ມາດຕະການເຢຍລະມັນ, ເຊັກ, ຈີນ ແລະ ອິນເດຍ ໃນການກຳຈັດຂ່າວປອມ

ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ - advert banner 728 90 728x90 - ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ

ໂດຍ: ວິເສດ ສະແຫວງສຶກສາ.

ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ - new3 - ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ
ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ - 2196 - ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ

  “ບົດ​ເບິ່ງ​ກວ້າງ​ເຫັນ​ໄກ” ປະຈຳ​ວັນ​ນີ້, ຜູ້​ຂຽນ​ໄດ້​ສັງ​ລວມບັນດາ​ມາດ​ຕະການ

​ປາບ​ປາມ​ຂ່າວ​ບໍ່​ມີ​ມູນ​ຄວາມ​ຈິງ​, ເຊິ່ງຕໍ່​ໄປ​ຂໍ​ເອີ້ນວ່າ: “ຂ່າວ​ຂີ້ຕົວະ” ​ເພື່ອ​ໃຫ້​ສັ້ນ​ເຂົ້າ. ຂ່າວ “ຂີ້ຕົວະ” ​ໃນ​ປັດຈຸບັນ​ໄດ້​ແຜ່​ລະບາດ​ໄປ​ທົ່ວ​ມູນ​ໂລກ​, ໂດຍ​ອາ​ໄສ​ພາຫາ​ນະ​ສື່​ສັງຄົມອອນລາຍ ກໍ​ຄື​ເຄືອ​ຂ່າຍ​ສື່ສານ​ຄົມມະນາຄົມ​ທີ່​ລ້ຳຍຸກສະ​

ໄໝ​ຂອງ​ສະຕະວັດ​ທີ 21 ນີ້.

  ຂ່າວ​ຂີ້ຕົວ​ ໄດ້​ກາຍ​ເປັນ​ບັນຫາ​ກັງວົນ​ໃຈ​ໜັກ​ໃນ​ທຸກໆ​ປະ​ເທດ​ ເພາະ​ມັນ​ເປັນ​ຂະ​ບວນການກໍ່ໃຫ້​ມີ​ຄວາມ​ລັງກຽດ​ຄຽດ​ຊັງ, ການ​ໃຊ້​ຄວາມ​ຮຸນ​ແຮງ ​ແລະ ການ​ກໍ່​ການ​ຮ້າຍ​ໃນ​ສັງຄົມ. ດັ່ງນັ້ນການ​ປາບ​ປາມ​ ເພື່ອ​ກຳຈັດ​ຂ່າວ​ຂີ້ຕົວະ ​ຈິ່ງ​ໄດ້​ກາຍ​ເປັນ​ມາດ​ຕະການ​ບຸລິມະສິດຂອງ​ຍຸດ​ທະ​ສາດ​ຮັກສາ​ຄວາມ​ໝັ້ນຄົງ​ໃນ​ທຸກໆ​ປະ​ເທດ.

   ຢູ່ເຢຍລະ​ມັນ, ລັດຖະບານ​ຂອງ​ປະ​ເທດ​ນີ້​ ໄດ້​ປະກາດ​ໃຊ້​ກົດໝາຍ​ຕ້ານ​ຂ່າວ​ຂີ້ຕົວະ​ໃນ​ເດືອນ​ມິຖຸນາ 2017, ​ໂດຍ​ໄດ້​ກຳນົດ​ໂທດ​ປັບ​​​ໃໝ​ບໍລິສັດສື່​ສັງຄົມ​ເປັນ​ເງິນ​ສູງ​ສຸດ 50 ລ້ານ​​ເອີ​ໂຣ ຖ້າ​ບໍລິສັດ​ດັ່ງກ່າວ​ບໍ່​ລຶບ​ເນື້ອ​ໃນ​ຂ່າວ​ຂີ້ຕົວະ ​ທີ່​ເປັນ​ອັນຕະລາຍ​ອອກ​ຈາກ​ເຄືອຂ່າຍ​ພາຍ​ໃນ 24 ຊົ່ວ​ໂມງ​, ພາຍຫລັງ​ໄດ້​ຮັບ​ຄຳ​ສັ່ງ​ຈາກ​ທາງ​ການ​, ຂ່າວ​ທີ່​ຈັດ​ວ່າ​ເປັນອັນຕະລາຍ​ນັ້ນ​ໄດ້​ແກ່​ຂ່າວ​ທີ່​ມີ​ເນື້ອ​ໃນ​ກົດໝາຍ, ​ເນື້ອ​ໃນ​ຍຸ​ຍົງ​ໃຫ້ລັງ​ກຽດ ​ແລະ ຈຳ​ແນ​ກ​ເຊື້ອຊາດ​ເຜົ່າ​ພັນ ​ກໍ​ຄື​ຂ່າວ​ທີ່​ມີ​ເນື້ອ​ໃນ​ໃສ່​ຮ້າຍ​ປ້າຍ​ສີ​ໝິ່ນ​ປະມາດ​ບຸກຄົນ ​ແລະ ການຈັດຕັ້ງ.

   ຢູ່​ສາທາລະນະ​ລັດ​ເຊັກ, ​ໂດຍ​ຕາງໜ້າ​ໃຫ້​ລັດຖະບານ ກະຊວງ​ພາຍ​ໃນ​ຂອງ​ປະ​ເທດ​ນີ້ ​ໄດ້​ສ້າງຕັ້ງສູນ​ຕ້ານ​ການ​ກໍ່​ການ​ຮ້າຍ ​ແລະ ​ໄພ​ຂົ່ມຂູ່​ແບບ​ໃໝ່​ທີ່​ມີໜ້າ​ທີ່​ຕົ້ນຕໍ​ໃນ​ການ​ຕ້ານຂ່າວ​ຂີ້ຕົວະ​ທີ່​ເປັນ​ອັນຕະລາຍ​ຕໍ່​ຄວາມ​ໝັ້ນຄົງ​ຂອງ​ຊາດ ​ແລະ ຄວາມ​ເປັນ​ລະບຽບຮຽບຮ້ອຍ​ຂອງ​ສັງຄົມ​ ເຊັ່ນ: ຂ່າວ​ທີ່​ບໍ່​ມີ​ມູນ​ຄວາມ​ຈິງ​ກ່ຽວ​ກັບ​ບັນຫາ​ຊາວ​ອົບ​ພະຍົບທີ່​ເວັບ​ໄຊ ພາສາ​ເຊັກ 40 ​ແຫ່ງ​ໄດ້​ເສກ​ສັນ​ປັ້ນ​ເລື່ອງ​ໂຄສະນາ​ໃຫ້​ສັງຄົມ​ແຕກຕື່ນ.

ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ - lattana 1 - ມາດຕະການເຢຍລະມັນ, ເຊັກ, ຈີນ  ແລະ ອິນເດຍ ໃນການກຳຈັດຂ່າວປອມ

   ທີ່​ອິນ​ເດຍ, ຂະ​ບວນການຕ້ານ​ຂ່າວ​ປອມ​ນັ້ນ​ ໄດ້​ລິ​ເລີ່​ມຂຶ້ນຈາກ​ພາກສ່ວນ​ບຸກຄົນ​ທີ່​ທົນ​ຕໍ່​ຂ່າວ​ຂີ້ຕົວະ ​ແລະ ຂ່າວ​ລື​ບໍ່​ໄຫວ ​ເວັບ​ໄຊ​ຂອງ​ສ່ວນ​ບຸກຄົນ​ທີ່​ເຮັດ​ໜ້າ​ທີ່​​ຕ້ານ​ຂ່າວ​ຂີ້ຕົວະ​ນັ້ນມີ​ຊື່ວ່າ: “ອອນ​ນິວ” (Altnews) ​ແລະ “ຊຶມ​ໂຮກສະ​ເລ​ເຢີ (Smhoaxslayer)” ບັນຫາ​ການ​ປາບ​ປາມ​ຂ່າວ​ປອມຢູ່​ອິນ​ເດຍນັ້ນ​ ເປັນ​ເລື່ອງ​ທ້າ​ທາຍ ​ເພາະ​ຜູ້​ປ່ອຍ​ຂ່າວຂີ້ຕົວະ​ນັ້ນນິຍົມ​ໃຊ້​ວອດ​ແອບ (Whatapp) ​ເປັນ​ພາຫະ​ນະ​ສື່ ຈິ່ງ​ເຮັ​ດ​ໃຫ້​ຍາກ​ທີ່​ຈະ​ຕິດຕາມ​ຂໍ້ຄວາມ​ຂອງ​ຂ່າວ​ໄດ້.

   ຢູ່ ສປ ຈີນ ມາດຕະການ​ປາບ​ປາມ​ຂ່າວ​ປອມ​ນັ້ນ​ ເລີ່​ມມາ​ແຕ່​ທົດ​ສະ​ວັດ​ແລ້ວພຸ້ນ​ໃນ​ເດືອນ​ກັນຍາ​ປີ 2017, ທາງ​ການ​ຈີນ​ໄດ້​ປັບ​​ໃໝ​ເວທີ​ສື່​ສັງຄົມ​ທີ່​ໃຫຍ່​ທີ່​ສຸດພາຍ​ໃນ​ປະ​ເທດ​ໃນ​ຄວາມ​ຜິດ​ທີ່​ໄດ້​ເຜີຍ​ແຜ່​ຂ່າວ​ຂີ້ຕົວະ, ຂ່າວ​ເນື້ອ​ໃນ​ ​ແລະ ຮູບ​ພາບ​ລາມົກ, ​ໂປ້​ເປືອຍ ​ກໍ​ຄື​ເນື້ອ​ໃນ​ຕ້ອງ​ຫ້າມ​ອື່ນໆ.

  ພາຍ​ໃຕ້​ກົດ​ລະບຽບ​ຄຸ້ມ​ຄອງ​ສື່​ສັງຄົມ​ສະບັບ​ໃໝ່, ​ເວທີ​ສື່​ທີ່​ລະ​ເມີດ​ຈະ​ຖືກ​ສັງ​ປິດ​ທັນທີ ​ແລະ ຜູ້​ຮັບຜິດຊອບ​ຈະ​ຖືກ​ລົງ​ໂທດ​ຕາມ​ກົດໝາຍ. ຄຽງ​ຄູ່​ກັບ​ມາດ​ຕະການ​ລົງ​ໂທດ, ທາງ​ການ​ຍັງ​​ໄດ້​ສ້າງຕັ້ງສະມາຄົມ​ຄຸ້ມ​ຄອງ​ຈາລິ​ຍະ​ທຳ​ຂອງ​ຂ່າວ​ທີ່​ມີ​ສາຂາ​ຢູ່​ໃນ 14 ​ແຂວງ ​ແລະ ນະຄອນ​​ໃນ​ປະ​ເທດ ​ເພື່ອ​ສົ່ງ​ເສີມ​ມາດຕະຖານ​ຂອງ​ວິຊາ​ຊີບ​ໜັງສືພິມ. ເນື້ອ​ໃນ​ທັງ​ໝົດ​ທີ່​ເລົ່າ​ມາ​ນີ້​ຖອດ​ຈາກ​ໜັງສືພິມ The Nation ສະບັບ​ວັນ​ທີ 30 ຕຸລາ 2017.

error: Content is protected !!