ລາວ-ຈີນເສີມຂະຫຍາຍການຮ່ວມມືຂົງເຂດ ດີຈີຕອນ

- advert banner 728 90 728x90 - ລາວ-ຈີນເສີມຂະຫຍາຍການຮ່ວມມືຂົງເຂດ ດີຈີຕອນ

​ໃນ​ລະຫວ່າງ​ວັນ​ທີ 25-28 ສິງຫາ​ນີ້, ທ່ານ ທັນສະໄໝ ກົມມະສິດລັດຖະມົນຕີ ກະຊວງໄປສະນີ, ໂທລະຄົມມະນາ ຄົມ ແລະ ການສື່ສານ(ປທສ) ໄດ້ເດີນທາງໄປຮ່ວມກອງປະຊຸມການຮ່ວມມືສາກົນ ເສັ້ນທາງສາຍໄໝ ດີຈີຕອນ ແລະ ງານວາງສະແດງສິນຄ້າ ທັນສະໄໝຈີນທີ່ນະຄອນຊົງຊິງເພື່ອເສີມຂະຫຍາຍການຮ່ວມມື ແລະ ການພົວພັນອັນດີ ລະຫວ່າງສອງຊາດ ລາວ-ຈີນ ໃນຂົງເຂດ ດີຈີຕອນ ແລະ ການຮ່ວມມືສາກົນ ເສັ້ນທາງສາຍໄໝ ດີຈີຕອນ.

- new3 - ລາວ-ຈີນເສີມຂະຫຍາຍການຮ່ວມມືຂົງເຂດ ດີຈີຕອນ

ໃນໂອກາດນີ້, ທ່ານ ທັນສະໄໝ ກົມມະສິດ ໄດ້ສະເໜີແລກປ່ຽນກ່ຽວກັບບົດຮຽນຂອງ ສປປ ລາວ ໃນການຮ່ວມມືສາກົນໃນຂົງເຂດເສດຖະກິດ ດີຈີຕອນ ທີ່ມີບົດບາດສຳຄັນ ໃນການສົ່ງເສີມຄວາມອາດສາມາດຂອງພາກທຸລະກິດ, ການຫັນເປັນອຸດສາຫະກຳ ແລະ ທັນສະໄໝ, ລວມທັງການນຳໃຊ້ເຕັກໂນໂລຊີ ການສື່ສານຂໍ້ມູນ-ຂ່າວສານ(ICT) ເຂົ້າໃນວຽກບໍລິຫານລັດ. ພ້ອມກັນນີ້, ທ່ານລັດຖະມົນຕີກະ ຊວງ ປທສ ໄດ້ເຂົ້າພົບ ທ່ານ ຊີຊ່ຽນ ຮອງເຈົ້ານະຄອນຊົງສິງ ເພື່ອແລກປ່ຽນຄຳຄິດເຫັນກ່ຽວກັບການນຳໃຊ້ ເຕັກໂນໂລຊີ ດີຈີຕອນ ເຂົ້າໃນການພັດທະນາຕົວເມືອງທັນສະໄໝ. ວຽກງານການຮ່ວມມື ເສັ້ນທາງສາຍໄໝ ດີຈີຕອນ ເປັນວຽກງານທີ່ກະຊວງ ປທສ ໄດ້ເອົາໃຈໃສ່ ແລະ ໃຫ້ຄວາມສຳຄັນໃນລະດັບສອງຝ່າຍ, ລະດັບພາກພື້ນ ແລະ ສາກົນ.

- lattana 1 - ລາວ-ຈີນເສີມຂະຫຍາຍການຮ່ວມມືຂົງເຂດ ດີຈີຕອນ

ກະຊວງ ປທສ ໄດ້ມີການລົງນາມບົດບັນທຶກ ວ່າດ້ວຍການຮ່ວມມືທາງດ້ານເສັ້ນ ທາງສາຍໄໝ ດີຈີຕອນ ຮ່ວມກັບຄະນະພັດທະນາ ແລະ ປະຕິຮູບ ສປ ຈີນ. ສ່ວນວຽກງານ ໄອຊີທີ ໂດຍ ລວມມີການຮ່ວມມືສອງຝ່າຍ ກັບ ກະຊວງ ອຸດສະຫາກຳ ແລະ ເຕັກໂນໂລຊີຂໍ້ມູນຂ່າວສານ. ບໍລິສັດ ໂທລະຄົມມະນາຄົມຂອງ ສປປ ລາວ ມີການເຊື່ອມໂຍງກັບ ບໍລິສັດໂທລະຄົມມະນາຄົມ ຂອງ ສປ ຈີນ ເຮັດໃຫ້ການສື່ສານ ລະຫວ່າງ ສອງປະເທດມີຄວາມສະດວກສະບາຍ.

error: Content is protected !!