ພົບເຫັນເຈົ້າຂອງຈົດໝາຍລອຍທະເລເປັນເວລາ 50 ປີ

- advert banner 728 90 728x90 - ພົບເຫັນເຈົ້າຂອງຈົດໝາຍລອຍທະເລເປັນເວລາ 50 ປີ
- 349 - ພົບເຫັນເຈົ້າຂອງຈົດໝາຍລອຍທະເລເປັນເວລາ 50 ປີ
- 65974 - ພົບເຫັນເຈົ້າຂອງຈົດໝາຍລອຍທະເລເປັນເວລາ 50 ປີ

ຮຽບຮຽງໂດຍ: ລູກເມືອງພວນ

- new3 - ພົບເຫັນເຈົ້າຂອງຈົດໝາຍລອຍທະເລເປັນເວລາ 50 ປີ

ອາດີດຫົວໜ້າໜ່ວຍກຳປັ່ນຂອງລັດເຊຍ Botsanenko ປຶ້ມຕັນໃຈໃນເມື່ອເຫັນຈົດໝາຍຢູ່ໃນກວດແກ້ວເປັນຂອງຕົນເອງ ທີ່ພົບເຫັນດ້ວຍຊາວອາເມລິກາຄົນໜຶ່ງຢູ່ທີ່ຊາຍຝັ່ງທະເລ Alaska ໃນຕົ້ນເດືອນສິງຫານີ້.

ພໍ່ເຖົ້າ Anatoly Botsanenko, ອາຍຸ 86 ປີ, ຈົນສະອື້ນໃນເມື່ອເຫັນນັກຂ່າວໂທລະພາບແຫ່ງຊາດລັດເຊຍ ນຳເອົາຮູບພາບຈົດໝາຍໃນກວດແກ້ວທີ່ຕົນໄດ້ຂຽນໄວ້ ແລະ ໄດ້ຖິ້ມລົງທະເລກ່ອນໜ້ານີ້ 50 ປີມາໃຫ້ເບິ່ງ ຊຶ່ງພົບເຫັນໂດຍຊາວອາເມລິກັນຄົນໜຶ່ງໃນຕົ້ນເດືອນສິງຫານີ້.

ພໍ່ເຖົ້າສະທ້ານຂຶ້ນວ່າ: “ ເບິ່ງຕົວໜັງສືແລ້ວ ຄືກັບຕົວໜັງສືຂອງຂ້ອຍແທ້. ແມ່ນແລ້ວ ! ນີ້ແມ່ນໜ່ວຍເຮືອຫາປາ E-I-F-F ຂອງໂຮງງານອຸດສາຫະກຳປາ ພາກຕາເວັນອອກ ! ” .

ທ່ານ Tyler Ivanoff ເປັນຄູຝຶກສອນກີລາບານບ້ວງຂອງລັດ Alaska ໄດ້ພົບເຫັນຈົດໝາຍດັ່ງກ່າວໃນວັນທີ 5 ສິງຫານີ້, ໃນຂະນະທີ່ທ່ານກຳລັງຫາຟືນຕາມແຄມທະເລ, ຫ່າງຈາກໝູ່ບ້ານ Shishmaref 32 ກມໄປທາງທິດຕາເວັນຕົກ. ຈົດໝາຍດັ່ງກ່າວຍັງຢູ່ໃນສະພາບເດີມ, ເຂົາໄດ້ໃຊ້ແຂ້ວ ແລະ ເຫຼັກຜັນຈຶ່ງສາມາດໄຂຝາກວດແກ້ວໄດ້. ຍ້ອນເຫັນວ່າຕົວໜັງສືເປັນຕົວໜັງສືຂອງລັດເຊຍ, ຈຶ່ງໄດ້ຖ່າຍຮູບເອົາ, ແລ້ວ ເອົາລົງໃນໜ້າເຟສບຸກ ເພື່ອໃຫ້ຜູ້ທີ່ຮູ້ພາສາລັດເຊຍແປໃຫ້. ພຽງສອງສາມມື້ເທົ່ານັ້ນ, ມີຜູ້ແຊຣຕໍ່ເຖິງ 1,4 ພັນເທື່ອຄົນ ແລະ 2.000 ກົດໄລ້. ຜ່ານການແປໃຫ້ຮູ້ວ່າ: ລູກເຮືອ Sulak ຂອງລັດເຊຍຄົນໜຶ່ງໄດ້ຂຽນຈົດໝາຍກ້ານດັ່ງກ່າວໃນວັນທີ 20 ມິຖຸນາ 1969.

ຈົດໝາຍຂຽນວ່າ: “ ຂໍສະແດງຄວາມຮັກແພງຈາກກຳປັ່ນແມ່ VRXF Sulak ທີ່ຂຶ້ນກັບໜ່ວຍກຳປັ່ນພາກຕາເວັນອອກໄກຂອງລັດເຊຍ. ສະບາຍດີຜູ້ທີ່ພົບເຫັນກວດແກ້ວນີ້ ຫວັງວ່າທ່ານຈະສົ່ງທີ່ຢູ່ Vladivostok -43 BRXF Sulak ນີ້ໄປຍັງລູກເຮືອທຸກຄົນ ”

- lattana 1 - ພົບເຫັນເຈົ້າຂອງຈົດໝາຍລອຍທະເລເປັນເວລາ 50 ປີ

ເລືອງລາວຂອງ Ivanoff ໄດ້ຖືກຕີແຜ່ອອກໄປຢ່າງໄວວາ ຈົນສ້າງຄວາມສົນໃຈໃຫ້ສຳນັກງານຂ່າວສານຂອງລັດເຊຍ, ຍ້ອນມີ ລະບົບອີນເຕີແນັດ ແລະ ເຄືອຂ່າຍສື່ສັງຄົມອອນລາຍ ຈຶ່ງສາມາດຊອກຫາເຈົ້າຂອງຈົດໝາຍໄດ້, ນັ້ນຄືຫົວໜ້າກຳປັ່ນຊາວລັດເຊຍ Botsanenko.

ພໍ່ເຖົ້າ Botsanenko ປັດຈຸບັນດຳລົງຊີວິດຢູ່ເມືອງ Sevastopol ໃນເກາະ Crimea. ພໍ່ເຖົ້າ Botsanenko ຕິດພັນກັບກຳປັ່ນ Sulak ແຕ່ເມື່ອມັນຍັງຜະລິດຢູ່ໃນໂຮງງານປີ 1966 ແລະ ເປັນຜູ້ບັງຄັບບັນຊາມັນຈົນເຖິງປີ 1970.

ພໍ່ເຖົ້າກ່າວວ່າ: “ຂ້ອຍເປັນຫົວໜ້າກຳປັ່ນທີ່ໜຸ່ມກ່ວາໝູ່ໃນມະຫາສະມຸດປາຊີຟິກ, ເວລານັ້ນມີອາຍຸພຽງ 33 ປີ”

ບໍ່ຮູ້ວ່າທ່ານ Ivanoff ຈະສົ່ງຂ່າວ ແລະ ຈະສົ່ງຈົດໝາຍກ້ານດັ່ງກ່າວຄືນໃຫ້ພໍ່ເຖົ້າ Botsanenko ຫຼືບໍ່. ເຖິງຢ່າງໃດກໍດີ, ການພົບເຫັນແບບນີ້, ຢ່າງໜ້ອຍກໍໄດ້ສ້າງຄວາມຕື້ນຕັນໃຈໃຫ້ແກ່ຫຼາຍຄົນ.

error: Content is protected !!