​5 ຂະ​ບວນການ​ຄິດ​ທີ່​ປະສົບ​ຜົນສຳ​ເລັດຂອງ ບິ​ວ​ເກດ

- advert banner 728 90 728x90 - ​5 ຂະ​ບວນການ​ຄິດ​ທີ່​ປະສົບ​ຜົນສຳ​ເລັດຂອງ ບິ​ວ​ເກດ
- k24 1 - ​5 ຂະ​ບວນການ​ຄິດ​ທີ່​ປະສົບ​ຜົນສຳ​ເລັດຂອງ ບິ​ວ​ເກດ

​ແນ່ນອນວ່າ ຄົງ​ບໍ່​ມີ​ໃຜ​ທີ່ບໍ່​ຮູ້ຈັກ​ຜູ້​ຊາຍ​ຄົນ​ນີ້ William Henry Gates III ຫຼື​ທີ່​ເຮົາຮູ້ຈັກ​ກັນ​ດີ​ໃນ​ຊື່ ບິ​ວ​ເກດ ຜູ້ທີ່ມາ​ປ່ຽນ​ໂລກດ້ວຍ​ການ​ຄິດ​ຄົ້ນ​ນະ​ວັດຕະ​ກຳ​​      ໂປຣ​ແກຣມທາງ​ຄອມ​ພິວ​ເຕີຜູ້​ກໍ່​ຕັ້ງ​ບໍລິສັດ​ຍັກ​ໃຫຍ່     ໄມ​​ໂຄຣຊອບ ສິ່ງ​ທີ່​ຄູ​ຄວນ​ແກ່​ການ​ເຊີດ​ຊູຄື ບິ​ວ​ເກດ ຍັງ​ເປັນ​ຜູ້​ໃຈ​ບຸນ​ກໍ່​ຕັ້ງ​ມູນລະ​ນິທິ ບໍ​ລິ​ຈາກ​ເງີ​ນມາ​ແລ້ວ​ຢ່າງ​ຫຼວງ​ຫຼາຍ​ນັບ​ບໍ່​ຖ້ວນ​ ​ເວົ້າ​ໄດ້​ວ່າ ​ເປັນ​ຄົນ​ທີ່ ​ເກັ່ງ ລວຍ ​ແລະ​ມີ​ຈິດ​ໃຈ​ໂອບ​ເອື້ອ​ອາລີ​ ຕໍ່​ຜູ້​ທີ່​ດ້ອຍ​ໂອກາດ​ອີກ​ດ້ວຍ

- new3 - ​5 ຂະ​ບວນການ​ຄິດ​ທີ່​ປະສົບ​ຜົນສຳ​ເລັດຂອງ ບິ​ວ​ເກດ

​ແຕ່​ສິ່ງ​ທີ່​ໜ້າ​ສົນ​ໃຈຂອງ​ ບິ​ວ​ເກດ ​ໄປ​ຫຼາຍ​ກວ່າ​ນັ້ນ​ຄື​ແນວ​ຄິດ​ໃນ​ການ​ສ້າງ​ຄວາມ​ມັ່ງ​ຄັ່ງ​ໃນ​ການ​ສ້າງ​ຊີວິດ​ໃຫ້​ປະສົບ​ຄວາມ​ສຳ​ເລັດ​ຈົນ​ມາ​ເຖີງທຸກ​ວັນ​ນີ້ ​ແລະ​ ນີ້​ຄື​   ຂະ​ບວນການ​ຄິດ​ທີ່​ນຳພາ​ໃຫ້​ເຂົາ​ໄປ​ສູ່​ຄວາມ​ສຳ​ເລັດມີ​ດັ່ງ​ນີ້

  1. ການ​ຕັ້ງ​ເປົ້າ​ໝາຍ​ທີ່​ຊັດ​ເຈນ​ແລະ​ທ້າ​ທາຍ

ແນວ​ຄິດ​ນີ້​ຖື​ວ່າ​ເປັນ​ສິ່ງ​ສຳຄັນ​ທີ່​ສຸດ ບິ​ວ​ເກດ ​ເຊື່ອ​ວ່າການທີ່​ເຮົາ​ຈະ​ປະສົບ​ຜົນສຳ​ເລັດ​ໄດ້ ຈົນ​ຄົນ​ອື່ນ​ບໍ່​ເຊື່ອ​ວ່າ​ເຮັດ​ໄດ້ ເປັນ​ເພາະ​ພວກ​ເຂົາ​ມີ​ເປົ້າ​ໝາຍ​ທີ່​ຊັດ​ເຈນ​ ແນ່ນອນ ​ແລະ​ສາມາດ​ຄິດ​ອອກ​ມາ​ເປັນ​ພາບ​ໃນ​ຫົວ​ສະໝອງ ແລະ​ເປົ້າ​ໝາຍ​ນັ້ນ​ຕ້ອງ​ມີ​ຄວາມ​ທ້າ​ທາຍຕົນ​ເອງ ​ເຖີງ​ແມ່ນ​ວ່າ​ຄົນ​ອື່ນ​ຈະ​ເບິ່ງ​ວ່າ​ມັນ​ເປັນ​ໄປ​ໄດ້​ຍາກ ມັນ​ເຮັດ​ບໍ່​ໄດ້! ​ແຕ່​ເຮົາ​ຕ້ອງ​ເຊື່ອ​ໃນ​ເປົ້າ​ໝາຍ​ແລະ​ວາງ​​ແຜນ​ໃຫ້​ເກີດ​ຂຶ້ນ​ໄດ້​ແທ້

2. ມີ​ຄວາມ​ມຸ່ງ​ໝັ່ນ​ພະຍາຍາມ ​ແລະ​ເຮັດ​ໃຫ້​ດີ​ທີ່​ສຸດ​ໃນ​ທຸກ​ເລື່ອງ

ຄວາມ​ສຳ​ເລັດ​ບໍ່​ໄດ້​ມາ​ເພາະ​ໂຊກ​ຊ່ວຍ ສິ່ງ​ທີ່​ໄດ້​ມາ​ງ່າຍໆ ມັກ​ຈະ​ບໍ່​ແມ່ນ​ສິ່ງ​ທີ່ຢູ່​ຍືນ​ນານ ​ແຕ່​ສິ່ງ​ເຮົາ​ມຸ່ງ​ໝັ່ນ​ຕັ້ງ​ໃຈ​ເຮັດ ຫຼື​ສ້າງ​ມັນ​ຂຶ້ນ​ມາ​ດ້ວຍ​ສອງ​ມື​ເຮົາ ມັກ​ຈະ​ເປັນ​ສິ່ງ​ທີ່​ປ່ຽນ​ແປງ​ຊີວິດ​ຂອງ​ເຮົາ​ໄປ​ຕະຫຼອດ​ຊີວິດ

3. ບົດຮຽນ​ຄວາມ​ຜິດພາດ​ສຳຄັນ​ກວ່າ​ຄວາມ​ສຳ​ເລັດ​ໃນ​ອາ​ດີດ

“It’s fine to celebrate success but it’s more important to heed the lessons of failure” ຄວາມ​ສຳ​ເລັດຖື​ວ່າ​ເປັນ​ຄູ ​ແຕ່​ອາດ​ເຮັດ​ໃຫ້​ເຮົາ​ຫຼົງ​ຕິດ​ກັບ​ດັກ​ຄວາມ​ສຳ​ເລັດ ​ເຊິ່ງຄິດ​ວ່າ​ຕົນ​ຈະ​ຕ້ອງ​ສຳ​ເລັດ​ອີກ​ຈົນ​ເກີດ​ຄວາມ​ໝັ້ນ​ໃຈ​ຫຼາຍ​ເກີນ​ໄປ​ແຕ່​ຄວາມ​ຜິດພາດ​ຈະ​ເປັນ​ຄູ​ທີ່​ດີ​ທີ່​ສຸດ ​ເພາະ​ຈະ​ເຮັດ​ໃຫ້​ເຮົາ​ຍິ່ງ​ເພີ່ມ​ຄວາມ​ລະມັດລະວັງ ຕຽມ​ປ້ອງ​ກັນ​ບໍ່​ໃຫ້​ເກີດ​ປັນຫາ​ຂໍ້​ຜິດພາດ​ເຊັ່ນ​ເກົ່າ​ອີກ ​ເພາະ​​ໃຊ້ເປັນ​ຂໍ້ເຕືອນ​ໃຈ​ໃນ​ຄວາມ​ຜິດພາດ

​ແມ້​ແຕ່​ບິ​ວ​ເກດ ກໍ​​ເຄີຍ​ຜິດພາດ​ມາ​ກ່ອນ ​ເຊິ່ງ​ໃນ​ອາ​ດີດ    ບິ​ວ​ເກດ ​ເຄີຍ​ເຮັດ​​ແພັດ​ຟອມດ້ານ​ການ​ເກັບ​ຂໍ້​ມູນ​ເທິງ​ຖະໜົນ ​ແລະ​ວິ​ເຄາະ​ການ​ຈະລາຈອນ ​ແຕ່​ກັບ​ລົ້ມ​ເຫຼວຂາດທຶນ​ໄປ​ຫຼາຍ​ພັນ​ລ້ານ​​ໂດ​ລາ

- lattana 1 - ​5 ຂະ​ບວນການ​ຄິດ​ທີ່​ປະສົບ​ຜົນສຳ​ເລັດຂອງ ບິ​ວ​ເກດ

4. ​ເຮັດ​ຕາມ​ສຽງ​ຫົວ​ໃຈ​ຂອງ​ຕົນ​ເອງ

ບິ​ວ​ເກດ ບອກ​ໄວ້​ສະ​ເໝີ​ວ່າ ຈົ່ງ​ເຮັດ​ຕາມ​ສຽງຫົວ​ໃຈ​ທີ​ປາຖະໜາ ​ເພາະວ່າ​ມັນ​ຈະ​ເຮັດ​ໃຫ້​ເຮົາ​ຍິ່ງ​ເຂົ້າ​ໃກ້ຄວາມ    ​ສຳ​ເລັດ ​ເຖີງ​ແມ່ນ​ວ່າ​ບໍ່​ສາມາດ​ເຮັດ​ໃຫ້​ເຮົາມັ່ງ​ຄັ່ງ​​ໄດ້​​ໂດຍໄວ ​ແຕ່​ການ​ເຮັດ​ຕາມ​ຝັນ​ໄປ​ເທື່ອ​ລະ​ຂັ້ນ ຈະ​ເປັນ​​ໂຕ​ຜັກ​ດັນ​ໃຫ້​ເຮົາ​ຮຽນ​ຮູ້ ​ແລະ​ເກັ່ງ​ຂຶ້ນ ຈົນ​ວັນ​ໜຶ່ງ​ທີ່​ເຮົາ​ປະສົບ​ຄວາມສຳ​ເລັດ ​ແລ້ວ​ຄວາ​ມມັ່ງ​ຄັ່ງ​ຈະ​ຕາມ​ມາ​ໃນ​ທີ່​ສຸດ

5. ​ເຮັດ​ທຸກ​ຢ່າງ​ໃຫ້​ໄວ ​ແລະ​ມີ​ກົນລະຍຸດ​ທີ່​ດີ

ການ​ເຮັດ​ຄວາມ​ເຂົ້າ​ໃຈ​ເລື່ອງ​ຍາກ​ໃຫ້​ເປັນ​ເລື່ອງ​ງ່າຍ​ ການ​ຄິດ​ແຜນ​ຫຼື​ການ​ບໍລິຫານ​ງານ ບໍລິຫານ​ເງີ​ນ ​ເຮັດ​ດ້ວຍ​ຄວາ​ເຂົ້າ​ໃຈ​ທີ່​ເຮົາ​ມີ ບໍ່​ເຮັດ​ຫຍັງ​ທີ່​ຊັບຊ້ອນ​ເກີນ​ຄວາມ​ຮູ້​ຄວາມ​ເຂົ້າ​ໃຈ​ຂອງ​ຄົນ​ທົ່ວ​ໄປ ອອກ​ຜະລິດ​ຕະພັນ​ທີ່​ຄົນ​ທົ່ວ​ໄປ​ສາມາດ​ເຂົ້າ​ໃຈ​ແລະ​ໃຊ້​ງານ​ໄດ້​ຢ່າງ​ມີ​ປະສິດທິພາບ ​ແລະ​ສ້າງ​ກົນລະຍຸດ​ທຸກ​ຄັ້ງ​ເພື່ອ​ໃຫ້​ໄປ​ສູ່​ເປົ້າ​ໝາຍ

    5 ກະບວນ​ການ​ຄິດ​ສ້າງ​ຄວາມ​ມັ່ງ​ຄັ່ງ​ຂອງ​ ບິ​ວ​ເກດ ນັ້ນ ​ເຊື່ອ​ໄດ້​ເລີຍ​ວ່າ ບໍ່​ມີ​ພຽງ​ແຕ່​ເລື່ອງ​ການ​ສ້າ​ງ​ເນື້ອ​ສ້າງ​ໂຕ ​ແຕ່​ຍັງ​ສາມາດ​ນຳ​ໄປ​ປັບ​ໃຊ້​ໃນ​ການ​ຮຽນ ການ​ເຮັດ​ວຽກ ການ​ດຳ​ເນີນ​ທຸລະ​ກິດອື່ນໆ ​ໄດ້​ອີກ​ດ້ວຍ ​ແຕ່​ສິ່ງ​ທີ່​ໜ້າ​ປະ​ທັບ​ໃຈ​ກວ່າ​ນັ້ນ ບິ​ວ​ເກດ ອາຍຸ 52 ປີ  ​ໄດ້​ວາງ​ມື​ຈາກ​ການ​ເປັນ CEO ບໍລິສັດ​ໄມ​ໂຄຣຊອບ ​ເພື່ອ​ກໍ່​ຕັ້ງ​ມູນ​ລະນິທິ “Bill & Melinda Gates Foundation

    ຈຸດ​ມຸ່ງ​ໝາຍ​ຫຼັກ​ກໍ​ຄື ​ເພື່ອ​ປັບປຸງ​ການ​ບໍລິຫານ​ສຸຂະພາບ         ​ລົດ​ຄວາມ​ຍາກຈົນ​ທົ່ວ​ໂລກ​ ​ແລະ​ໃນ​ສະຫະລັດ​ອາ​ເມ​ລິ​ກາ​ເພື່ອ​ຂະຫຍາຍ​ໂອກາດ​ການ​ສຶກສາແລະ​ການ​ເຂົ້າ​ເຖີງ​ເຕັກ​ໂນ​ໂລ​ຊີ​ສານສົນເທດ

error: Content is protected !!