ລັດເຊຍຄົ້ນຄວ້າຮ່າງກົດໝາຍການແຜ່ກະຈາຍຂ່າວປອມ

- advert banner 728 90 728x90 - ລັດເຊຍຄົ້ນຄວ້າຮ່າງກົດໝາຍການແຜ່ກະຈາຍຂ່າວປອມ

ຮຽບຮຽງໂດຍ: ລູກເມືອງພວນ

- new3 - ລັດເຊຍຄົ້ນຄວ້າຮ່າງກົດໝາຍການແຜ່ກະຈາຍຂ່າວປອມ
- 59 - ລັດເຊຍຄົ້ນຄວ້າຮ່າງກົດໝາຍການແຜ່ກະຈາຍຂ່າວປອມ

ບຸກຄົນທີ່ລົງບົດຂຽນ, ຂ່າວປອມໃສ່ຮ້າຍປ້າຍສີລັດຖະບານ ອາດຈະຖືກຈຳຄຸກ ເຖິງ 15 ວັນ.

ສະພາແຫ່ງຊາດຂອງ ລັດເຊຍ ກຳລັງຄົ້ນຄ້ວາຮ່າງ ກົດໝາຍສະບັບໃໝ່ວ່າດ້ວຍ: ອີນເຕີແນັດ, ຊຶ່ງສາ ມາດໃຫ້ກັກຕົວ ແລະ ປັບໄໝ ເປັນເງິນຕໍ່ຜູ້ທີ່ແຜ່ກະຈາຍ ຂ່າວປອມອອກໄປ ຫຼື ຂ່າວ ໃສ່ຮ້າຍປ້າຍສີການນຳລັດ ຖະບານ ໃນໜ້າສື່ອອນລາຍ ໄດ້ (ຂ່າວຈາກ CNN  ໃນວັນ ທີ 21 ສິງຫານີ້).

ກົດໝາຍສະບັບດັ່ງກ່າວກຳນົດວ່າ: ບຸກຄົນໃດ ຫາກຕີ ແຜ່ບົດຂຽນ “ທີ່ບໍ່ຖືກຕ້ອງ” ທີ່ສະແດງໃຫ້ເຫັນການບໍ່ “ເຄົາລົບສັງຄົມ, ເຄົາລົບ  ຊາດ ແລະ ສັນຍາລັກຕ່າງໆ ຂອງລັດເຊຍ” ແລະ ບັນດາ ການນຳຂອງລັດຖະບານ, ບຸກ ຄົນນັ້ນ ອາດຈະຖືກກັກຕົວ ເປັນເວລາ 15 ວັນ.

ບຸກຄົນທີ່ລົງຂ່າວປອມ ອາດຈະຖືກປັບໄໝເປັນເງິນ ແຕ່ 45 ຫາ 75 ໂດລາສະຫະລັດ, ສ່ວນນິຕິບຸກຄົນອາດຈະຖືກລົງໂທດໜັກກວ່າ, 15.000 ໂດລາສະຫະລັດ.

- lattana 1 - ລັດເຊຍຄົ້ນຄວ້າຮ່າງກົດໝາຍການແຜ່ກະຈາຍຂ່າວປອມ

ກົດໝາຍຕ້ານຂ່າວປອມສະບັບດັ່ງກ່າວ ຈະມີຜົນບັງ ຄັບໃຫ້ບັນດາບໍລິສັດຜູ້ປະກອບການດ້ານ ອີນເຕີແນັດຕ້ອງໄດ້ກວດກາເນື້ອໃນຂ່າວທີ່ “ ແຕະຕ້ອງເຖິງກຽດສັກ  ສີ ແລະ ຄຸນຄ່າທາງດ້ານຄຸນ ສົມບັດຂອງບຸກຄົນ ”. “ຂ່າວປອມ” ຖືກນິຍາມວ່າ: ແມ່ນ ຂໍ້ມູນຂ່າວສານທີ່ບໍ່ໄດ້ຜ່ານ ການກວດກາ ແລະ ຢັ້ງຢືນ ຊຶ່ງເປັນການຂົ່ມຂູ່ຕໍ່ຊີວິດ, ສຸຂະພາບ ແລະ ຊັບສິນຂອງ ຄົນອື່ນ, ອັນໄດ້ສ້າງຄວາມ ບໍ່ສະຫງົບໃຫ້ສັງຄົມ ຫຼື ອາດ ຈະສົ່ງຜົນກະທົບຕໍ່ພື້ນຖານ ໂຄງລ່າງທີ່ຈຳເປັນ, ການບໍລິ ການສັງຄົມ, ຄົມມະນາຄົມ, ບັນດາອົງກອນສິນເຊື່ອ, ພະ ລັງງານ, ອຸດສາຫະກຳ ແລະ ບັນດາພື້ນຖານວັດຖຸຂ່າວ ສານຕ່າງໆ.

ກົດໝາຍທີ່ກ່າວມານັ້ນ, ມັນແມ່ນບາດກ້າວໃໝ່ຫຼ້າສຸດຂອງລັດຖະບານລັດເຊຍ ເພື່ອ ແນໃສ່ຄວບຄຸມບັນດາເນື້ອໃນອີນເຕີແນັດ, ສື່ສັງຄົມ. ນັກກົດ ໝາຍຂອງລັດເຊຍ Leonid Levin, ຜູ້ພິພາກສາກົດໝາຍ ຕ້ານຂ່າວປອມເນັ້ນວ່າ: ໃນ ເມື່ອຫາກມີຂໍ້ມູນຂ່າວສານ ສ້າງຄວາມອັນຕະລາຍ ແລະ ຂົ່ມຂູ່ສັງຄົມ “ຕ້ອງສະກັດກັ້ນ ມັນຢ່າງທັນການ ອັນນັ້ນເປັນ ສິ່ງທີ່ຈຳເປັນທີ່ສຸດ”./.

error: Content is protected !!