ລັດຖະບານລາວສະແດງຄວາມເສຍໃຈຕໍ່ຜູ້ ເຄາະຮ້າຍເຫດລົດຕົກເຫວຢູ່ເມືອງນານ ແຂວງຫລວງພະບາງ

- advert banner 728 90 728x90 - ລັດຖະບານລາວສະແດງຄວາມເສຍໃຈຕໍ່ຜູ້ ເຄາະຮ້າຍເຫດລົດຕົກເຫວຢູ່ເມືອງນານ ແຂວງຫລວງພະບາງ

ແລງວັນທີ 22 ສິງຫານີ້, ທ່ານ ບໍ່ແສງຄໍາ ວົງດາລາ ລັດຖະມົນຕີ ກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ (ຖວທ)  ໄດ້ຖະ ແຫລງຂ່າວກ່ຽວກັບເຫດການອຸປະຕິເຫດລົດໂດຍສານຂົນສົ່ງນັກທ່ອງທ່ຽວຈີນ ຕົກເຫວຢູ່ຂົວນໍ້າງ້າວ ທີ່ເມືອງນານ ແຂວງຫລວງພະບາງ ໃນວັນທີ 19 ສິງຫາ ຜ່ານມານີ້.

- new3 - ລັດຖະບານລາວສະແດງຄວາມເສຍໃຈຕໍ່ຜູ້ ເຄາະຮ້າຍເຫດລົດຕົກເຫວຢູ່ເມືອງນານ ແຂວງຫລວງພະບາງ

ທ່ານລັດຖະມົນຕີ ກ່າວວ່າ: ຕໍ່ອຸປະຕິເຫດທີ່ບໍ່ເພິ່ງປາຖະໜາດັ່ງກ່າວທາງກະຊວງ ຖວທ ໄດ້ແຕ່ງຕັ້ງທ່ານຮອງລັດຖະມົນຕີ ຮັບຜິດຊອບວຽກງານທ່ອງທ່ຽວເດີນທາງໄປທີ່ເກີດເຫດ ເພື່ອສົມທົບກັບອໍານາດການປົກຄອງທ້ອງຖິ່ນທຸກຂັ້ນ, ເປັນຕົ້ນພະແນກ ຖວທ ແຂວງຫລວງພະບາງ, ສະຖານທູດຈີນ ປະຈໍາລາວ ກໍຄືກົງສູນໃຫຍ່ ສປ ຈີນ ປະຈໍາແຂວງຫລວງພະບາງ ຮ່ວມກັນແກ້ໄຂສະພາບການຢ່າງຮີບດ່ວນ ພ້ອມທັງລົງຢ້ຽມຢາມຜູ້ໄດ້ຮັບບາດເຈັບຢູ່ໂຮງໝໍ ແຂວງ ແລະ ໄປກວດກາເບິ່ງຈຸດເກີດເຫດ. ນອກນັ້ນ, ພະແນກ ຖວທ ແຂວງ ໄດ້ແຕ່ງພະນັກງານນໍາທ່ຽວຜູ້ທີ່ຮູ້ພາສາຈີນຈໍານວນ 15 ຄົນ ໄປຊ່ວຍອໍານວຍຄວາມສະດວກແປພາສາໃຫ້ແກ່ຄົນເຈັບທີ່ຮັບການປິ່ນປົວຢູ່ໂຮງໝໍແຂວງ ແລະ ໂຮງໝໍ 103 ນະຄອນຫລວງວຽງຈັນ. ພ້ອມນີ້, ຄະນະນໍາ ຖວທ ຂໍສະແດງຄວາມເສຍໃຈຢ່າງສຸດຊຶ້ງມາຍັງຜູ້ທີ່ໄດ້ຮັບເຄາະຮ້າຍ ແລະ ຄອບຄົວ ທັງ ສະແດງຄວາມເສົ້າສະຫລົດໃຈມາຍັງຄອບຄົວຜູ້ທີ່ເສຍຊີວິດໃນເຫດການບໍ່ເພິ່ງປາຖະໜານີ້.

ໃນໂອກາດນີ້, ທ່ານນາຍົກລັດຖະມົນຕີແຫ່ງ ສປປ ລາວ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສົ່ງສານສະແດງຄວາມເສຍໃຈ ແລະ ເສົ້າສະຫລົດໃຈໄປຍັງທ່ານນາຍົກລັດຖະມົນຕີ ແຫ່ງ ສປ ຈີນແລ້ວ, ພ້ອມນັ້ນ ລັດຖະບານລາວກໍໄດ້ຊີ້ນໍາທຸກພາກສ່ວນກ່ຽວຂ້ອງສືບຕໍ່ຊອກຄົ້ນຫາສາເຫດທີ່ແທ້ຈິງຂອງອຸປະຕິ ເຫດຄັ້ງນີ້ ແລະ ສືບຕໍ່ມີວິທີການ, ມາດຕະການອັນເໝາະສົມໃນການແກ້ໄຂເຫດການຄັ້ງນີ້ຕາມຕົວຈິງ ແລະ ຕາມລະບຽບກົດໝາຍ ຂອງລາວເຮົາ.

- lattana 1 - ລັດຖະບານລາວສະແດງຄວາມເສຍໃຈຕໍ່ຜູ້ ເຄາະຮ້າຍເຫດລົດຕົກເຫວຢູ່ເມືອງນານ ແຂວງຫລວງພະບາງ

ທ່ານລັດຖະມົນຕີ ກ່າວຕື່ມວ່າ: ຕໍ່ເຫດການນີ້ທາງລັດຖະບານລາວໄດ້ ຮັບຜິດຊອບປະຕິບັດນະໂຍບາຍທາງດ້ານມະນຸດສະທໍາດ້ວຍການຊ່ວຍເຫລືອຜູ້ ເຄາະຮ້າຍ, ປິ່ນປົວຮັກສາ ແລະ ບໍລິການຂົນສົ່ງຜູ້ເຄາະຮ້າຍໂດຍບໍ່ເສຍ ຄ່າໃຊ້ຈ່າຍໃດໆ, ອໍານວຍຄວາມສະດວກຈັດຊາປະນະກິດສົບຕາມຄວາມເພິ່ງ ປະສົ່ງຂອງຄອບຄົວຜູ້ເສຍຊີວິດ ແລະ ອື່ນໆອີກ. ທັງນີ້ຂໍຮຽກຮ້ອງມາຍັງຜູ້ປະກອບການດ້ານທຸລະກິດການທ່ອງທ່ຽວ, ການບໍລິການຂົນສົ່ງຕ້ອງໄດ້ເອົາໃຈໃສ່ເພີ່ມທະວີຄວາມຮັບຜິດຊອບໃຫ້ສູງກວ່າເກົ່າ, ປະຕິບັດກົດລະບຽບຈໍລະຈອນຢ່າງເຂັ້ມງວດ, ໜັ່ນກວດກາດ້ານເຕັກນິກ ແລະ ມີສະຕິລະມັດລະວັງ ໃນການຂັບຂີ່ ເພື່ອຮັບປະກັນຄວາມປອດໄພຕໍ່ຊີວິດ ແລະ ຊັບສິນຂອງນັກທ່ອງທ່ຽວທຸກຄົນທີ່ມາທ່ຽວປະເທດເຮົາ.

error: Content is protected !!