ລາວ-ທະນາຄານໂລກຫາລືວຽກງານຈົດທະບຽນ ແລະ ສະຖິຕິພົນລະເມືອງ

- advert banner 728 90 728x90 - ລາວ-ທະນາຄານໂລກຫາລືວຽກງານຈົດທະບຽນ ແລະ ສະຖິຕິພົນລະເມືອງ

ເມື່ອທ້າຍອາທິດຜ່ານມານີ້, ເຈົ້າຫນ້າທີ່ຈາກຂະແໜງການຍຸຕິທໍາ, ປ້ອງກັນຄວາມ ສະຫງົບ, ການຕ່າງປະເທດ, ແຜນການ ແລະ ການລົງທຶນ, ສຶກສາ ແລະ ກິລາ, ສາ ທາລະສຸກ, ແຮງງານ ແລະ ສະຫວັດດີການສັງຄົມ ແລະ ຜູ້ຕາງຫນ້າຈາກທະນາຄານ ໂລກປະຈໍາລາວ ໄດ້ຮ່ວມຫາລືການຈັດຕັ້ງປະຕິບັດຍຸດທະສາດວຽກງານການຈົດ ທະບຽນ ແລະ ສະຖິຕິພົນລະເມືອງ 2016-2025 ເພື່ອແນໃສ່ໃຫ້ບັນດາຂະແຫນງການ ກ່ຽວຂ້ອງຂອງລາວນັບແຕ່ສູນກາງຮອດທ້ອງຖິ່ນມີຄວາມຮັບຮູ້ເຂົ້າໃຈເລິກເຊິ່ງຂຶ້ນ ຕື່ມກ່ຽວກັບການປະຕິບັດຍຸດທະສາດດັ່ງກ່າວໃຫ້ມີຄວາມເປັນເອກະພາບ ແລະ ມີປະ ສິດທິຜົນ ເພື່ອອໍານວຍຄວາມສະດວກໃຫ້ປະຊາຊົນບັນດາເຜົ່າສາມາດເຂົ້າເຖິງການ ບໍລິການຂອງພາກລັດໃນການຈົດທະບຽນຄອບຄົວໄດ້ທົ່ວເຖິງ. ພະນັກງານກະຊວງພາຍໃນ ໃຫ້ຮູ້ວ່າ: ວຽກງານຈົດທະບຽນ ແລະ ສະຖິຕິ ພົນລະເມືອງ ແມ່ນມີຄວາມສໍາຄັນຫລາຍຕໍ່ການຕິດຕາມທາງດ້ານຈໍານວນ ປະຊາກອນ, ການເຄື່ອນຍ້າຍ ແລະ ການສ້າງຄອບຄົວຂອງພົນລະເມືອງ ລວມເຖິງ ການວາງແຜນຄຸ້ມຄອງພົນລະເມືອງເຊື່ອມສານເຂົ້າໃນແຜນພັດທະນາເສດຖະກິດ ສັງຄົມໃນແຕ່ລະໄລຍະ, ແຕ່ມາຮອດປັດຈຸບັນ, ການຈັດຕັ້ງປະຕິ ບັດວຽກງານດັ່ງກ່າວຍັງບໍ່ທັນເປັນເອກະພາບກັນລະຫວ່າງສູນກາງ ແລະ ທ້ອງຖິ່ນ, ເຊິ່ງເກີດຈາກຄວາມເຂົ້າໃຈຕໍ່ວຽກງານດັ່ງກ່າວຂອງແຕ່ລະຂະແຫນງການຍັງບໍ່ເລີກ ເຊິ່ງ ນອກນີ້ບັນດານິຕິກໍາເພື່ອຄຸ້ມຄອງວຽກງານນີ້ກໍຍັງບໍ່ທັນຮັດກຸມເທົ່າທີ່ຄວນ, ຊຶ່ງ ໃນຕໍ່ຫນ້ານີ້ ຈະໄດ້ສ້າງ ແລະ ປັບປຸງກົດຫມາຍ, ນິຕິກໍາ ໃນການຄຸ້ມຄອງວຽກງານຈົດ ທະບຽນ ແລະ ສະຖິຕິໃຫ້ຮັດກນດີກວ່າເກົ່າ ເພື່ອໃຫ້ວຽກງານດັ່ງກ່າວເຂົ້າສູ່ລະບົບ ແລະ ປະຕິບັດຢ່າງເປັນເອກະພາບ ແລະ ມີປະສິດທິຜົນ. ກອງປະຊຸມນີ້, ໂດຍການເປັນປະທານຂອງທ່ານ ສີສຸກ ວົງພັກດີ ຮອງລັດຖະມົນຕີ ກະຊວງພາຍໃນ ແລະ ທ່ານ ນິກໂກລາ ພອນຕາລາ ຫົວຫນ້າທະນາຄານໂລກປະຈໍາລາວ.

- new3 - ລາວ-ທະນາຄານໂລກຫາລືວຽກງານຈົດທະບຽນ ແລະ ສະຖິຕິພົນລະເມືອງ
- lattana 1 - ລາວ-ທະນາຄານໂລກຫາລືວຽກງານຈົດທະບຽນ ແລະ ສະຖິຕິພົນລະເມືອງ
error: Content is protected !!