ລົດຕົກຂົວຕົກເຫວແມ່ນໜຶ່ງໃນເສັ້ນທາງບໍ່ໄດ້ມາດຕະຖານ

- advert banner 728 90 728x90 - ລົດຕົກຂົວຕົກເຫວແມ່ນໜຶ່ງໃນເສັ້ນທາງບໍ່ໄດ້ມາດຕະຖານ
- 26 - ລົດຕົກຂົວຕົກເຫວແມ່ນໜຶ່ງໃນເສັ້ນທາງບໍ່ໄດ້ມາດຕະຖານ

ໂດຍ: ທິດ​ກ່ຳ

- new3 - ລົດຕົກຂົວຕົກເຫວແມ່ນໜຶ່ງໃນເສັ້ນທາງບໍ່ໄດ້ມາດຕະຖານ

ສະພາບ​ຍາມ​ຟ້າ, ຍາມ​ຝົນ​ຢູ່​ບ້ານ​ເຮົາ​ໃນ​ລະດູ​ການ​ນີ້, ມັກ​ຈະ​ໄດ້​ຍິນ​ຫລາຍ​ເຫດ ການ​​ເກີດ​ຂຶ້ນ, ອັນ​ທີ່​ພົ້ນ​ເດັ່ນ​ຄົງ​ໜີ​ບໍ່ພົ້ນກໍ​ແມ່ນ​ສະພາບ​ນ້ຳຖ້ວມ​ຢູ່​ແຕ່ລະ​ທ້ອງ​ຖິ່ນ, ​ເຂດ​ແຂວງ​ຕ່າງໆ​ໃນ​ຂອບ​ເຂດ​ທົ່ວ​ປະ​ເທດ.

​ໄລຍະ​ທິດ​ຫລັງ​ມາ​ນີ້​ແມ່ນ​ຢູ່​ກະ​ໂຕ​ນະຄອນຫລວງ​ວຽງ​ຈັນ ​ແລະ ​ແຂວງ​ພາກ​ກາງ​ສະຫວັນ​ນະ​ເຂດ​ປະສົບ​ບັນຫາ​ໜັກໜ່ວງ​ພໍ​ສົມຄວນ​ໂດຍ​ສະ​ເພາະ​ແມ່ນ​ເຂດ​ບ້ານ​ນາ​ຄູ, ພະ​ແລງ, ຂາມ​ເຖົ້າດົງ​ມອນ, ທ່າ​ມ່ວງ​ສະ​ຄືນ​ທີ່​ຂຶ້ນກັບ​ເມືອງ​ຈຳ​ພອນ ​ແລະ ​ແຖວ​ເມືອງ​ວິລະ​ບູລີ​ເສັ້ນທາງ 28-A ສະພາບ​ເສັ້ນທາງ ​ແລະ ຂົວ​ເປັນ​ອຳມະພາດ​ຫລາຍ​ຊົ່ວ​ໂມງ.

ສ່ວນວ່າ, ​ເຫດການ​ອັນ​ທ່ີ​ສອງ​ຮອງ​ລົງ​ມາ​ທີ່​ບໍ່​ນ້ອຍ​ໜ້າ​ກໍ​ແມ່ນ​ເລື່ອງ​ອຸປະຕິ​ເຫດ​ຕາມ​ຖະໜົນ​ເຊັ່ນ: ບັນຫາ​ລົດ​ຕົກ​ເຫວ, ຕົກ​ຂົວ​ມີ​ຄົນ​ເຈັບ​ຄົນ​ຕາຍ​ຫລາຍ​ສິບ​ລາຍ. ດັ່ງ​ພວກ​ເຮົາ​ເຫັນ​ແຫ​ລ່ງຂ່າວ​ລົດ​ນຳ​ນັກ​ທ່ອງ​ທ່ຽວ​ຈີນ​ຕົກ​ຂົວ​ຢູ່​ເຂດ​ເມືອງ​ນານ​ເສຍ​ຊີວິດ  ​ແລະ ​ເຈັບ​ສາ​ຫັດ​ໃນ​ອາທິດ​ທີ່​ຜ່ານໆ​ມາ​ຫລາຍ​ສິບ​ຄົນ.

​        ເມື່ອ​ຕັ້ງ​ໂຈດ​ກັນ​ວ່າ​ອຸປະຕິ​ເຫດ​ເລົ່າ​ນີ້​ມັນ​ມັກ​ເກີດ​ຂຶ້ນຍ້ອນ​ຫຍັງ? ​ແນ່ນອນ​ເມື່ອ​ພວກ​ເຮົາ​ຫາກ​ພ້ອມ​ກັນ​ຊອກ​ສາ​ເຫດ​ມັນ​ກໍ​ອາດ​ມີ​ຫລາຍ​ປັດ​ໄຈ ​ແລະ ​ເງື່ອນ​ໄຂ​ເຊັ່ນ​ວ່າ: ຜູ້​ຂັບຂີ່​ບໍ່​ມີ​ສະຕິ, ​ແລ່ນ​ລົດ​ໄວ, ຫລັບ​ໃນ ​ແລະ ກໍລະນີ​ອື່ນໆ.

​        ແຕ່​ວ່າ, ສຳລັບ​ເຮົາ​ຄິດ​ສ່ວນ​ໜຶ່ງ​ແມ່ນ​ມາ​ຈາກ​ຖະໜົນ​ທົນ​ທາງ​ຫລາຍ​ເສັ້ນຢູ່​ບ້ານ​ເຮົາ​ບໍ່​ທັນ​ໄດ້​ມາດຕະຖານ​ໂດຍ​ສະ​ເພາະ​ແມ່ນສາຍ​ທາງ​ຫລັກຕ່າງໆ​ຂອງ​ປະເທດ​ຍັງ​ເປັນ​ທາງ​ແຄບ, ມີ​ບ່ອນ​ລຸບ, ບ່ອນ​ໂນນ​ຄົດ​ໂຂ​ໂງ​ງ້ຽວ, ຂຶ້ນພູ​ລົງ​ຄ້ອຍ, ຂົວ​ກໍ​ຕີບ​ລົດ​ໃຫຍ່​ແລ່ນ​ສວນ​ທາງ​ກັນ​ຍິ່ງ​ເປັນຕາ​ຢ້ານ.

ນອກ​ຈາກ​ນັ້ນ, ບັນຫາ​ເສັ້ນທາງ​ຂົດ​​ໂຂ​ໂງ​ງ້ຽວ​ຂຶ້ນພູ​ລົງ​ຄ້ອຍ​ເລາະ​ລຽບ​ໄປ​ຕາມ​ສາຍພູ​ບາງ​ຈຸດ​ບາງ​ບ່ອນ​ຂ້ອນ​ຂ້າງ​ບໍ່​ມີ​ລະດັບ​ມຸມງ່ຽງ​ຊ້າຍ, ງ່ຽງ​ຂວາ​​ເວລາ​ລົດ​ແລ່ນ​ອ່າວ​ໄວ​ແດ່​ລ້ຽວບໍ່​ທັນ​ມັນ​ມັກ​ຈະ​ພິກຂ້ຳຂ້ວມ ຫລື ​ເຈືອກ​​ໄປ​ຕົກ​ພູ, ຕົກ​ເຫວ, ບໍ່​ຄື​ຢູ່​ປະ​ເທດ​ເພິ່ນ​ທີ່ ຈະ​ເລີ​ນ​ແລ້ວ​ເຂົາ​ຄິດ​ໄລ່​ມາດຕະຖານ​ເສັ້ນທາງ​ທີ່​ແລ່ນ​ໄປ​ຕາມ​ພູ​ຕາມ​ຜາ​ເປັນ​ມຸມ​ຄ້ອຍ, ມຸມ​ງ່ຽງລະດັບ​ຈັກ​ອົງສາ, ລະດັບ​ການ​ຮັບ​ນ້ຳໜັກ, ​ເວີ້ງຊ້າຍ, ​ເວີ້ງຂວາ​ໃນ​ເວລາ​ລົດ​ລ້ຽວກໍ​ຮັບປະກັນ​ບໍ່​ໃຫ້​ເກີດ​ອຸປະຕິ​ເຫດ​ເປັນອັນ​ສູງ​ສຸດ; ​ເຖິງ​ວ່າ​ມັນ​ເກີດ​ກໍ​ໃຫ້​ມີ​ໜ້ອຍ​ທີ່​ສຸດ.

- lattana 1 - ລົດຕົກຂົວຕົກເຫວແມ່ນໜຶ່ງໃນເສັ້ນທາງບໍ່ໄດ້ມາດຕະຖານ

ສ່ວນວ່າ​ຢູ່​ບ້ານ​ເຮົາ​ໃນ​ຫລາຍໆ​ສິບ​ປີຜ່ານມາ​ການ​ກໍ່ສ້າງ​ເສັ້ນທາງ​ແມ່ນ​ອີງ​ຕາມ​ງົບ, ອີງ​ຕາມ​ເງິນ; ​ເລື່ອງ​ມາດຕະຖານ​ເອົາ​ໄວ້​ທີ່​ຫລັງ, ຍິ່ງ​ໄປ​ກວ່າ​ນັ້ນບາງ​ກໍລະນີ​ລະຫວ່າງ​ເຈົ້າຂອງ​ໂຄງການ​ກັບ​ຜູ້​ຮັບ​ເໝົາ​ກໍ່ສ້າງ​ມີ​ການ​ຕໍ່​ລອງ​ກັນ​ເຮົາ​ມີ​ງົບ​ຊ່ຳ​ນີ້, ມີ​ເງິນຊ່ຳ​ນີ້, ນາຍ​ໜ້າຫັກ​ເອົາ​ແດ່, ​ໃສ່​ຊອງ​ເທົ່າ​ນີ້, ລ້ຽງ​ອາຫານ​ແດ່​ກໍ​ເປັນ​ອັນວ່າ​ຈົບ​ເລື່ອງ.

ສຳລັບ​ຜູ້​ຮັບ​ເໝົາ​ກໍ່ສ້າງ​ກໍ​ເຮັດ ​ແລະ ດັດ​ແກ້​ໄປ​ຕາມ​ງົບ​ຕາມ​ເງິນ​ສົມທົບ​ກັບ​ການ​ປະ​ຢັດ​ສຸດ ​ແລະ ​ໃຫ້​ໄດ້​ກຳ​ໄລ​ເປັນອັນ​ສູງ​ສຸດ​ເສັ້ນທາງ​ມັນ​ກໍ​ເລີຍ​ສຳ​ເລັດ​ໄປ​ຕາມ​ການ​ເວລາ ​ແລະ ປີ​ຕາມ​ເດືອນ.

ສະນັ້ນ, ​ເຫັນ​ວ່າ​ເສັ້ນທາງ​ຫລາຍ​ເສັ້ນຢູ່​ບ້ານ​ເຮົາ​ສ້າງ​ໄປ​ແລ້ວ​ບໍ່​ເຖິງ​ກຳນົດ​ກໍ​ເປ້​ເພ​ດັ່ງ​ທີ່​ເຫັນ​ເກືອບ​ວ່າ​ເປັນ​ປະ​ເພນີ​ໃນ​ສັງຄົມ​ບ້ານ​ເຮົາ. ຍິ່ງ​ໄປ​ກວ່າ​ນັ້ນພໍ​ເຖິງ​ຍາມ​ຝົນ​ມາ​ຖືກ​ນ້ຳຖ້ວມ​ຊຸ​ທັ່ງ​ເປ່ເພ​ກໍ​ຈຳ​ເປັນ​ໄດ້​ກໍ່ສ້າງ ​ແລະ ຕາບ​ຈູ​ນຄືນ​ໃໝ່​ດັ່ງ​ເຮົາ​ເຫັນ​ມາ​ໃນ​ແຕ່ລະ​ມື້.

​        ເຖິງ​ຢ່າງ​ໃດ​ກໍ​ດີ, ອີງ​ໃສ່​ນະ​ໂຍບາຍ​ຫັນ​ສູ່​ຄວາມ​ເປັນ​ທັນ​ສະ​ໄໝ, ກ້າວ​ສູ່​ຄຸນ​ນະພາ​ບ ​ແລະ ຄວາມ​ເປັນ​ມາດຕະຖານ​ແບບ​ຍືນ​ຍົງ​ທີ່​ພັກ ​ແລະ ລັດຖະບານ​ວາງ​ອອກ​ໂດຍ​ສະ​ເພາະ​ໃນ​ມະຕິ X ຂອງ​ພັກ​ມາ​ຮອດ​ປັດຈຸບັນ, ມີ​ທາງ​ຫລາຍ​ເສັ້ນ​ໄດ້​ສ້າງ​ຂຶ້ນ​ໃໝ່ ​ແລະ ​ໄດ້​ມາດຕະຖານ, ນອກຈາກ​ນັ້ນ, ຍັງ​ມີ​ໂຄງການ​ທາງ​ດ່ວນ, ​ໂຄງການ​ທາງ​ລົດ​ໄຟ​ຄວາມ​ໄວ​ສູງ​ໃນ​ອະນາຄົດ​ຍິ່ງ​ຈະ​ສະດວກ​ສະບາຍ​ຫລາຍ​ຂຶ້ນ, ໃນ​ຕໍ່ໜ້າ​ຄຳ​ວ່າ​ຄົນ​ຕາຍ​ຍ້ອນ​ລົດ​ຕົກ​ຂົວ, ຕົກ​ເຫວ​ຈະ​ບໍ່​ມີ​ອີກ​ແລ້ວ​ຖ້າ​ຜູ້​ຂັບ​ຂີ່​ຫາກ​ບໍ່​ເມົາ ​ແລະ ບໍ່​ປະໝາດ./.

error: Content is protected !!