ນະຄອນຫລວງຝົນຕົກມາປະຊາລຳບາກ

ນະຄອນຫລວງຝົນຕົກມາປະຊາລຳບາກ - advert banner 728 90 728x90 - ນະຄອນຫລວງຝົນຕົກມາປະຊາລຳບາກ

ໂດຍ: ລູກເມືອງພວນ

ນະຄອນຫລວງຝົນຕົກມາປະຊາລຳບາກ - new3 - ນະຄອນຫລວງຝົນຕົກມາປະຊາລຳບາກ
ນະຄອນຫລວງຝົນຕົກມາປະຊາລຳບາກ - 6897 - ນະຄອນຫລວງຝົນຕົກມາປະຊາລຳບາກ

    ສະບາຍດີ, ເພື່ອນຜູ້ອ່ານ ທີ່ຮັກແພງ, ຖ້າເວົ້າໃນເລື່ອງ ໄພທຳມະຊາດແລ້ວແມ່ນໃຜໆກໍຫລີກເວັ້ນໄດ້ຍາກ, ແຕ່ຖ້າເຮົາມີສະຕິຮູ້ຮັບມືກັບ ມັນກໍຈະຊ່ວຍຫລຸດຜ່ອນຜົນກະທົບນັ້ນລົງໃນສວນໃດໜຶ່ງ ກໍດັ່ງຢູ່ນະຄອນຫລວງວຽງຈັນເຮົາ.

ໃນເມື່ອກ່ອນຖ້າເວົ້າ ເຖິງ ສະພາບນ້ຳຖ້ວມ, ນ້ຳອັ່ງຢູ່ຖະໜົນຫົນທາງແມ່ນມີໜ້ອຍທີ່ສຸດ, ເພາະເມື່ອນັ້ນ, ຢູ່ນະຄອນຫລວງເຮົາ, ຍັງມີ ຫ້ວຍຮ່ອງຄອງບຶງເປັນບ່ອນຮອງຮັບນ້ຳ ໃນຕົວເມືອງມີ ຫລາຍພໍຝົນຕົກລົງມາ, ນ້ຳ ກໍຈະໄຫລລົງສູ່ຄອງນ້ຳດັ່ງ ກ່າວແລ້ວລະບາຍອອກໄປ ຢ່າງໄວວາ, ແຕ່ມາຮອດປັດ ຈຸບັນມັນ ກົງກັນຂ້າມກັນ ແລ້ວ, ຍ້ອນການພັດທະນາ, ການຖົມດິນ, ຖົມດອນໄດ້  ເກີດມີຂຶ້ນຈົນຄວບຄຸມບໍ່ໄດ້, ເພື່ອການກໍ່ສ້າງ, ເອົາແຕ່ຜູ້ ຈະເຮັດ, ຜູ້ຈະຖົມ, ຜູ້ອ່າວມີ ເງິນແດ່ກໍຖົມດິນໃຫ້ສູງຂຶ້ນ, ຂ້ອຍຖົມ, ເຈົ້າຖົມ, ຈົນນ້ຳຈະ ບໍ່ມີບ່ອນຈະໄຫລ, ເພື່ອຝົນ ຕົກລົງມາເກືອບວ່າທຸກຖະ ໜົນ, ນັບທັງຢູ່ໃນຕົວເມືອງ ແລະ ເຂດຊານເມືອງຕ່າງໆ ໄດ້ກາຍເປັນບ່ອນລ້ຽງປາ, ເປັນບ່ອນຢູ່ຂອງກົບຂອງ ຂຽດໄປແລ້ວ, ການສັນຈອນ ໄປມາມີຄວາມລຳບາກຫລາຍ, ບາງບ່ອນຈົນໄດ້ໃຊ້ເຮືອພາຍ, ຈ້ອນຂາໂສ້ງ, ຂາສິນກໍຈົນໝົດປັນຍາເຮັດໃຫ້ການໄປລ້າມາການຂອງພະນັກງານ, ການໄປຕະຫລາດຕະລີຂອງປະຊາຊົນມີຄວາມລຳບາກຫລາຍ ແລະ ເດັກໆ ໄປໂຮງຮຽນກໍຊັກຊ້າແກ່ຍາວ, ມີຫລາຍຄົນໄດ້ຕັ້ງຄຳຖາມຂຶ້ນມາວ່າ: ສະພາບດັ່ງກ່າວເປັນ ຍ້ອນຫຍັງ? ແລະ ເຮົາຈະມີວິທີການແກ້ ໄຂແນວໃດ? ຄຳຕອບຍັງເປັນປິດສະໜາຢູ່, ແຕ່ຜ່ານມາຄົນສ່ວນຫລາຍຍັງຖິ້ມ ໂທດໃສ່ແຕ່ຮ່ອງລະບາຍນ້ຳແຄມທາງອຸດດັນ, ຍ້ອນຂາດ ການເຮັດອະນາໄມລ່ວງຕະ ຄອງຮ່ອງນ້ຳນັ້ນເປັນປະຈຳ ເພາະຜ່ານມາກໍຍັງມີຜູ້ສວຍ ໂອກາດຖິ້ມຂີ້ເຫຍື້ອຊະຊາຍ ຫລື ລ້າງສິ່ງເປີະເປື້ອນຕ່າງໆ ລົງສູ່ຮ່ອງນ້ຳດັ່ງກ່າວ, ແຕ່ສ່ວນເລິກແລ້ວ, ບາງທີ່ ອາດແມ່ນມາຈາກພວກເຮົາຍັງຂາດຍຸດທະສາດໃນການວາງແຜນພັດທະນາຕົວເມືອງທີ່ດີ, ຖືກຕ້ອງສອດ ຄ່ອງ ກັບລັກສະນະ ແລະ ຈຸດ ພິເສດຂອງນະຄອນຫລວງເຮົາ, ໂດຍສະເພາະແມ່ນການອະນຸຍາດປຸກສ້າງ, ຖົມດິນຖົມດອນ, ບຶງໜອງ ຕ່າງໆ ທີ່ເປັນຈຸດຮອງຮັບການລະບາຍນ້ຳຂອງຕົວ ເມືອງຫລວງ ແລະ ອີກອັນໜຶ່ງກໍແມ່ນແຜນຍຸດທະສາດ ຮັບມືກັບສະພາບດັ່ງກ່າວໃນ ໄລຍະຍາວຍັງບໍ່ໄດ້ຄຳນຶງ.

ເອົາລະເວົ້າມາກໍຫລາຍແຕ່ໃນຕົວຈິງນະຄອນຫລວງເຮົາກໍອາດຈະມີແຜນຮອງ ຮັບໄວ້ແລ້ວ, ຍັງຖ້າແຕ່ງົບປະມານ ແລະ ຜູ້ບໍລິຫານເປັນເລີດ./.

ນະຄອນຫລວງຝົນຕົກມາປະຊາລຳບາກ - lattana 1 - ນະຄອນຫລວງຝົນຕົກມາປະຊາລຳບາກ

error: Content is protected !!