199 ໂຄງການໃນທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50 %

199 ໂຄງການໃນທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50 % - advert banner 728 90 728x90 - 199 ໂຄງການໃນທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50 %

199 ໂຄງການໃນ 34 ເມືອງຂອງ 8 ແຂວງທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50% ໃນລະບົບແຮງດັນ 22 ກິໂລໂວນ ຈາກ 448 ກີບ/ກິໂລວັດ ຍັງເຫລືອ 224 ກີບ/ກິໂລວັດ ຕາມແຈ້ງການຂອງກະຊວງພະລັງງານ ແລະ ບໍ່ແຮງ ສະບັບເລກທີ 2685/ພບ, ລົງວັນທີ 28 ທັນວາ 2018, ເນື່ອງຈາກໂຄງການນິີ້ ເປັນໂຄງການທີ່ໄດ້ຮັບຜົນກະທົບຈາກໄພທໍາມະຊາດໃນປີຜ່ານມາ.

199 ໂຄງການໃນທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50 % - new3 - 199 ໂຄງການໃນທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50 %

ທ່ານ ບຸນຄຳ ສີດາວົງ, ຫົວໜ້າກົມຊົນລະປະທານ, ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ໃນລະຫວ່າງລະດູຝົນປີ 2018 ທີ່ຜ່ານມາ, ລະບົບຊົນລະປະທານໃນຂອບເຂດທົ່ວປະເທດ ໄດ້ຮັບຜົນກະທົບຈາກໄພທໍາມະຊາດ, ລວມທັງໝົດ 650 ໂຄງການ, ຊຶ່ງການຟື້ນຟູຄືນໃໝ່ ແມ່ນຕ້ອງການງົບປະມານສູງເຖິງ 238 ຕື້ກີບ.

ຍ້ອນລັດຖະບານ ມີງົບປະມານຈໍາກັດ ຈຶ່ງອະນຸມັດໃຫ້ຈັດຕັ້ງປະຕິບັດໄດ້ພຽງ 242 ໂຄງການໃນ 11 ແຂວງ, ມູນຄ່າ 35 ຕື້ກີບ, ໂດຍຈໍານວນລະບົບຊົນລະປະທານທີ່ໄດ້ຮັບຜົນກະທົບຈາກໄພທໍາມະຊາດທັງໝົດທົ່ວປະເທດໃນຄັ້ງນີ້ ແມ່ນໄດ້ຜ່ານການຄົ້ນຄ້ວາຮ່ວມກັນຢ່າງລະອຽດ ລະຫວ່າງກົມຊົນລະປະທານ, ກະຊວງກະສິກໍາ ແລະ ປ່າໄມ້, ກະຊວງພະລັງງານ ແລະ ບໍ່ແຮ່, ກະຊວງ ການເງິນ ແລະ ພາກສ່ວນທີ່ກ່ຽວຂ້ອງ, ຊຶ່ງເຫັນວ່າ ມີ 199 ໂຄງການໃນ 34 ເມືອງຂອງ 8 ແຂວງທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າ​ດັ່ງ​ກ່າວ.

199 ໂຄງການໃນທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50 % - lattana 1 - 199 ໂຄງການໃນທົ່ວປະເທດ ໄດ້ຮັບນະໂຍບາຍຫລຸດຄ່າຊໍາລະກະແສໄຟຟ້າລົງ 50 %

ອີງຕາມການຕົກລົງເຫັນດີຂອງລັດຖະບານ, ແມ່ນໃຫ້ເລີ່ມຈັດຕັ້ງປະຕິບັດ ນັບຕັ້ງແຕ່ວັນທີ 1 ມັງກອນ 2019 – ວັນທີ 1 ມັງກອນ 2020.

ສໍາລັບຈໍານວນ 199 ໂຄງການນັ້ນ ປະກອບມີ: ແຂວງຄຳມ່ວນ 8 ເມືອງ 63 ໂຄງການ, ສະຫວັນນະເຂດ 5 ເມືອງ 34 ໂຄງການ, ສາລະວັນ 5 ເມືອງ 30 ໂຄງການ, ບໍລິຄຳໄຊ 2 ເມືອງ 22 ໂຄງການ, ຈຳປາສັກ 7 ເມືອງ 21 ໂຄງການ, ນະຄອນຫລວງວຽງຈັນ 4 ເມືອງ 18 ໂຄງການ, ແຂວງ ວຽງຈັນ 2 ເມືອງ 10 ໂຄງການ ແລະ ແຂວງໄຊຍະບູລີ 1 ເມືອງ 1 ໂຄງການ.

error: Content is protected !!