ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ

ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ - 033008 2019 - ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ
ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ - 174233 - ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ

     ສະໝອງ ຖືເປັນອະໄວຍະວະທີ່ສຳຄັນຂອງຮ່າງກາຍ ໂດຍມີໜ້າທີ່ເປັນສູນກາງຄວບຄຸມຂະບວນການຕ່າງໆທີ່ເກີດຂຶ້ນ ບໍ່ວ່າຈະເປັນການເຕັ້ນຂອງຫົວໃຈ, ການເຄື່ອນໄຫວ, ການຫາຍໃຈ ເປັນຕົ້ນ ໂດຍຄວບຄຸມ ແລະ ສັ່ງການຮ່າງກາຍໃຫ້ເຮັດວຽກຕາມຄວາມຄິດ ເພື່ອໃຫ້ມະນຸດສາມາດດຳລົງຊີວິດປະຈຳວັນໄດ້ຢ່າງປົກກະຕິສຸກ ໂດຍສະໝອງມີການເຮັດວຽກຕະຫລອດເວລາ ດັ່ງນັ້ນ ການໃສ່ໃຈພຶດຕິກຳທີ່ຄວນປະຕິບັດເພື່ອໃຫ້ສະໝອງເຮັດວຽກໄດ້ດີ ຈຶ່ງເປັນສິ່ງທີ່ທຸກຄົນຄວນໃຫ້ຄວາມສຳຄັນເພື່ອສຸຂະພາບທີ່ດີຂອງສະໝອງ ແລະ ຫລີກເວັ້ນພຶດຕິກຳຮ້າຍໆທີ່ອາດທຳລາຍສະໝອງ.

ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ - 043008 2019 - ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ

     ສະໝອງຍັງມີຄວາມກ່ຽວຂ້ອງກັບອາລົມ, ການຮຽນຮູ້ ທັງນີ້ມະນຸດຈຶ່ງຄວນຫັກມາໃສ່ໃຈພຶດຕິກຳພັດທະນາສະໝອງ ໂດຍມີ 5 ພຶດຕິກຳດັ່ງນີ້:

     1. ກິນດີ : ກິນອາຫານທີ່ມີປະໂຫຍດຄົບ 5 ໝວດ, ຫລຸດອາຫານບາງຈຳພວກ ໂດຍສະເພາະອາຫານທີ່ມີນຳ້ຕານຫລາຍ ເຊິ່ງຈະສ່ຽງເປັນພະຍາດເບົາຫວານ ແລະ ພະຍາດຫລອດເລືອດສະໝອງ.

      2. ອອກກຳລັງກາຍດີ : ການອອກກຳລັງກາຍຈະເຮັດໃຫ້ຮ່າງກາຍໂດຍລວມ ແລະ ຫລອດເລືອດແຂງແຮງ ບໍ່ມີບັນຫານຳ້ໜັກໂຕເກີນມາດຕະຖານ.

     3. ນອນຫລັບພັກຜ່ອນດີ : ການພັກຜ່ອນໃຫ້ພຽງພໍຈະຊ່ວຍໃຫ້ຮ່າງກາຍມີເວລາພັກຜ່ອນເພື່ອຟື້ນຟູໂຕເອງ ດັ່ງນັ້ນ ຄວນມີເວລາພັກຜ່ອນນອນຫລັບຢ່າງໜ້ອຍ 6 – 8 ຊົ່ວໂມງ.

     4. ຄິດດີ : ການຝຶກຄິດ, ຝຶກລົງມືເຮັດ ຈະຊ່ວຍໃຫ້ສະໝອງເກີດການຮຽນຮູ້ ແລະ ພັດທະນາຂະບວນການຄິດໃຫ້ໄວຂຶ້ນ.

     5. ສົນທະນາດີ : ການຝຶກສົນທະນາໂອ້ລົມກັບຄົນອື່ນໆເປັນປະຈຳສະໝໍ່າສະເໝີ ຈະຊ່ວຍໃຫ້ສະໝອງໄດ້ມີການຝຶກຝົນແກ້ບັນຫາ ສ່ວນຄົນທີ່ເກັບໂຕ ບໍ່ພົບປະຜູ້ຄົນ ພົບວ່າສະໝອງມີຂະບວນການເຮັດວຽກໃນການແກ້ບັນຫາທີ່ຊ້າລົງ.

ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ - Wave100S AD to Website 2020 0 - ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ

     ແລະ ຄວນຫລີກເວັ້ນ 4 ພຶດຕິກຳຮ້າຍທຳລາຍສະໝອງເຫລົ່ານີ້:

     1. ຄວາມເຄັ່ງຄຽດ ເປັນຜົນຮ້າຍຕໍ່ສະພາບຈິດໃຈ ແລະ ສົ່ງຜົນກະທົບຕໍ່ສະໝອງ ເຮັດໃຫ້ເສຍສະມາທິ ຫລື ບາງຄົນນຳໄປສູ່ອາການຊຶມເສົ້າ.

     2. ສິ່ງແວດລ້ອມທີ່ມີມົນລະພິດ ການຢູ່ໃນອາການທີ່ດີຈະເຮັດໃຫ້ສະໝອງໄດ້ຮັບອົດຊີແຊນພຽງພໍ.

     3. ສູບຢາ ຜູ້ທີ່ສູບຢາເປັນປະຈຳນອກຈາກຈະເຮັດໃຫ້ເປັນມະເຮັງປອດແລ້ວ ຍັງເຮັດໃຫ້ຮ່າງກາຍ ແລະ ສະໝອງໄດ້ຮັບອົກຊີແຊນຫລຸດລົງ ແລະ ເປັນສາເຫດຂອງພະຍາດຫລອດເລືອດສະໝອງ.

     4. ພະຍາດປະຈຳໂຕບາງຊະນິດ ເຊັ່ນ : ເບົາຫວານ, ຄວາມດັນເລືອດສູງ, ໄຂມັນໃນເລືອດສູງ ເປັນປັດໄຈສ່ຽງຂອງພະຍາດສະໝອງຫລາຍພະຍາດ ພະຍາດຫລອດເລືອດ ດັ່ງນັ້ນ ຫາກພົບວ່າຕົນເອງມີພະຍາດປະຈຳໂຕ ຄວນຮັບການປິ່ນປົວແຕ່ຫົວທີ ເພື່ອປ້ອງກັນບໍ່ໃຫ້ເກີດຜົນຍ້ອນການປິ່ນປົວ ເພາະຫາກເກີດການທຳລາຍຂອງສະໝອງແລ້ວຈະບໍ່ສາມາດເຮັດໃຫ້ສະໝອງກັບມາເຮັດວຽກໄດ້ສົມບູນຕາມປົກກະຕິ ແລະ ຈິດໃຈຈະເຮັດວຽກຜິດປົກກະຕິໄປນຳ.

ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ - WhatsApp Image 2020 05 27 at 5 - ທ່ານອາດກຳລັງທຳຮ້າຍສະໝອງໂດຍບໍ່ຮູ້ໂຕ
error: Alert: Content is protected !!