ເຢຍລະ​ມັນສືບ​ຕໍ່ສະໜັບ​ສະ​ໜູນ 4 ລ້ານ​ເອີ​ໂຣພັດທະນາ​ອາຊີວະ​ສຶກສາ​ຢູ່​ລາວ.

- advert banner 728 90 728x90 - ເຢຍລະ​ມັນສືບ​ຕໍ່ສະໜັບ​ສະ​ໜູນ 4 ລ້ານ​ເອີ​ໂຣພັດທະນາ​ອາຊີວະ​ສຶກສາ​ຢູ່​ລາວ.

ໃນວັນທີ 23 ສິງຫານີ້, ທ່ານ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນໄດ້​ພົບ​ປະ​ກັບທ່ານ ເຢນ ລຸດເຄນແຮມ ເອກອັກຄະລັດຖະທູດເຢຍລະມັນປະຈໍາລາວ ​ເພື່ອ​ຫາລື​ການປະຕິບັດໂຄງການພັດທະນາອາຊີວະສຶກສາ ສປປ ລາວ ໄລຍະ 2 (VELA) ທີ່​ລັດຖະບານ​​ເຢຍລະ​ມັນ​​ໃຫ້ການ​ສະ​ໜັບ​ສະ​ໜູນຈໍານວນ 4 ລ້ານ​ເອີ​ໂຣ, ​ໂດຍມີກະຊວງສຶກສາທິການ ແລະ ກິລາ, ກະຊວງແຜນການ ແລະ ການລົງທຶນ ​ແລະ ສະພາການຄ້າ ແລະ ອຸດສາຫະກໍາແຫ່ງຊາດ ​​ເປັນ​ຜູ້​ປະຕິບັດຮ່ວມກັບອົງການ​ຊ່ວຍ​ເຫລືອ​ຂ​ອງ​ເຢຍລະ​ມັນ GIZ.

- new3 - ເຢຍລະ​ມັນສືບ​ຕໍ່ສະໜັບ​ສະ​ໜູນ 4 ລ້ານ​ເອີ​ໂຣພັດທະນາ​ອາຊີວະ​ສຶກສາ​ຢູ່​ລາວ.

  ນັບແຕ່ປີ 2014 ເປັນຕົ້ນມາ, ໂຄງການ VELA ໄດ້ສະຫນັບສະຫນູນວິທະຍາໄລອາຊີວະສຶກສາ 6 ແຫ່ງ ແລະ ບໍລິສັດຄູ່ຮ່ວມງານຈໍານວນ 50 ແຫ່ງຢູ່ແຂວງຈໍາປາສັກ, ຫລວງພະບາງ, ຄໍາມ່ວນ, ວຽງຈັນ ແລະ ນະຄອນຫລວງວຽງຈັນ ​ເພື່ອພັດທະນາ ແລະ ປະຕິບັດຫລັກສູດອາຊີວະສຶກສາແບບຄວບຄູ່ (ອສຄ) ໃນສາຂາກະສິກໍາ, ບໍລິການອາຫານ/ເຄື່ອງດື່ມ ແລະ ປຸງແຕ່ງອາຫານແບບມືອາຊີບ ແລະ ຊ່າງສ້ອມແປງລົດຍົນ, ມີນັກສຶກສາກວ່າ 700 ຄົນໄດ້ຮັບປະໂຫຍດຈາກການຮຽນວີ​ຊາ​ຊີບດັ່ງກ່າວ ແລະ ໄດ້ຮັບ​ໂອກາດ​ເຮັດ​ວຽກຢູ່​ບັນດາຫົວໜ່ວຍ​ການ​ຜະລິດ, ປຸ່ງ​ແຕ່ງ ​ແລະ ບໍລິການ​ຕ່າງໆ.

  ອາຊີວະສຶກສາແບບຄວບຄູ່, ເປັນຮູບແບບການຝຶກອົບຮົມ​ໃນໂຮງຮຽນ 50% ​ແລະ ອີກ 50% ​ແມ່ນການ​ເຮັດ​ວຽກຕົວຈິງໃນສະຖານປະກອບການ, ຊຶ່ງ​ຮູບ​ແບບ​ນີ້​ສາມາດຊ່ວຍ​ໃຫ້ສະຖານປະກອບການໄດ້ຮັບປະໂຫຍດໂດຍກົງຈາກກໍາລັງແຮງງານທີ່ໄດ້ຮັບການຝຶກອົບຮົມທີ່ດີ.

​ໃນ​ໂອກາດ​ນີ້, ທ່ານທູດເຢຍລະມັນ ໄດ້ສະແດງຄວາມຊົມເຊີຍກະຊວງສຶກສາທິການ ແລະ ກິລາ, ກະຊວງແຜນການ ແລະ ການລົງທຶນ ແລະ ສະພາການຄ້າ ແລະ ອຸດສາຫະກໍາແຫ່ງຊາດລາວ ທີ່​ໄດ້​ເອົາ​ໃຈ​ໃສ່​ຕໍ່​ການ​ປະຕິບັດ​ໂຄງ​ການ​ນີ້​​ໃຫ້​ນັບ​ມື້​ມີ​ຜົນ​ສໍາ​ເລັດ​​ເປັນ​ກ້າວໆ ແລະ ສາມາດຕອບສະຫນອງຄວາມຕ້ອງການຂອງຕະຫລາດແຮງງານລາວດີຂຶ້ນ.

- lattana 1 - ເຢຍລະ​ມັນສືບ​ຕໍ່ສະໜັບ​ສະ​ໜູນ 4 ລ້ານ​ເອີ​ໂຣພັດທະນາ​ອາຊີວະ​ສຶກສາ​ຢູ່​ລາວ.

ໂຄງການ VELA ໄລຍະ 2 ໄດ້ເລີ່ມປະຕິບັດມາ​ແຕ່ເດືອນກຸມພາ 2019 ຮອດເດືອນມັງກອນ 2022.

error: Content is protected !!