ເຄັດລັບການໄປທ່ຽວຄົນດຽວຢ່າງປອດໄພ ແລະ ບໍ່ໝົດມ່ວນ

- advert banner 728 90 728x90 - ເຄັດລັບການໄປທ່ຽວຄົນດຽວຢ່າງປອດໄພ ແລະ ບໍ່ໝົດມ່ວນ

     – ຂໍ້ດີຂອງການທ່ຽວຄົນດຽວ :

- new3 - ເຄັດລັບການໄປທ່ຽວຄົນດຽວຢ່າງປອດໄພ ແລະ ບໍ່ໝົດມ່ວນ
-  - ເຄັດລັບການໄປທ່ຽວຄົນດຽວຢ່າງປອດໄພ ແລະ ບໍ່ໝົດມ່ວນ

    ເມື່ອເຖິງມື້ພັກຍາວກໍຕ້ອງອອກໄປທ່ອງທ່ຽວກັນແນ່ ຍິ່ງປະຈຸບັນນີ້ການວາງແຜນເດີນທາງທ່ອງທ່ຽວເປັນເລື່ອງງ່າຍ ທັງການຫາຂໍ້ມູນແຫ່ລງທ່ອງທ່ຽວ, ການຈອງປີ້ລົດ- ປີ້ເຮືອບິນ, ຈອງໂຮງແຮມຕ່າງໆກໍງ່າຍພຽງແຕ່ປາຍນິ້ວມືກົດ, ແຕ່ສິ່ງທີ່ຍາກກໍແມ່ນການຫາໝູ່ຮ່ວມທ່ອງທ່ຽວໄປນຳ. ຫລາຍຄົນມັກການທ່ອງທ່ຽວກັບໝູ່  ແຕ່ບາງເທື່ອທຸກຢ່າງກໍບໍ່ເປັນໃຈໃຫ້ໄປນຳກັນ ຈະ ນັດໂຮມໂຕໃຫ້ພ້ອມກັນກໍຍາກຫລາຍ, ຜູ້ນັ້ນຄາວຽກສຳຄັນ ຜູ້ນີ້ມີເລື່ອງຕ້ອງໃຊ້ເງິນກະທັນຫັນ ເຮັດໃຫ້ແຜນທ່ອງທ່ຽວຕ້ອງເລື່ອນຈົນບໍ່ໄດ້ໄປ. ຖ້າແບບນີ້ອາດຈະຕ້ອງເຖິງເວລາໄປທ່ຽວຄົນດຽວດ້ວຍໂຕທ່ານເອງເບິ່ງແລ້ວ ເຖິງຈະຟັງເບິ່ງເຫງົາໆ ແຕ່ຄວາມຈິງແລ້ວ ການທ່ຽວຄົນດຽວຈະຊ່ວຍສ້າງຄວາມໝັ້ນໃຈໃຫ້ໂຕເຮົາເພີ່ມຂຶ້ນ, ຮູ້ສຶກເປັນອິດສະຫລະ, ຢາກໄປໃສກໍໄປໄດ້, ບໍ່ຕ້ອງລໍຖ້າໃຜ ແລ້ວຍັງເຮັດໃຫ້ເຮົາເປັນຄົນທີ່ຮອບຄອບຫລາຍຂຶ້ນ ເມື່ອຕ້ອງເພິ່ງພາໂຕເອງ ສິ່ງສຳຄັນແມ່ນເຮັດໃຫ້ເຮົາໄດ້ເຊື່ອມຊຶມບັນຍາກາດການທ່ອງທ່ຽວໄດ້ຢ່າງເຕັມອີ່ມ ແລະ ໄດ້ພົບໝູ່ໃໝ່ໆນຳອີກ.

- 062608 2019 - ເຄັດລັບການໄປທ່ຽວຄົນດຽວຢ່າງປອດໄພ ແລະ ບໍ່ໝົດມ່ວນ

    ແຕ່ກ່ອນຈະເກັບກະເປົ໋າ ມາກຽມພ້ອມດູແລໂຕເອງກ່ອນສາຍດ່ຽວ ດ້ວຍ 11 ເຄັດລັບດູແລໂຕເອງເມື່ອໄປທ່ຽວຄົນດຽວຕໍ່ໄປນີ້ :

     – ກຽມເງິນໃຫ້ພ້ອມ ທັງເງິນສົດ, ບັດເອທີເອັມ, ບັດເຄຣດິດ : ໄປຄົນດຽວ ເງິນໝົດແລ້ວຈະໄປຢືມໃຜກໍບໍ່ໄດ້ ດັ່ງນັ້ນເຮົາຕ້ອງກຽມໄປໃຫ້ພ້ອມ ເພື່ອໃຊ້ຊື້ສິ່ງຂອງໃນຕະຫລາດ, ຮ້ານແຄມທາງ ໃຫ້ມີທັງເງິນສົດ ແລະ ບັດເອທີເອັມ ລວມທັງບັດເຄຣດິດ ໃນກໍລະນີທີ່ຮ້ານຮັບບັດເຄຣດິດ ເຮົາກໍເລືອກໃຊ້ບັດເຄຣດິດຊື້ເຄື່ອງດີກ່ວາ ເຊິ່ງເໝາະສົມກັບມື້ທ້າຍໆທີ່ເງິນສົດເຫລືອໜ້ອຍແລ້ວ ທັງຍັງອາດໄດ້ຮັບສ່ວນຫລຸດ ຫລື ຄະແນນສະສົມຕ່າງໆນຳອີກ.

     – ກິນ ແລະ ດື່ມສຳຄັນ ແຊບແລ້ວຢ່າລືມດູແລສຸຂະພາບ : ເຖິງວ່າຈະກິນ – ດື່ມຕາມໃຈໂຕເອງໄດ້ຢ່າງເຕັມທີ່ຫລາຍປານໃດໃນມື້ພັກ ແນວໃດກໍຕ້ອງດູແລສຸຂະພາບນຳ ຄວນເລືອກອາຫານທີ່ມີປະໂຫຍດຕໍ່ສຸຂະພາບ, ເນັ້ນຜັກ ແລະ ໝາກໄມ້. ສ່ວນເຂົ້າໜົມຫວານ – ອາຫານຈືນຕ່າງໆກໍໃຫ້ຫລຸດລົງ. ນອກຈາກນີ້ ບໍ່ຄວນອົດເຂົ້າ ແລະ ເລືອກດື່ມນຳ້ອຸ່ນ, ດື່ມນົມສົ້ມ, ໂຢເກິດ ເພື່ອຊ່ວຍ ດູແລເລື່ອງລະບົບຂັບຖ່າຍໃຫ້ເປັນປົກກະຕິ.

     – ດື່ມນຳ້ບໍລິສຸດດີກ່ວາ : ລາຄາຖືກ ແລະ ມີປະໂຫຍດກ່ວານຳ້ອັດລົມ ຫລື ນຳ້ຫວານ ເພາະນອກຈາກຈະບໍ່ມີນຳ້ຕານ ແລະ ໄຂມັນໃນຮ່າງກາຍແລ້ວ ຍັງຊ່ວຍໃຫ້ເຮົາຮູ້ສຶກສົດຊື່ນ, ຊ່ວຍຫລຸດອາການຂາດນຳ້ເມື່ອຕ້ອງຢູ່ກາງແຈ້ງເປັນເວລາດົນ.

     – ຫລີກເວັ້ນການດື່ມສິ່ງມຶນເມົາ: ໄປທ່ຽວຄົນດຽວ ຫາກບໍ່ມີສະຕິໃນການທ່ອງທ່ຽວຈະເປັນອັນຕະລາຍແນ່ນອນ ແລະ ອານກໍຮໍນັ້ນກໍເປັນໂຕເລັ່ງທີ່ເຮັດໃຫ້ເຮົາຂາດສະຕິໄດ້ງ່າຍທີ່ສຸດ, ແຕ່ຫາກຢາກດື່ມແທ້ໆກໍຄວນດື່ມແຕ່ພໍດີພໍງາມ ຢ່າປ່ອຍໃຫ້ໂຕເອງເມົາຈົນບໍ່ຮູ້ໂຕ.

     – ເປັນຄົນແພ້ອາຫານ ເຮັດແນວໃດເມື່ອໄປທ່ຽວຕ່າງປະເທດ : ທ່ານຄວນມີປຶ້ມທີ່ຈົດປະໂຫຍກ ແລະ ຄຳສັບເປັນພາສາຂອງປະເທດທີ່ທ່ານຈະໄປໄວ້ ທັງອາຫານທີ່ຢາກກິນ, ອາຫານທີ່ເຮົາແພ້ ເພື່ອໃຫ້ທາງຮ້ານອາຫານໄດ້ເຂົ້າໃຈ ແຕ່ເຖິງແນວໃດກໍຄວນເອົາຢາແກ້ແພ້ທີ່ກິນປະຈຳໄປນຳເພື່ອຄວາມປອດໄພ.

- lattana 1 - ເຄັດລັບການໄປທ່ຽວຄົນດຽວຢ່າງປອດໄພ ແລະ ບໍ່ໝົດມ່ວນ

     – ເອົາຢາປະຈຳໂຕໄປນຳ : ບໍ່ວ່າຈະໄປໃສ ກໍຄວນມີຢາປະຈຳໂຕ ຫລື ຢາທົ່ວໄປ ເຊັ່ນ : ຢາແກ້ເມົາລົດ, ຢາແກ້ວິນຫົວ, ຢາແກ້ເຈັບທ້ອງ, ພາສເຕີຕິດບາດແຜ, ຄວນເປັນຢາຊະນິດເມັດທີ່ເອົາໄປນຳໄດ້.

     – ແວ່ນຕາກັນແດດ, ຄັນຮົ່ມ, ເສື້ອຄຸມ ຕ້ອງມີຕິດໂຕໄປນຳ : ອາກາດປ່ຽນແປງກະທັນຫັນອາດເຮັດໃຫ້ເຮົາປ່ວຍ, ບໍ່ສະບາຍໂຕ ຈົນທ່ຽວບໍ່ມ່ວນ ດັ່ງນັ້ນຫາກຕ້ອງໄປປະເທດເມືອງໜາວຄວນກຽມເສື້ອກັນໜາວ, ຜ້າພັນຄໍ, ຖົງຕີນ – ຖົງມື ແລະ ຄວນມີຄັນຮົ່ມ, ເສື້ອຄຸມ ຫລື ແວ່ນຕາກັນແດດໄປນຳ.

     – ເຂົ້ານອນຕາມເວລາຂອງປະເທດນັ້ນ :ເຖິງວ່າຈະຍັງບໍ່ທັນຢາກນອນກໍຕາມ ເພື່ອໃຫ້ຮ່າງກາຍໄດ້ປັບໂຕ ແລະ ຄວນພັກຜ່ອນໃຫ້ພຽງພໍ 6 – 8 ຊົ່ວໂມງ.

     – ຫາເວລາອອກກຳລັງກາຍ : ອາດຈະເປັນທ່າບໍລິຫານງ່າຍໆເທິງຕຽງ ຫລື ຈະເອົາເກີບກິລາໄປນຳ ເພື່ອແລ່ນຕາມສວນສາທາລະນະ.

     – ພົບພໍ້ຫຍັງກໍບໍ່ຕ້ອງເຄັ່ງຄຽດ ໃຫ້ຍິ້ມໄວ້ສະເໝີ : ເຖິງວ່າຈະຫລົງທາງ ຫລື ໃຊ້ເງິນເກີນໂຕໄປແດ່ ແຕ່ກໍຍິ້ມໄວ້ ບໍ່ຕ້ອງເຄັ່ງຄຽດ ຄິດວ່າເປັນການຊື້ປະສົບການໃໝ່ໆ, ໄປພໍ້ຫຍັງໃໝ່ໆແບບທີ່ບໍ່ໄດ້ຕັ້ງໃຈໄວ້ກໍມ່ວນໄປອີກແບບໜຶ່ງ.

     – ວາງແຜນແບບເຈ້ຍເຜື່ອໄວ້ : ເຖິງວ່າອິນເຕີເນັດຈະເຮັດໃຫ້ເຮົາເດີນທາງສະດວກ ແຕ່ຖ້າຍາມໃດທີ່ອິນເຕີເນັດໃຊ້ງານບໍ່ໄດ້ຂຶ້ນມາ ແຜນຕ່າງໆອາດຈະພັງລົງກໍເປັນໄດ້ ສະນັ້ນຄວນວາງແຜນຈົດໃສ່ປື້ມບັນທຶກ ເຊັ່ນ: ຂໍ້ມູນສຳຄັນ, ບ່ອນຢູ່, ເບີໂທ, ເລກພາສປອດ ກໍອຸ່ນໃຈຂຶ້ນມາໄດ້.

error: Content is protected !!