ຜົນກອງປະຊຸມລັດຖະບານປະຈໍາເດືອນສິງຫານີ້

- advert banner 728 90 728x90 - ຜົນກອງປະຊຸມລັດຖະບານປະຈໍາເດືອນສິງຫານີ້

ກອງປະຊຸມລັດຖະບານສະໄໝສາມັນປະຈໍາເດືອນສິງຫາ 2019 ໄດ້ປິດລົງໃນວັນທີ 22 ນີ້, ພາຍຫລັງດໍາເນີນມາເປັນເວລາ 3 ວັນ, ໂດຍພາຍໃຕ້ການເປັນປະທານຂອງທ່ານນາຍົກລັດຖະມົນຕີທອງລຸນສີສຸລິດ.

- new3 - ຜົນກອງປະຊຸມລັດຖະບານປະຈໍາເດືອນສິງຫານີ້

ກອງປະຊຸມໄດ້ປຶກສາຫາລື ແລະ ເຫັນດີດ້ານຫລັກການຮັບຮອງເອົາຮ່າງກົດໝາຍວ່າດ້ວຍການລົ້ມລະລາຍຂອງວິສາຫະກິດ, ຮ່າງກົດໝາຍວ່າດ້ວຍຮູບເງົາ, ຮ່າງກົດໝາຍວ່າດ້ວຍຫລັກຊັບ ແລະ ຮ່າງກົດໝາຍວ່າດ້ວຍຄວາມສະເໝີພາບຍິງ-ຊາຍ, ພ້ອມຊີ້ນໍາໃຫ້ກະຊວງກ່ຽວຂ້ອງປັບປຸງຕື່ມຕາມການປະກອບຄໍາເຫັນສະມາຊິກລັດຖະບານເພື່ອໃຫ້ມີເນື້ອໃນຄົບຖ້ວນ, ຊັດເຈນ, ຈະແຈ້ງ, ຮັດກຸມ, ກ່ອນຈະນຳສະເໜີໃຫ້ສະພາແຫ່ງຊາດພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VIII ທີ່ຈະຈັດຂຶ້ນເດືອນພະຈິກນີ້.ພ້ອມນີ້, ກອງປະຊຸມໄດ້ເຫັນດີຮັບຮອງເອົາຮ່າງດໍາລັດວ່າດ້ວຍການປິດບໍ່ແຮ່ພາຍຫລັງສິ້ນສຸດການຂຸດຄົ້ນແລະຮ່າງດໍາລັດວ່າດ້ວຍການຄຸ້ມຄອງທຸລະກິດຍານພາຫະນະທາງບົກ, ພ້ອມທັງຊີ້ນໍາໃຫ້ກະຊວງພະລັງງານແລະບໍ່ແຮ່ ແລະອຸດສາຫະກໍາ ແລະ ການຄ້າ ສົມທົບກັບພາກສ່ວນກ່ຽວຂ້ອງອື່ນໆ ປັບປຸງບາງເນື້ອໃນໃຫ້ຄົບຖ້ວນ, ລະອຽດແລະຈະແຈ້ງ,ກ່ອນຈະສົ່ງໃຫ້ຫ້ອງວ່າການສໍານັກງານນາຍົກລັດຖະມົນຕີກວດກາຕື່ມແລະສະເໜີນາຍົກລັດຖະມົນຕີລົງລາຍເຊັນປະກາດໃຊ້ເປັນທາງການ.

- lattana 1 - ຜົນກອງປະຊຸມລັດຖະບານປະຈໍາເດືອນສິງຫານີ້

ກອງປະຊຸມໄດ້ຮັບຟັງລາຍງານການປັບປຸງແຜນພັດທະນາແບບກວມລວມເຂດພູພຽງບໍລະເວນແລະໄດ້ເຫັນດີຮັບຮອງດ້ານຫລັກການ​ຂອງແຜນ​ດັ່ງກ່າວ ແຕ່ເນັ້ນໄດ້ຊີ້ນໍາໃຫ້​ສະ​ຖາ​ບັນ​ຄົ້ນຄວ້າ​ເສດຖະກິດແຫ່ງຊາດປັບປຸງ​ຕື່ມເພື່ອໃຫ້ມີຄວາມກົມກືນກັບທຳມະຊາດຂອງເຂດພູພຽງດັ່ງກ່າວ ແລະ ຮັບປະກັນບໍ່ໃຫ້ທຳລາຍທຳມະຊາດ, ເປັນເຂດກະສິກຳປອດສານພິດ, ອຸດສາຫະປຸງແຕ່ງກະສິກຳສະອາດ, ການທ່ອງທ່ຽວທຳມະຊາດແລະ ການທ່ອງທ່ຽວ ຕິດພັນກັບການເຮັດກະສິກຳ ເພື່ອດຶງດູດແລະສົ່ງເສີມໃຫ້ພາກທຸລະກິດທັງພາຍໃນ ແລະ ຕ່າງປະເທດມາລົງທຶນໃນເຂດດັ່ງກ່າວຫລາຍຂຶ້ນແລະຫ້າມບໍ່ໃຫ້ມີການຂຸດຄົ້ນບໍ່ແຮ່ຢູ່ເຂດດັ່ງກ່າວເດັດຂາດ.

error: Content is protected !!