ປະທານາທິບໍດີ ບຣາຊິນ ກ່າວຫາ ຝຼັ່ງ ໃຊ້ເງິນຊື້ ອະທິປະໄຕ

- advert banner 728 90 728x90 - ປະທານາທິບໍດີ ບຣາຊິນ ກ່າວຫາ ຝຼັ່ງ ໃຊ້ເງິນຊື້ ອະທິປະໄຕ

ຮຽບຮຽງໂດຍ: ລູກເມືອງພວນ

- new3 - ປະທານາທິບໍດີ ບຣາຊິນ ກ່າວຫາ ຝຼັ່ງ ໃຊ້ເງິນຊື້ ອະທິປະໄຕ

ປະທານາທິບໍດີ ບຣາຊິນ Bolsonaro ໃຫ້ຮູ້ວ່າ: ເຢຍລະມັນ ແລະ ພິເສດແມ່ນ ຝຼັ່ງໃຊ້ເງິນຊ່ວຍເຫຼືອໄຟໄໝ້ປ່າ ອາເມຊອນ “ຊື້” ອະທິປະໄຕຂອງພວກຕົນ.

ປະທານາທິບໍດີ ບຣາຊິນ Jail Bolsonaro ຖະແຫຼງໃນວັນທີ 28 ສິງຫານີ້ວ່າ: “ ພາຍຫຼັງປະທານາທິບໍດີ ຝຼັ່ງ Macron ຖອນຄວາມເວົ້າຂອງຕົນທັງໝົດແລ້ວ, ພວກເຮົາເຫັນວ່າ: ເຢຍລະມັນ ແລະ ພິເສດແມ່ນ ຝຼັ່ງ ໄດ້ “ ຊື້ ” ອະທິປະໄຕຂອງ ຕົນດ້ວຍ​ເງິນ 20 ລ້ານໂດລາທີ່ໄດ້ມາຈາກເງິນຊ່ວຍເຫຼືອເພືອມອດໄຟປ່າ ອາເມຊອນ. ພວກເຮົາບໍ່ໄດ້ມີລາຄາ 20 ລ້ານ ຫຼື 20.000 ຕື້ໂດລາ ແຕ່ຢ່າງໃດ ”

ຄຳຖະແຫຼງດັ່ງກ່າວອອກມາພາຍຫຼັງໜຶ່ງວັນທີ່ ທ່ານ Bolsonaro ຍອມຮັບເອົາເງິນຊ່ວຍເຫຼືອປະມານ 22 ລ້ານໂດລ່າ, ຊຶ່ງແມ່ນກຸ່ມບັນດາປະເທດອຸດສາຫະກຳຂະຫຍາຍຕົວ(G7) ສະເໜີ ເພື່ອຊ່ວຍເຫຼືອການມອດໄຟປ່າ ອາເມຊອນ. ຫຼັງຈາກນັ້ນບໍ່ພຽງເທົ່າໃດຊົ່ວໂມງ, ຜູ້ນຳ ບຣາຊິລ ກໍອອກມາປະກາດວ່າ: ພວກເຮົາຈະຍອມຮັບເອົາການຊ່ວຍເຫຼືອຈາກ​ຕ່າງປະ​ເທດເພື່ອກອບກູ້ເອົາ ປ່າອາເມຊອນ, ແຕ່ດ້ວຍເງື່ອນໄຂວ່າ Brasillia ຕ້ອງເປັນຜູ້ຄວບຄຸມວິທີການນຳໃຊ້ເງິນຈຳນວນດັ່ງກ່າວ.

ວັນທີ 28 ສິງຫານີ້, Bolsonaro ຍອມຮັບເອົາການຊ່ວຍເຫຼືອຈາກ ຊີເລ ທີ່ສົ່ງເຮືອບິນ 4 ລຳ ມາມອດໄຟຊ່ວຍ. ບຣາຊິນ ຍັງຮຽກຮ້ອງໃຫ້ ເປຣູ ແລະ ໂກລົມເບຍ ຈັດຕັ້ງກອງປະຊຸມຮີບດ່ວນຂຶ້ນໃນເດືອນກັນຍາທີ່ຈະມາເຖິງນີ້, ເພື່ອຊອກຫາຊ່ອງທາງແກ້ໄຂໄຟໄໝ້ປ່າ ອາເມຊອນ ທີ່ກຳລັງລຸກລາມບານປາຍອອກໄປໃນວົງກວ້າງ.

- lattana 1 - ປະທານາທິບໍດີ ບຣາຊິນ ກ່າວຫາ ຝຼັ່ງ ໃຊ້ເງິນຊື້ ອະທິປະໄຕ

ຄຳຖະແຫຼງການດັ່ງກ່າວມີຂຶ້ນໃນສະພາບການເກີດຄວາມຂັດແຍ່ງຢ່າງຮຸນແຮງລະຫວ່​າງຜູ້ນຳຂອງບັນດາປະເທດອາເມລິກາໃຕ້ ກັບ ປະທານາທິບໍດີຝຼັ່ງ Macron. ສຳນັກງານປະທານາທິບໍດີຂອງຝຼັ່ງ ກ່າວຫາ ທ່ານ  Bolsorano ເວົ້້ຂີ້ຕົວະກ່ຽວກັບການຕ້ານການປ່ຽນແປງອາກາດຢູ່ປະເທດຂອງຕົນ ເນື່ອງໃນໂອກາດທ່ານເຂົ້າຮ່ວມກອງປະຊຸມສຸດຍອດຂອງ ກຸ່ມ G20 ລະຫ່ວາງເດືອນ ມິຖຸນາຜ່ານມາຢູ ໂອສະກະ ປະເທດຍີ່ປຸ່ນ.

ໃນຂະນະດຽວກັນ, ປະທານາທິບໍດີ ຝຼັ່ງ Macron ກໍເກີດຄວາມໂມໂຫ ແລະ ເວົ້າວ່າ: Bolsonaro ເວົ້າດູຖູກຮູບຮ່າງໜ້າຕາ ສະຕຣີ ນຳເບີໜຶ່ງຂອງຝຼັ່ງ. ປາຣີ ຂູ່ວ່າຈະບໍ່ຮັບຮູ້ສົນທິສັນຍາດ້ານການຄ້າກັບ ບຣາຊິນ ແລະ ບາງປະເທດທີ່ຕ້ອງເສຍເວລາຕັ້ງ 20 ປີໃຫ້ການເຈລະຈາ.ວັນທີ 27 ສິງຫານີ້, Bolsonaro ໄດ້ຮຽກຮ້ອງໃຫ້ Macron ຖອນຄຳເວົ້າທີ່ເປັນການ “ແຕະຕ້ອງເຂົາ” ແລະ ຈະຖືບັນຫາດັ່ງກ່າວເປັນເງື່ອນໄຂຕັດສິນເພື່ອໃຫ້ ບຣາຊິນ “ ເຈລະຈາ ຫຼື ໄດ້ຮັບສິ່ງໃດໆຈາກຝຼັ່ງ ”

ບຣາຊິນ ກຳລັງຖືກກົດດັນຈາກວົງຄະນະຍາດສາກົນໃນເລື່ອງໄຟໄໝ້ປ່າ ອາເມຊອນ. ອີງຕາມຂໍ້ມູນຫຼ້າສຸດໃຫ້ຮູ້ວ່າ: ໃນໜຶ່ງອາທິດຜ່ານມາ ມີ ໄຟໄໝ້ປ່າເກີດຂຶ້ນເຖິງ 1.044 ຄັ້ງ, ອັນໄດ້ຍົກຕົວເລກໄຟໄໝ້ປ່າ ອາເມຊອນຂຶ້ນເປັນ 83.329 ຄັ້ງໃນປີນີ້ ແລະ ເປັນສະຖິຕິສູງສຸດ ນັບແຕ່ປີ 2010 ເປັນຕົ້ນມາ.

- 147 - ປະທານາທິບໍດີ ບຣາຊິນ ກ່າວຫາ ຝຼັ່ງ ໃຊ້ເງິນຊື້ ອະທິປະໄຕ

error: Content is protected !!