​ອຸດົມ​ໄຊ ​ເລັ່ງຟື້ນຟູຜົນ​ກະທົບຈາກໄພນໍ້າຖ້ວມຢູ່ເມືອງແບງ

​ອຸດົມ​ໄຊ ​ເລັ່ງຟື້ນຟູຜົນ​ກະທົບຈາກໄພນໍ້າຖ້ວມຢູ່ເມືອງແບງ - advert banner 728 90 728x90 - ​ອຸດົມ​ໄຊ ​ເລັ່ງຟື້ນຟູຜົນ​ກະທົບຈາກໄພນໍ້າຖ້ວມຢູ່ເມືອງແບງ

​ແຫ​ລ່ງຂ່າວ​ທ້ອງ​ຖິ່ນ​ລາຍ​ງານ​ວ່າ: ພາຍຫລັງ​ໄດ້​ເກີດ​ເຫດ​ນໍ້າ​ຖ້ວມ​ຢ່າງ​ຮ້າຍ​ແຮງຢູ່ເມືອງແບງ ແຂວງ ອຸດົມໄຊ ໃນວັນທີ 17 ສິງຫາຜ່ານມານີ້, ເຮັດໃຫ້ເຮືອນຊານບ້ານຊ່ອງ, ເນື້ອທີ່ທໍາການຜະລິດຂອງປະຊາຊົນ, ສໍານັກງານອົງການ ແລະ ພື້ນຖານໂຄງລ່າງຖະໜົນຫົນທາງ, ນໍ້າ​ປະປາ, ຊົນລະປະທານ​ສຍຫາຍ​ເປັນ​ຈໍານວນ​ຫລາຍ, ​ໃນ​ນັ້ນ​ຮ້າຍ​ແຮງ​ກວ່າໝູ່​ແມ່ນ 4 ບ້ານ​ຂອງ​ເມືອງ​ດັ່ງກ່າວ. ໂຮງໝໍເມືອງ 1 ແຫ່ງ, ຂົວ 5 ຈຸດ ແລະ ເນື້ອທີ່ທໍາການຜະລິດ ເສຍຫາຍ​ເປັນຈໍານວນຫລາຍ. ຕໍ່ກັບສະພາບດັ່ງກ່າວມາຮອດປັດຈຸບັນທາງຂະ ແໜງການກ່ຽວຂ້ອງພວມລົງເກັບກໍາຂໍ້ມູນຄວາມເສຍຫາຍຕົວຈິງ ແລະ ​ເລັ່ງດໍາເນີນການຟື້ນຟູແກ້ໄຂສຸກເສີນ ໂດຍສະເພາະໂຮງໝໍເມືອງຖືກນໍ້າຖ້ວມ, ຢາ ແລະ ອຸປະກອນການແພດບາງຈໍານວນໄດ້ຮັບຄວາມເສຍຫາຍ ສະ​ນັ້ນທາງອົງການກາແດງປະຈໍາແຂວງ ຮ່ວມກັບກໍາລັງທະຫານ-ຕໍາຫລວດ, ພະນັກງານລັດຖະກອນຫ້ອງການອ້ອມຂ້າງ ແລະ ປະຊາຊົນບ້ານໃກ້ຄຽງກໍ​ໄດ້​ພ້ອມກັນຕະລຸມບອນ​ເຮັດອະນາໄມທໍາຄວາມສະອາດປົວ​​ແປງ​ບ່ອນ​ເປ່​ເພໃຫ້ກັບຄືນສູ່ສະພາບເດີມ ​ແລະ ມາ​ຮອດປັດຈຸບັນແມ່ນສາມາດຮັບບໍລິການຄົນເຈັບໄດ້ ປົກກະຕິ​ແລ້ວ. ສ່ວນລະບົບນໍ້າປະປາພາຍໃນເມືອງໄດ້ປິດການນໍາໃຊ້ຊົ່ວຄາວເພື່ອການສ້ອມແປງຄື: ລະບົບຫົວງານ, ລະບົບສົ່ງນໍ້າຕ່າງໆ​ໃຫ້​ສໍາ​ເລັດ​ໂດຍ​ໄວ.

​ອຸດົມ​ໄຊ ​ເລັ່ງຟື້ນຟູຜົນ​ກະທົບຈາກໄພນໍ້າຖ້ວມຢູ່ເມືອງແບງ - new3 - ​ອຸດົມ​ໄຊ ​ເລັ່ງຟື້ນຟູຜົນ​ກະທົບຈາກໄພນໍ້າຖ້ວມຢູ່ເມືອງແບງ

ສໍາລັບການສ້ອມແປງສົ້ນຂົວນໍ້າຫາວ ແລະ ເສັ້ນທາງນອກເຂດເທດສະ ບານເມືອງຈໍານວນ 4 ຈຸດທີ່ຖືກນໍ້າເຊາະເຈື່ອນ ແມ່ນພວມດໍາເນີນການແກ້ໄຂ. ນອກນີ້, ຍັງມີລະບົບຊົນລະປະທານເສຍຫາຍ 9 ຈຸດ, ສັດລ້ຽງ 280 ໂຕ,   ໜອງປາ 61 ໜອງ ແລະ ຜົນ​ລະ​ປູກ​ຂອງ​ປະຊາຊົນ​ໃນ 19 ບ້ານຢູ່​ເມືອງ​ດັ່ງກ່າວ​ກໍ​ໄດ້​ຮັບ​ຄວາມ​ເສຍ​ຫາຍ​ເຊັ່ນ: ເນື້ອທີ່ເຂົ້ານາປີ 128 ເຮັກຕາ, ສາລີແຂງ 92 ເຮັກຕາ ແລະ ພືດຜັກຕ່າງໆ 16 ເຮັກຕາ ຄາດ​ວ່າ​ຈະ​ມີ​ມູນ​ຄ່າເສຍຫາຍດ້ານກະສິກໍາທັງໝົດ 1,9 ຕື້​ກວ່າ​ກີບ.

​ອຸດົມ​ໄຊ ​ເລັ່ງຟື້ນຟູຜົນ​ກະທົບຈາກໄພນໍ້າຖ້ວມຢູ່ເມືອງແບງ - lattana 1 - ​ອຸດົມ​ໄຊ ​ເລັ່ງຟື້ນຟູຜົນ​ກະທົບຈາກໄພນໍ້າຖ້ວມຢູ່ເມືອງແບງ
error: Content is protected !!