ຢູ​ນີ​ເທວ​ຈະ​ມອບ​ທຶນ​ການ​ສຶກ​ສາ​ໃຫ້​ແກ່​ນ້ອງໆ​ນັກ​ຮຽນ​ທີ່​ທຸກ​ຍາກ​ຂາດ​ເຂີນ

- advert banner 728 90 728x90 - ຢູ​ນີ​ເທວ​ຈະ​ມອບ​ທຶນ​ການ​ສຶກ​ສາ​ໃຫ້​ແກ່​ນ້ອງໆ​ນັກ​ຮຽນ​ທີ່​ທຸກ​ຍາກ​ຂາດ​ເຂີນ

ຕະຫຼອດໄລຍະ 10 ປີຜ່ານມາ ບໍລິສັດ ສະຕາ ໂທລະຄົມ ຈໍາກັດ (ຢູນິເທວ) ນອກຈາກໄດ້ເອົາໃຈໃສ່ພັດທະນາຕົນເອງໃຫ້ເຕີບໃຫຍ່ເຂັ້ມແຂງເປັນໜຶ່ງໃນບໍລິສັດທີ່ ເຮັດວຽກງານບໍລິການໂທລະຄົມໃນລາວແລ້ວ, ເພິ່ນຍັງໄດ້ເລັງເຫັນ ແລະ ຖືສຳຄັນອີກວຽກງານໜຶ່ງໃນການປະກອບສ່ວນຊ່ວຍເຫຼືອ ສັງຄົມໂດຍສະເພາະແມ່ນວຽກງານການສຶກສາຂອງລາວເພື່ອແນໃສ່ການພັດທະນາຊັບພະຍາກອນມະນຸດ, ຍົກສູງຄວາມຮູ້ຄວາມສາມາດຂອງນັກຮຽນ, ນັກສຶກສາກໍຄືລູກຫຼານຂອງປະຊາຊົນບັນດາເຜົ່າຜູ້ດ້ອຍໂອກາດໃນເຂດຊົນນະບົດຫ່າງໄກສອກຫຼີກຕ່າງໆ ເພື່ອເປັນກຳລັງແຮງປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດໃຫ້ມີຄວາມຈະເລີນສີວິໄລ.

- new3 - ຢູ​ນີ​ເທວ​ຈະ​ມອບ​ທຶນ​ການ​ສຶກ​ສາ​ໃຫ້​ແກ່​ນ້ອງໆ​ນັກ​ຮຽນ​ທີ່​ທຸກ​ຍາກ​ຂາດ​ເຂີນ
- 8855 1 - ຢູ​ນີ​ເທວ​ຈະ​ມອບ​ທຶນ​ການ​ສຶກ​ສາ​ໃຫ້​ແກ່​ນ້ອງໆ​ນັກ​ຮຽນ​ທີ່​ທຸກ​ຍາກ​ຂາດ​ເຂີນ
- f0f824dd e34f 408e 8c7d f58b15426bd6 - ຢູ​ນີ​ເທວ​ຈະ​ມອບ​ທຶນ​ການ​ສຶກ​ສາ​ໃຫ້​ແກ່​ນ້ອງໆ​ນັກ​ຮຽນ​ທີ່​ທຸກ​ຍາກ​ຂາດ​ເຂີນ

ດັ່ງຈຸດປະສົງຂອງຢູ່ນີເທວໃຫ້ຮູ້ວ່າ: ໃນ 10 ປີຜ່ານມາບໍລິສັດຂອງຕົນຍາມໃດກໍຢູ່ຄຽງຄູ່ກັບສັງຄົມລາວຕະຫຼອດມາ, ບົນຈິດໃຈຄວາມສາມັກຄີຮັກແພງຊ່ວຍເຫຼືອຊຶ່ງກັນແລະກັນໃນຫຼາຍໆໂຄງການໃຫຍ່ນ້ອຍຕ່າງໆ, ນັບທັງການຊ່ວຍເຫຼືອປະຊາຊົນຜູ້ທຸກຍາກຂາດເຂີນ, ຜູ້ປະສົບໄພທຳມະຊາດ, ຕອບສະໜອງເງື່ອນໄຂການຜະລິດ, ຕິດພັນກັບການສົ່ງເສີມການສຶກສາດ້ວຍຫຼາຍໆຮູບແບບຄື: ການຕອບສະໜອງລະບົບອິນເຕີເນັດໃຫ້ໂຮງຮຽນ 1.000 ແຫ່ງໃນທົ່ວປະເທດນໍາໃຊ້ໂດຍບໍ່ເສຍຄ່າ, ເພື່ອໃຫ້ເດັກນ້ອຍ, ນັກຮຽນໄດ້ຮັບໂອກາດຮຽນຮູ້ສິ່ງທີ່ມີປະໂຫຍດຕໍ່ຊີວິດຂອງຕົນເອງ ແລະ ເປີດໂລກກວ້າງສູ່ຄວາມທັນສະໄໝຂອງເຕັກໂນໂລຊີຂໍ້ມູນຂ່າວສານ ແລະ ຄວາມກ້າວໜ້າຂອງໂລກໃນປັດຈຸບັນຜ່ານລະບົບອິນເຕີເນັດຂອງຢູນີເທວໄດ້ຢ່າງມີປະສິດທິຜົນ, ເປົ້າໝາຍກໍເພື່ອສ້າງໃຫ້ເດັກນ້ອຍໃນວັນນີ້ໄດ້ກາຍເປັນຜູ້ໃຫຍ່ທີ່ມີຄວາມຮູ້ຄວາມສາມາດ, ມີຄວາມສະຫຼາດຫຼັກແຫຼມກາຍເປັນຊັບພະຍາກອນມະນຸດທີ່ມີຄຸນນະພາບປະກອບສ່ວນເຂົ້າໃນການສ້າງສາພັດທະນາປະເທດ ຊາດຂອງຕົນໃຫ້ຈະເລີນກ້າວໜ້າ.

ປີ 2019 ນີ້ຖືເປັນອີກປີໜຶ່ງທີ່ມີຄວາມໝາຍສໍາຄັນຍິ່ງເພາະເປັນປີຄົບຮອບ 10 ປີແຫ່ງວັນສ້າງຕັ້ງເຄື່ອງໝາຍການຄ້າ “ຢູນີເທວ” ແລະ ເພື່ອເປັນການສະເຫຼີມສະຫຼອງຜົນສຳເລັດດັ່ງກ່າວ ຢູນີເທວໄດ້ເລັ່ງມອບທຶນການສຶກສາໃຫ້ແກ່ນ້ອງໆນັກຮຽນທີ່ທຸກຍາກຂາດເຂີນ ໃນລະດັບມັດທະຍົມຕອນຕົ້ນ ແລະ ມັດທະຍົມຕອນປາຍຈໍານວນ 148 ທຶນ, ໃນທົ່ວປະເທດພາຍໃຕ້ໂຄງການທີ່ມີຊື່ວ່າ:“ເຊື່ອມຕໍ່ຊີວິດທີ່ສົດໃສແກ່ນ້ອງ” ໂດຍມີກໍານົດທຶນລະ 2 ລ້ານກີບ ແລະ ຈະໄດ້ແບ່ງອອກເປັນເງິນສົດ 1 ລ້ານ ກີບ ແລະ ອີກ 1 ລ້ານກີບແມ່ນອຸປະກອນການຮຽນຕ່າງໆ.

- lattana 1 - ຢູ​ນີ​ເທວ​ຈະ​ມອບ​ທຶນ​ການ​ສຶກ​ສາ​ໃຫ້​ແກ່​ນ້ອງໆ​ນັກ​ຮຽນ​ທີ່​ທຸກ​ຍາກ​ຂາດ​ເຂີນ

ເງື່ອນໄຂຂອງຜູ້ຈະໄດ້ຮັບທຶນດັ່ງກ່າວແມ່ນຜູ້ທີ່ມີຖານະຄອບຄົວທຸກຍາກຂາດເຂີນ, ແຕ່ມີຄວາມຕັ້ງໃຈໃນການສຶກສາຮໍ່າຮຽນຄາດວ່າຈະມອບໃຫ້ແກ່ນ້ອງໆນັກຮຽນຕາມເປົ້າໝາຍໃນໄລຍະເປີດສົກຮຽນໃໝ່ 2019 -2020 ນີ້ໃຫ້ມີຄວາມໝາຍ.

error: Content is protected !!