19 ລັດໃນສະຫະລັດຮ້ອງຟ້ອງລັດຖະບານ ທຣຳ

- advert banner 728 90 728x90 - 19 ລັດໃນສະຫະລັດຮ້ອງຟ້ອງລັດຖະບານ ທຣຳ

ຮຽບຮຽງໂດຍ: ລູກເມືອງພວນ

- new3 - 19 ລັດໃນສະຫະລັດຮ້ອງຟ້ອງລັດຖະບານ ທຣຳ
- 1487 - 19 ລັດໃນສະຫະລັດຮ້ອງຟ້ອງລັດຖະບານ ທຣຳ

19 ລັດ ພ້ອມນະຄອນຫຼວງຂອງສະຫະລັດໄດ້ປະກາດຮ້ອງຟ້ອງລັດຖະບານ ທຣຳ ທີ່ອອກຂໍ້ກຳນົດໃຫ້ ສາມາດກັກຂັງຜູ້ອົບພະຍົບ ແລະ ຄອບຄົວຂອງພວກເຂົາທີ່ເຂົ້າເມືອງຜິດກົດໝາຍ ໂດຍບໍ່ມີກຳນົດ

ວັນທີ 26 ສິງຫານີ້, ຜູ້ວ່າ ການ 19 ລັດ ແລະ ນະຄອນ ວໍຊິງຕັນ ດີຊີ ໄດ້ພ້ອມກັນຍື່ນ ໃບຮ້ອງຟ້ອງຂຶ້ນຫາສານສະຫະພາບຂອງສະຫະລັດອາເມລິກາຢູ່ທີ່ລັດ Los Angeles ເພື່ອເປັນການຕໍ່ຕ້ານຂໍ້ ກຳນົດໃໝ່ຢູ່ພາຍໃນຂອງ  ສະຫະລັດ ເຊິ່ງຈະມີຜົນນຳໃຊ້ ໄດ້ໃນວັນທີ 21 ຕຸລາ ທີ່ຈະມາ ເຖິງ, ເຊິ່ງສາມາດອະນຸດຍາດ ໃຫ້ເຈົ້າໜ້າທີ່ກັກຂັງຄອບຄົວທີ່ເຂົ້າເມືອງຜິດກົດໝາຍໂດຍບໍ່ມີກຳນົດໄດ້, ເຊິ່ງລວມມີທັງ ພໍ່-ແມ່ ແລະ ເດັກນ້ອຍທີ່ຕິດ ໂຕໄປນຳ.

ຜູ້ຕາງໜ້າ ແຕ່ລະລັດໃຫ້ ຮູ້ວ່າ: ຂໍ້ກຳນົດໃໝ່ຂອງອຳນາດການປົກຄອງ ທຣຳ ຈະສ້າງຜົນເສຍຫາຍທີ່ເປັນອັນຕະລາຍຕໍ່ເດັກທີ່ເຂົ້າເມືອງ ຜິດກົດໝາຍ, ໃນເມື່ອຫາກລົບລ້າງໃບອະນຸຍາດຂັ້ນລັດ ໃຫ້ຜູ້ເຂົ້າເມືອງຜິດກົດໝາຍ ຢູ່ໃນບັນດາສູນອົບພະຍົບ ຕ່າງໆ.

“ຂໍ້ກຳນົດໃໝ່ນີ້, ອຳນາດ ການປົກຄອງ ທຣຳ ຈະເປີດທາງໃຫ້ອົງການຊາວອົບພະຍົບ ແລະ ພວກເຈົ້າໜ້າທີ່ ພາ ສີຂອງ ສະຫະລັດ(ICE) ສາມາດກັກຂັງເດັກນ້ອຍທີ່ບໍ່ມີໂທດກຳຫຍັງໂດຍບໍ່ມີກຳນົດ ” ທ່ານ Maura Healey ຜູ້ວ່າການລັດ  Massachusetts ກ່າວ. ຜູ້ວ່າ ການລັດ California Xavier Becerra ກໍໃຫ້ຄຳ ເຫັນວ່າ: ແຕ່ລະລັດຈະຊອກ ຫາທຸກວິທີທາງເພື່ອປົກປ້ອງເດັກນ້ອຍບໍ່ໃຫ້ມີຄວາມສ່ຽງໃດໆ ໃນໄລຍະກັກຂັງ ຢູ່ນັ້ນ.

ຜູ້ຮັກສາການລັດຖະມົນຕີກະຊວງປ້ອງກັນຄວາມສະຫງົບຂອງສະຫະລັດ Kevin McAleenan ໃຫ້ ເຫດຜົນວ່າ: ຂໍ້ກຳນົດໃໝ່ນີ້, ຈະປະກອບສ່ວນ “ປັບປຸງ ລັກສະນະຄົບຖ້ວນຂອງລະບົບຄຸ້ມຄອງຊາວອົບພະຍົບ” ເພື່ອປ່ຽນແທນໃຫ້ຂໍ້ຕົກລົງ Flores ໃນປີ 1997, ເຊິ່ງຂໍ້ ກຳນົດດັ່ງກ່າວ, ອະນຸຍາດໃຫ້ລັດຖະບານສະຫະລັດສາມາດກັກຂັງເດັກນ້ອຍໄດ້ ພຽງແຕ່ 20 ວັນເທົ່ານັ້ນ.

- lattana 1 - 19 ລັດໃນສະຫະລັດຮ້ອງຟ້ອງລັດຖະບານ ທຣຳ

ເຈົ້າໜ້າທີ່ປ້ອງກັນຄວາມສະຫງົບຂອງສະຫະລັດເວົ້າວ່າ: ການກັກຂັງເດັກນ້ອຍມີກຳນົດເວລານັ້ນ ຈະເປັນການປະກອບສ່ວນເຮັດໃຫ້ກະແສຟອງຂອງຊາວ ອົບພະຍົບເຂົ້າໃນສະຫະລັດເພີ່ມຂຶ້ນ, ໃນນັ້ນ, ບັນດາຄອບຄົວທີ່ມີເດັກນ້ອຍຕິດມານຳ ທີ່ເຂົ້າມາໃນສະຫະລັດປຽບ ສະເໝືອນກັບວ່າ “ໂຊກສະຕາ” ທີ່ໄດ້ເຂົ້າມາໃນສະຫະລັດ. ພວກເຂົາເຊື່ອວ່າ ຈະຖືກ ກັກຂັງໄວ້ໄລຍະໜຶ່ງແລ້ວກໍຈະຖືກປ່ອຍຕົວ.

ນອກຈາກລັດທີ່ກ່າວມາຂ້າງເທິງນີ້ແລ້ວ, ຫຼາຍການຈັດຕັ້ງມະນຸດສະທຳ ແລະ ເດັກນ້ອຍກໍອອກມາຕໍ່ຕ້ານ ເຊັ່ນດຽວກັນຕໍ່ກັບຂໍ້ກຳນົດ ໃໝ່ຂອງອຳນາດການປົກ ຄອງຂອງ ທຣຳ. ທຳນຽບ ຂາວຍັງບໍ່ມີທ່າທີຫຍັງຕໍ່ບັນ ຫາດັ່ງກ່າວ.

error: Content is protected !!