກາດ​ດັ່ງ​ກ່າວ ຫົວໜ້າພະແນກແຜນການແລະການລົງທຶນແຂວງໄດ້ລາຍງານສະພາບການລົງທຶນແລະການພັດທະນາໃຫ້ທ່ານນາຍົກໄດ້ຮັບຮູ້ວ່າ: ຢູ່ແຂວງຄໍາມ່ວນມີເຂດເສດຖະກິດສະເພາະ 2 ແຫ່ງຄື: ເຂດເສດຖະກິດສະເພາະທ່າແຂກແລະເຂດເສດຖະກິດສະເພາະພູຂຽວ.

ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ - IMG 5877 - ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ
ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ - IMG 5885 - ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ

ສໍາລັບເຂດເສດຖະກິດສະເພາະທ່າແຂກແມ່ນຕັ້ງຢູ່ບໍລິເວນຂົວມິດຕະພາບລາວ-ໄທແຫ່ງທີ 3 (ຄໍາມ່ວນ-ນະຄອນພະນົມ) ຫ່າງຈາກຕົວເມືອງທ່າແຂກໄປທາງນະຄອນຫຼວງວຽງຈັນລະຫວ່າງກິໂລແມັດທີ 12-19 ເຊິ່ງກວມເອົາເນື້ອທີ່ທັງໝົດຫຼາຍກວ່າ 1 ພັນ​​ເຮັກ​ຕາ ກວມເອົາ 9 ບ້ານຂອງເຂດປຸ່ມບ້ານນາມ່ວງ-ນາແງວ. ເພື່ອ​ແນ​ໃສ່ສົ່ງເສີມ ແລະ ດຶງດູດການລົງທຶນພາຍໃນແລະຕ່າງປະເທດປະຈຸບັນມີ 27 ບໍລິສັດຈາກ 6 ປະເທດເຂົ້າ​ມາລົງທຶນ​ແລ້ວ​ໃນ​ຮູບ​ແບບຮ່ວມ​ລົງ​ທຶນ​ມີ 5 ບໍລິສັດ, ພາຍໃນລົງ​ທຶນໂດຍກົງມີ 18 ບໍລິສັດແລະຕ່າງປະເທດໂດຍກົງມີ 4 ບໍລິສັດ, ຄາດ​ວ່າ​ຈະ​ມີມູນຄ່າການລົງທຶນປະມານ 13 ຕື້ກວ່າໂດລາສະຫະລັດ, ໃນ​ນັ້ນໄດ້ຈັດຕັ່ງປະຕິບັດຕົວຈິງ​ແລ້ວ 16 ບໍລິສັດມີ​ມູນ​ຄ່າ​ລົງ​ທຶນ​ທັງໝົດ 5 ຕື້ກວ່າໂດລາສະຫະລັດ.

ດ້ານການພັດທະນາພື້ນຖານໂຄງລ່າງໄດ້ກໍ່ສ້າງເສັ້ນທາງ 9 ສັນຍາ, ມີ 14 ເສັ້ນທາງ, ມີຄວາມຍາວ 24,9 ກິໂລແມັດ, ມີມູນຄ່າການລົງທຶນທັງໝົດ 112 ຕື້ກວ່າກີບສາມາດປະຕິບັດສຳ​ເລັດ​ແລ້ວ 60,03 % ,ໄດ້ສໍາເລັດການກໍ່ສ້າງລະບົບນໍ້າປະປາ ແລະ ໄດ້ວາງທໍ່ຕາມແລວເສັ້ນທາງຈໍານວນໜຶ່ງ, ໄດ້ຕິດຕັ້ງຫົວຈ່າຍ ແລະ ສະໜອງນໍ້າໃຫ້ບັນດາບໍລິສັດພາຍໃນຈຳ​ນວນ​ໜຶ່ງ .

ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ - IMG 5894 - ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ

ດ້ານຈຸດບໍລິການຂົນສົ່ງ-ຄ່ຽນຖ່າຍຍົກຍໍຕູ້ຄອນເທນເນີ້ມີບໍລິສັດຂົນສົ່ງທັງໝົດ 5 ບໍລິສັດ,ໄດ້ເຊັນສັນຍາກັບເຂດມີ 3 ບໍລິສັດຄື : ບໍລິສັດໂຈ້ບຸນມີຂົນສົ່ງສິນຄ້າມາດົນ ( ICD ) ຈໍາກັດຜູ້ດຽວ, ບໍລິສັດ VP ບໍລິການຂົນສົ່ງສິນຄ້າຜ່ານແດນ SEZ ຈໍາກັດຜູ້ດຽວກັນ ແລະບໍລິສັດAsian China SM ຂົນສົ່ງສິນຄ້າມາດົນຈໍາກັດຜູ້ດຽວກັນ , ອີກ 2 ບໍລິສັດແມ່ນສູນກາງຄຸ້ມຄອງຄື : ສາງທ່ານາແລ້ງ ແລະບໍລິສັດຂົນສົ່ງສິນຄ້າສາກົນ. ບໍລິສັດໂຈ້ບຸນມີຫຼື JBM ໄດ້ເຊັນສັນຍາສໍາປະທານກັບເຂດເສດຖະກິດສະເພາະທ່າແຂກໃນປີ2017 ໃນເນື້ອທີ່ 45 ເຮັດຕາ,ມີແຜນລົງທຶນ 100 ລ້ານໂດລາສະຫະລັດເຊິ່ງມາຮອດປະຈຸບັນໄດ້ສໍາເລັດການກໍ່ສ້າງຫ້ອງການ,ຫໍ່ພັກພະນັກງານ, ຮ້ານອາຫານ, ລານຈອດລົດ, ຫ້ອງການກວດກາລົດເຂົ້າ-ອອກ, ຄາດຄະເນລາຍຮັບໃນໄລຍະປີທີ 1 ໃຫ້ໄດ້ 2,4 ລ້ານກວ່າໂດລາສະຫະລັດ, ປີທີ 2 ໃຫ້ໄດ້ 2,7 ລ້າ​ນກວ່າໂດລາສະຫະລັດ ແລະ ປີທີ 5 ໃຫ້ໄດ້ 3,65 ລ້ານກວ່າໂດລາສະຫະລັດພາຍຫຼັງໄດ້ຮັບການອະນຸມັດ ແລະ ໄດ້ເປີດໃຫ້ບໍລິການມາແຕ່ວັນທີ 10 ມິຖຸນານີ້​ໂດຍ​ຈະ​ໄດ້  2019 ໄດ້ແບ່ງຜົນກໍາໄລລະຫວ່າງບໍລິສັດ 70% ແລະ ລັດຖະບານ 30% .

ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ - lattana 1 - ທ່ານນາຍົກລັດຖະມົນຕີສໍາເລັດການເຄື່ອນໄຫວຢ້ຽມຢາມແລະເຮັດວຽກຢູ່ແຂວງຄໍາມ່ວນ

ສໍາລັບບໍລິສັດ VP ໄດ້ເຊັນສັນຍາສໍາປະທານກັບເຂດໃນເນື້ອທີ່8,8 ເຮັກຕາເຊິ່ງມີແຜນລົງທຶນ 4,5 ລ້ານໂດລາສະຫະລັດໂດຍດໍາເນີນກິດຈະການສະຖານີບໍລິການຍົກຍໍຄ່ຽນຖ່າຍຕູ້ຄອນເທັນເນີ້ບັນຈຸສິນຄ້າແລະຕູ້ເປົ່າ,ເບື້ອງຕົ້ນແມ່ນເລັ່ງໃສ່ວຽກປັບໜ້າດິນ, ປູເບຕົງລານຈອດລົດ ແລະ ກໍ່ສ້າງສິ່ງອໍານວຍຄວາມສະດວກສາທາລະນຸປະໂພກຕ່າງໆ ແລະ ​ໄດ້​ເລີ່ມ​ປະ​ຕິ​ບັດ​ວຽກ​ງານ​ຕົວ​ຈິງ​ມາ​ແລ້ວ ແຕ່​ປີ 2018 ເປັນ​ຕົ້ນ​ມາ ແລະ​ສາ​ມາດ​ປະ​ຕິ​ບັດສ່ວນພັນທະເຂົ້າງົບປະມານປີ 2018  ໄດ້4,5 ຕື້ກວ່າກີບ, ໂດຍສະເພາະໃນໄລຍະ 06 ເດືອນຕົ້ນປີນີ້ປະຕິບັດໄດ້3,07 ຕື້ກວ່າກີບ. ​ສ່ວນບໍລິສັດ As HMໄດ້ເຊັນສັນຍາສໍາປະທານກັບເຂດໃນເນື້ອທີ່ 10 ເຮັກຕາເຊິ່ງມີແຜນລົງທຶນ 3 ລ້ານໂດລາສະຫະລັດ, ສ້າງສະຖານີຂົນສົ່ງສິນຄ້າເພື່ອບໍລິການຍົກຍໍດໍາເນີນກິດຈະການຄ່ຽນຖ່າຍຕູ້ສິນຄ້າ, ເບື້ອງຕົ້ນແມ່ນເລັ່ງໃສ່ວຽກປັບຖົມດິນ,ປູເບຕົ່ງລານຈອດລົດແລະສິ່ງອໍານວຍຄວາມສະດວກສາທາລະນູປະໂພກຕ່າງໆເພື່ອບໍລິການຍົກຍໍຕູ້ຄອນເທນເນີ້ແຕ່ເດືຶອນມັງກອນ 2019 ມານີ້​ຄື: 6 ເດືອນຕົ້ນປີມອບ​ພັນ​ທະ​ໃຫ້​ລັດ​ໄດ້​ແລ້ວ 70 ລ້ານກວ່າກີບ .

ຫົວ​ນ້າ​ພະ​ແນກ​ການ​ດັ່ງ​ກ່າວ​ໃຫ້​ຮູ້ຕື່ມວ່າ: ຄຽງ​ຄູ່​ກັນ​ນັ້ນ​ກໍຍັງມີຂໍ້ຫຍຸ້ງຍາກຫຼາຍ​ຢ່າງເປັນຕົ້ນແມ່ນດ້ານການຊົດເຊີຍທີ່ດິນ, ການອອກອະນຸຍາດການລົງທຶນຊັກຊ້າໃຊ້ເວລາດົນ, ຍັງບໍ່ທັນຫັນເປັນປະຕູດຽວໄດ້, ຍັງຜ່ານຂະແໜງການທີ່ກ່ຽວຂ້ອງ,ນັກລົງທຶນຈໍານວນໜຶ່ງມີການຈັບຈອງເນື້ອທີ່ຕອນດິນໄວ້ໂດຍບໍ່ມີການພັດທະນາ ( ສາຍເຫດຍ້ອນຂາດທຶນຮອນ ) .

ຈາກນັ້ນທ່ານນາຍົກ​ລັດ​ຖະ​ມົນ​ຕີ​ກໍ​ໄດ້ລົງຕິດຕາມເບິ່ງພື້ນຖານໂຄງລ່າງແລະສິ່ງອໍານວຍຄວາມສະດວກພາຍໃນສະຖານີຄ່ຽນຖ່າຍໂຈ້ບຸນມີICD ແລະ ສະຖານີຄ່ຽນຖ່າຍຂອງລັດວິສາຫະກິດຂົນສົ່ງສິນຄ້າຜ່ານແດນທ່ານາແລ້ງຢູ່ຕິດກັບດ່ານສາກົນຂົວມິດຕະພາບລາວ-ໄທດັ່ງ​ກ່າວ​ອີກ​ດ້ວຍ.

error: Content is protected !!