ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ

ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ - advert banner 728 90 728x90 - ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ

ໂດຍ: ທິດ​ກ່ຳ

ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ - new3 - ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ
ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ - 88 - ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ

ໄລຍະອາທິດຜ່ານມາ, ທິດກ່ຳເຫັນກະແສສື່ ຕຳນິວິຈານຜ່ານທາງສື່ອອນລາຍ ເຟສບຸກ, ຢູທູບຕ່າງໆ ສ່ວນ ຫລາຍເຫມຸ້ງເປົ້າໄປຍັງອົງການໄອຍະການ ແລະ ສານປະຊາຊົນຢ່າງຈົງໃຈໂດດເດັ່ນ ແລະ ກວ້າງຂວາງພໍສົມຄວນ.

ໃນແຫລ່ງສື່ສັງຄົມອອນລາຍນັ້ນ, ຍັງໄດ້ນຳເອົາຄຳຄິດຄຳເຫັນ, ການຊີ້ນຳ, ແນະນຳຈາກຂັ້ນເທິງ, ການນຳ ພັກ-ລັດອອກມາເຕື່ອນສະຕິໃຫ້ຜູ້ທີ່ເຮັດໜ້າທີ່ຢູ່ຂະແໜງຍຸຕິທຳຄວນໄດ້ສຳນຶກ ຄຳນຶງເຖິງຈັນຍາບັນຂອງ ຕົນເອງໃນການ ເຮັດໜ້າທີ່ຮັບໃຊ້ຊາດ, ຮັບໃຊ້ປະຊາຊົນ ໂດຍສະເພາະແມ່ນການ ສວຍ ໃຊ້ໜ້າທີ່ຕຳແໜ່ງເພື່ອເປັນ ຂໍ້ອ້າງໃນການຫາລາຍໄດ້ທີ່ບໍ່ສອດຄ່ອງຖືກຕ້ອງ ແລະ ຊອບທຳຕາມລະບຽບກົດ ໝາຍຂອງບ້ານເມືອງອັນຈະເປັນເສັ້ນທາງນຳໄປສູ່ຄວາມ ຫາຍຍານະຕໍ່ຊີວິດອິນຊີຂອງຕົນເອງ ແລະ ເສຍພາບພົດ ບົດບາດໃຫ້ອົງການ ຫລື ກົມ ກອງທ້ອງຖິ່ນ.

ຈາກປາກົດການຫຍໍ້ທໍ້ທີ່ໂດດເດັ່ນ ແລະ ໂຫດຫ້ຽມທີ່ ສຸດກໍແມ່ນເຫດການ ຍິງສັງ ຫານ ທ່ານສຸກສະໄຫວ ຫລື ຕູບ ຮອງຫົວໜ້າໄອຍະການ ເຂດໜຶ່ງ ແຂວງຄຳມ່ວນຄັ້ງວັນທີ 14 ສິງຫາທີ່ຜ່ານມາ ຈົນຜູ້ກ່ຽວດັບຄາລົດ.

ຕໍ່ເຫດການທີ່ເກີດຂຶ້ນນີ້, ຕາມທິດກ່ຳໄດ້ຕິດຕາມຟັງກະແສຂອງເຫດການແລ້ວ ມັນກໍມີການພົວພັນຂັດແຍ່ງ ກັນທາງດ້ານຜົນປະໂຫຍດ ສ່ວນຕົວຈົນເຮັດໃຫ້ຝ່າຍໜຶ່ງທີ່ອັບປະໂຫຍດເກີດຄວາມ ຄຽດແຄ້ນຈຶ່ງໄດ້ຕາມລ່າຂ້າກັນຕາຍຢ່າງໜ້າສັງເວດ.

ໃນຫລາຍປີຜ່ານມາ, ທິດກ່ຳເຄີຍໄດ້ຍິນ, ໄດ້ຟັງຫລາຍຄົນຈົ່ມຕໍ່ການປະຕິບັດໜ້າທີ່ຂອງພະນັກງານທີ່ເຮັດວຽກໃນຂົງເຂດ ຍຸຕິທຳຈຳນວນບໍ່ໜ້ອຍບໍ່ຄອຍພາກັນ ປອດໃສຕໍ່ ຈັນຍາບັນຂອງ ຕົນເອງພໍປານໃດເຊັ່ນ: ຮັບ ສິນບົນຊື້ຈ້າງພິກປິ້ນຄະດີ,  ຖືກໃຫ້ເປັນຜິດ, ຜິດໃຫ້ເປັນຖືກ, ນັບທັງຫາວິທີໜ່ວງ ໜ່ຽວ, ແກະໄງ້ ແລະ ແກ່ຍາວ ຄະດີເພື່ອຕໍ່ລອງເອົາສິນບົນ ໃນກໍລະນີຄະດີຄວາມຕ່າງໆ ຈົນນັບບໍ່ຖ້ວນ.

ກໍລະນີການສັງຫານໂຫດທ້າວຕູບຕາຍຄາທີ່ນັ້ນ, ຕາມຄວາມເປັນຈິງມັນກໍພົວພັນເຖິງການປະຕິບັດໜ້າ ທີ່ຂອງຜູ້ກ່ຽວ ຈຶ່ງຖືກເຂົາຕາມລ່າປອງຂ້າມາຫລາຍຄັ້ງ, ແຕ່ຄັ້ງນີ້ຖືວ່າເປັນຄັ້ງ ອາວະສານສຳລັບຊີວິດຂອງຜູ້ກ່ຽວທີ່ເກີດມາໃຊ້ກຳ.

ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ - lattana 1 - ເຮັດວຽກຍຸຕິທຳຢ່າເອົາເຄາະກຳມາລ້າງຜານຊີວິດ

ຕາມເຮົາວ່າ, ຕໍ່ການຕາຍຂອງ ທ່ານ ສຸສະໄຫວ ຫລື ຕູບ ບໍ່ພຽງແຕ່ເປັນການຕາຍ ແບບ ສະເທືອນຂວັນ, ແຕ່ຍັງເປັນ ການເຕືອນສະຕິໃຫ້ຜູ້ທີ່ເຮັດວຽກໃນຂົງເຂດຍຸຕິທຳຕ້ອງ ໄດ້ຄິດ ແລະ ຄຳນຶງເຖິງທີ່ໄປ ທີ່ມາ, ທັງສຳຫລວດກວດກາເບິ່ງສະພາບການປະຕິບັດ ໜ້າທີ່ຂອງພວກເຮົາເອງໃນ ຖານະເປັນພະນັກງານຍຸຕິ  ທຳນັບແຕ່ຂັ້ນສູນກາງລົງໄປຮອດທ້ອງຖິ່ນ.

ດັ່ງພວກເຮົາຮັບຮູ້ນຳກັນ ແລ້ວວ່າ, ນັບແຕ່ປີ 2016 ເປັນຕົ້ນມາພວກເຮົາໄດ້ມີຄະນະບໍລິຫານງານສູນກາງພັກຊຸດທີ X ໄດ້ມີລັດຖະບານຊຸດທີ XIII. ຈາກນັ້ນມາ, ການນຳຂອງພັກ ແລະ ລັດຖະບານກໍໄດ້ວາງແນວທາງພັດທະນາເສດຖະກິດ- ສັງຄົມ ຂອງປະເທດໃຫ້ເດີນໜ້າເໝືອນດັ່ງປະເທດເຂົາທີ່ຈະເລີນແລ້ວ. ອັນສຳຄັນທີ່ ສຸດແມ່ນໄດ້ວາງເປົ້າໝາຍ ນຳພາປະເທດຊາດໃຫ້ຫລຸດພົ້ນອອກຈາກຄວາມທຸກຍາກ ແລະ ດ້ອຍພັດທະນາ.

ເພື່ອບັນລຸເປົ້າໝາຍດັ່ງກ່າວ, ໜຶ່ງໃນບັນຫາທີ່ຕ້ອງ ແກ້ກໍຄືປາກົດການຫຍໍ້ທໍ້ໃນ ສັງຄົມທີ່ພວມລາມພະລາມຈົວ ແລະ ເປັນຊຳເຮື້ອເຊັ່ນ: ບັນຫາຢາເສບຕິດ, ການສໍ້ ລາດບັງຫລວງ, ການແກ້ໄຂພະຍາດອາດຍາສິດຂຸນເສີກ, ການສວຍໃຊ້ໜ້າທີ່ຕຳແໜ່ງໃນຖັນ ແຖວພະນັກງານ ນັບແຕ່ຂັ້ນສູນກາງລົງໄປຮອດທ້ອງຖິ່ນ.  ສັງລວມໄດ້ ວ່າ, ມາຮອດປັດຈຸບັນນີ້, ພາລະກິດດັ່ງກ່າວໄດ້ຮັບຜົນ ດີເປັນເລີດ ເຊິ່ງພວກເຮົາຕ້ອງໄດ້ພາກັນເຢີກໃຫ້ມັນຫລຸດໜ້ອຍຖອຍລົງກ້າວໄປເຖິງບ່ອນວ່າປອດໄສຂາວສະອາດ.

ແນວໃດກໍຕາມ, ເມື່ອເບິ່ງ ພາບລວມແລ້ວການແກ້ໄຂ ປາກົດການຫຍໍ້ທໍ້ໃນຖັນແຖວພະນັກງານທີ່ຂຶ້ນກັບການ ຄຸ້ມຄອງຂອງລັດ ຫລື ເອີ້ນ ຢ່າງໜຶ່ງວ່າລັດຖະກອນພວກເຮົາເຮັດໄດ້ດີ ແຕ່ຂັ້ນສູນກາງ, ສວນທາງແຂວງກັບເມືອງ ນັ້ນອ່າວຊັກຊ້າຄືໂສ້ບໍ່ເຄັ່ງ.

ພະນັກງານການນຳ ຂອງບາງທ້ອງຖິ່ນຍັງເປັນ ຄົນຫູໜວກກິນຟານ, ຮູ້ແລ້ວ ຕ່າວພາໂລ ຍ້ອນສະພາບແວດ ລ້ອມຊີວິດການເປັນຢູ່ຫຍຸ້ງ ຍາກຂາດເຂີນກົດດັນໃຫ້ພະ ນັກງານບາງຄົນລະເມີດຕໍ່ ລະບຽບວິໄນ. ເພາະສະນັ້ນ, ການສວຍໃຊ້ສິດອຳນາດ, ຖາ ນະຕຳແໜ່ງໜ້າທີ່ໃນຂົງເຂດ ຍຸຕິທຳ ຈຶ່ງມີເຫດການ ແລະ ປາກົດການ ໃຫ້ເຮົາເຫັນຈຳ ນວນບໍ່ໜ້ອຍ, ນີ້ຄືບົດຮຽນອັນ ຍິ່ງໃຫຍ່ຂອງຄົນທີ່ເຮັດວຽກ ຍຸຕິທຳຢ່າຊອກເອົາເຄາະກຳ ມາລ້າງຜານຊີວິດ./.

error: Content is protected !!