G7 ບໍ່ໂລ່ງລອຍກັນຕໍ່ການເຊີນລັດເຊຍເຂົ້າຮ່ວມກອງປະຊຸມ

- advert banner 728 90 728x90 - G7 ບໍ່ໂລ່ງລອຍກັນຕໍ່ການເຊີນລັດເຊຍເຂົ້າຮ່ວມກອງປະຊຸມ

ຮຽບຮຽງໂດຍ: ລູກເມືອງພວນ

- new3 - G7 ບໍ່ໂລ່ງລອຍກັນຕໍ່ການເຊີນລັດເຊຍເຂົ້າຮ່ວມກອງປະຊຸມ
- 1247 - G7 ບໍ່ໂລ່ງລອຍກັນຕໍ່ການເຊີນລັດເຊຍເຂົ້າຮ່ວມກອງປະຊຸມ

    ປະທານາທິບໍດີຝຼັ່ງ  Macron ໃຫ້ຮູ້ວ່າ: ບັນດາຜູ້ນຳ G7 ບໍ່ສາມາດເປັນເອກະ ພາບກັນໄດ້ໃນການເຊື່ອເຊີນລັດເຊຍເຂົ້າຮ່ວມກອງປະຊຸມ G7 ໃນປີໜ້າຢູ່ທີ່ສະຫະລັດອາເມລິກາ.

ຄຳປະກາດດັ່ງກ່າວມີຂຶ້ນໃນຂະນະທີ່ທ່ານ Macron ຖະແຫຼງຕໍ່ສື່ມວນຊົນໃນວາ ລະປິດກອງປະຊຸມສຸດຍອດ G7 ຢູ່ທີ່ Biarritz ຝຼັ່ງ, ໃນວັນທີ 26 ສິງຫານີ້, ພາຍຫຼັງ ທີ່ປະທານາທິບໍດີສະຫະລັດ ປະກາດວ່າ: ອາດຈະເຊີນ ທ່ານ ປູຕີນ ເຂົ້າຮ່ວມກອງປະຊຸມສຸດຍອດ G7 ທີ່ຈະຈັດຂຶ້ນຢູ່ສະຫະລັດໃນປີໜ້າ.

ທ່ານ Macron ປະກາດວ່າ: ຝຼັ່ງສະໜັບສະໜູນແນວຄວາມຄິດຂອງ ທຣຳ, ຖ້າຫາກວ່າ ການປະເຊີນໜ້າກັນ ຢູ່ Ukraine ໄດ້ຮັບການຕອບສະໜອງທີ່ດີ, ພ້ອມກັນນີ້ກໍ ໃຫ້ຮູ້ວ່າ: ເຂົາ ແລະ ນາຍົກລັດຖະມົນຕີຂອງເຢຍລະມັນ Angela Merkel ມີແຜນການຈັດກອງປະຊຸມສຸດຍອດກັບລັດເຊຍ ແລະ Ukraine ໃນສອງສາມອາທິດຂ້າງໜ້ານີ້. ເພື່ອແນໃສ່ຊອກຫາຊ່ອງທາງຢຸດຕິການຂັດແຍ່ງຢູ່ ທາງທິດຕາເວັນອອກຂອງ Ukraine.

ອັງກິດ ເປັນຊາດໜຶ່ງທີ່ມີຄວາມຂັດແຍ່ງກັບລັດເຊຍກ່ຽວກັບການຕາຍຂອງນັກ ສືບລັບ Sergei Skripal, ຈຶ່ງ ບໍ່ເຫັນດີທີ່ຈະເຊີນ ປູຕີນເຂົ້າຮ່ວມກອງປະຊຸມສຸດຍອດ G7 ໃນປີໜ້າ.

ແຫຼ່ງຂ່າວໃຫ້ຮູ້ວ່າ: ເກືອບທັງໝົດບັນດາຜູ້ນຳ G7 ລ້ວນ ແຕ່ສະໜັບສະໜູນການເພີ່ມການຮ່ວມມືກັບລັດເຊຍ, ແຕ່ກໍ ເຫັນວ່າມັນຈະໄວເກີນໄປ ທີ່ ມົສກູ ຈະກັບເຂົ້າມາໃນກຸ່ມ.

- lattana 1 - G7 ບໍ່ໂລ່ງລອຍກັນຕໍ່ການເຊີນລັດເຊຍເຂົ້າຮ່ວມກອງປະຊຸມ

ລັດເຊຍເຂົ້າກຸ່ມບັນດາປະເທດພັດທະນາໃນປີ 1997, ເຊິ່ງເວລານັ້ນກຸ່ມນີ້ມີ ຊື່ເອີ້ນວ່າ G8. ພາຍຫຼັງລັດເຊຍໄດ້ເອົາ Crimea ເຂົ້າເປັນ ຂອງລັດເຊຍໃນເດືອນມີນາ 2014, ພາຍໃຕ້ການພັກດັນ ຂອງປະທານາທິບໍດີສະຫະລັດ Barack Obama, ມົສກູ ຈຶ່ງຖືກປັດເຂ່ຍອອກຈາກກຸ່ມ.

ທຣຳ ໄດ້ສະເໜີໃຫ້ລັດ ເຊຍ ກັບຄືນມາເຂົ້າກຸ່ມ G7 ຫຼາຍເທື່ອແລ້ວ. ທ່ານເວົ້າວ່າ: ກຸ່ມ G7 ຈະມີປະສິດທິ ຜົນສູງກວ່າຖ້າຫາກມີລັດ ເຊຍເຂົ້າມາຮ່ວມ. ກ່ອນໜ້າ ທີ່ຈະເດີນທາງໄປຮ່ວມກອງປະຊຸມຢູ່ຝຼັ່ງ, ທ່ານເວົ້າວ່າ: “ຈະມີຄວາມເໝາະສົມຫຼາຍ ກວ່າຖ້າຫາກມີລັດເຊຍ”. ປະທານາທິບໍດີລັດເຊຍ ປູຕີນ ໃຫ້ຮູ້ກ່ອນໜ້ານີ້ວ່າ: ທ່ານ ຈະພິຈາລະນາໃນການເຂົ້າ ຮ່ວມກອງປະຊຸມ G7 ໃນປີ ໜ້າ. ຖ້າຫາກຖືກເຊື່ອເຊີນ.

error: Content is protected !!