ຍາມຂັດສົນຕ້ອງແບ່ງນ້ຳໃຈຮັບໃຊ້ປະຊາຊົນ

- advert banner 728 90 728x90 - ຍາມຂັດສົນຕ້ອງແບ່ງນ້ຳໃຈຮັບໃຊ້ປະຊາຊົນ

ໂດຍ: ທິດ​ກ່ຳ

- new3 - ຍາມຂັດສົນຕ້ອງແບ່ງນ້ຳໃຈຮັບໃຊ້ປະຊາຊົນ

ດັ່ງ​ທີ່​ຮູ້​ກັນ​ແລ້ວ​ວ່າ, ​ໃນ​ອາທິດ​ທີ່​ຜ່ານ​ມາ​ໄດ້​ມີ​ສະພາບ​ນ້ຳຖ້ວມ​ເສັ້ນທາງ 13 ​ເໜືອ​ຍ່ານ​ເມືອງ​ນາ​ຊາຍ​ທອງ, ນະຄອນຫລວງ​ວຽງ​ຈັນ ນັບ​ແຕ່​ເຂດ​ບ້ານ​ຜາງ​ແຫ້ງ​ໄປ​ຫາ​ບ້ານ​ດົງ ຫລວງ ​ເຊິ່ງມີ​ຄວາມ​ຍາວ​​ເກືອບ​ໜຶ່ງ​ກິ​ໂລ​ແມັດ, ສ່ວນວ່າ​ຍ່ານ​ທີ​ສອງ​ນັ້ນ​ແຕ່​ຄ່າ​ສາມ​ແຍກ​ດານ​ຊີ​ເປັນຕົ້ນ​ໄປ​ເກືອບ​ສອງ​ຮ້ອຍ​ແມັດ.

ນອກຈາກ​ນັ້ນ, ກໍ​ແມ່ນ​ແຖວ​ບ້ານ​ຫົວ​ຂົວ​ກໍ​ມີ​ສະພາບ​ນ້ຳຖ້ວມ​ເປັນ​ບໍລິ​ເວນ​ກວ້າງ​ເໝືອນ​ກັນປາກົດການ​ແບບ​ນີ້​ໃນ​ຫລາຍ​ປີຜ່ານມາ​ແມ່ນ​ບໍ່​ຄ່ອຍ​ໄດ້​ເຫັນ ​ແລະ ບໍ່​ເຄີຍ​ມີ​ໃນ​ຂອບ​ເຂດ​ນີ້.

​        ເມື່ອ​ຕັ້ງ​ໂຈດ​ກັນ​ວ່າ, ​ເປັນ​ຫຍັງ​ມັນ​ຈຶ່ງ​ເກີດ​ແບບ​ນີ້? ຕາມ​ການ​ບອກ​ເລົ່າ​ຂອງ​ປະຊາຊົນ ທ່ານ​ໜຶ່ງ​ທີ່ຢູ່​ໃນ​ຂອບ​ເຂດ​ດັ່ງກ່າວ​ບອກ​ວ່າ ມັນ​ເປັນ​ຍ້ອນ​ພວກ​ເຮົາ​ເອງ​ພາກັນ​ຖົມ​ດິນດອນ​ຕອນ​ຫຍ້າ ​ແລະ ​ໄປ​ອັດ​ຄັນ​ຕັນ​ທາງ. ​ແຕ່​ກ່ອນ​ຂອບ​ເຂດ​ທົ່ງ​ນາ​ແຖວ​ບ້ານ​ຜາງ​ແຫ້ງ, ດົງ​ຫລວງ ​ແລະ ບ້ານ​​ໃກ້​ຄຽງ​ອື່ນໆ ມີ​ຫ້ວຍຮ່ອງ​ຄອງ​ບຶງ​ເວລາ​ຍາມ​ຝົນ​ມາ​ມີນ້ຳ​ໄຫລ​ລົງ​ສະໜຸກ​ເອົາ​ປາ​ລົງ​ຕ້ອນ​ລົງ​ຫລີ່.

​        ແຕ່​ປີ​ນີ້, ມີ​ໂຄງການ​ສາຍ​ທາງ​ດ່ວນ, ​ໂຄງການ​ສ້າງ​ທາງ​ລົດ​ໄຟ​ຄວາມ​ໄວ​ສູງ​ບໍລິສັດ​ຈີນ​ເຂົາ​ມາ​ດຸດ​ເອົາໜ້າ​ດິນ​ຕາມ​ແລວ​ທາງ​ອອກ​ເພື່ອ​ຖົມ​ດິນ​ຜູ້​ມີ​ເງື່ອນ​ໄຂ​ກໍ​ພາກັນ​ໄປ​ຊື້​ເອົາ​ດິນ​ນຳ​ຈີນ​ມາ​ຖົມ​ບໍ່​ວ່າ​ຈະ​ເປັນ​ດິນ​ປຸກ​ສ້າງ, ທົ່ງ​ນາ, ຫ້ວຍຮ່ອງ​ກໍ​ຖົມ​ໃຫ້​ລຽບ​ເພາະ​ຖື​ວ່າ​ເປັນ​ຂອບ​ເຂດ​ດິນ​ຂອງ​ຕົນ​ເອງ​ໃຜ​ກໍ​ບໍ່​ສິດ​ໄປ​ຮ້ອງ​ຂໍ​ຕໍ່​ວ່າ, ສຸດ​ທ້າຍ​ມາ​ເວລາ​ຝົນຕົກ​ນ້ຳມັນ​ກະ​ຖ້ວມ​ຄື​ດັ່ງ​ທີ່​ເຫັນ.

ສະພາບ​ແບບ​ນີ້​ບໍ່​ໃຫ້​ຕິ​ໃຜ, ຢ່າ​ໄປ​ຖິ້ມ​ໂທດ​ໃສ່ ພັກ-ລັດ​ຂັ້ນ​ເທິງ​ໃຫ້​ພາກັນ​ຕຳ​ນິຕົນ​ເອງ​ທີ່​ເປັນ​ຜູ້​ຖົມ​, ດີ​ແທ້​ກະ​ຄວນ​ຈົ່ງ​ຫ້ວຍຮ່ອງ​ແລວນ້ຳ​ໄວ້​ເພື່ອ​​ຍາມ​ຟ້າ​ຍາມ​ຝົນ​ມານ້ຳມັນ​ກໍ​ໄຫລ​ສະ​ດວກ​ສະບາຍ​ຜູ້ກ່ຽວ​​ເວົ້າ​ແຖມ​ທ້າຍ.

​        ແນວ​ໃດ​ກໍ​ຕາມ, ພາບ​ທີ່​ປະ​ທັບ​ໃຈ​ອີກ​ສິ່ງ​ໜຶ່ງ​ທີ່​ທິດ​ກ່ຳ​ໄດ້​ເຫັນ​ໃນ​ມື້ນ້ຳຖ້ວມ​ໜັກ​ນັ້ນຄື​ມີ ອ້າຍ​ນ້ອງ​ຕຳຫລວດ​ຈາລະ​ຈອນ ​ແລະ ອ້າຍ​ນ້ອງ​ທະຫານ​ຢືນ​ເປັນ​ຍ່ານໆ​ຢູ່​ກາງ​ເສັ້ນທາງ ທີ່​ມີນ້ຳຖ້ວມ​ເລິກ​ພຽງ​ກາງ​ຂາ​ໜ້າ​ແຄງ​ຄອຍ​ສັນຍານ​ໂບກ​ເຕືອນ​ລົດ​ແລ່ນ​ບືນ​ໄປ​ທ່າມກາງ​ສາຍ​ນ້ຳ ​ແລະ ຮ່າ​ຝົນ​ທີ່​ພວມ​ໂຮຍ​ຮຳ.

ຕຳຫລວດ​ບາງ​ສະຫາຍ​ກໍ​ພວມ​ຊ່ວຍ​ຜູ້ທີ່ມີລົດຈັກທີ່ບໍ່ສາມາດຂີ່ຜ່ານກະແສນ້ຳ, ບາງສະຫາຍກໍແບກສິ່ງຂອງຜ່ານກະແສນ້ຳຊ່ວຍປະຊາຊົນໄປມາໃນຊຸດເຄື່ອງແບບທີ່ ປຽກຊຸ່ມ.

- lattana 1 - ຍາມຂັດສົນຕ້ອງແບ່ງນ້ຳໃຈຮັບໃຊ້ປະຊາຊົນ

ນີ້ຄືປາກົດການທີ່ເຫັນສິ່ງດີໆ ຂອງຕຳຫລວດລາວທີ່ໄດ້ແບ່ງປັນນ້ຳໃຈຊ່ວຍ ເຫລືອປະຊາຊົນໃນຍາມຫຍຸ້ງຍາກຂັດສົນ ໃນຜ່ານມາທິດກ່ຳເຄີຍເຫັນ ແລະ ເຄີຍໄດ້ຍິນ ຫລາຍຄົນວິພາກວິຈານວ່າ ຕຳຫລວດລາວໄປຊອກຫາແຕ່ເລາະປັບໄໝເອົາແຕ່ເງິນ ນຳຄົນທີ່ເຮັດຜິດກົດຈະລະຈອນ.

ຕຳຫລວດທີ່ດີເປັນແບບຢ່າງຍັງມີບໍ່ອຶດບໍ່ຢາກສົມກັບວ່າຕຳຫລວດປະຊາຊົນ, ເພື່ອປະຊາຊົນ ແລະ ຮັບໃຊ້ປະຊາຊົນ.

ເວົ້າເຖິງຍາມຟ້າຍາມຝົນມາຢູ່ນະຄອນຫລວງວຽງຈັນເຮົາໃນຍຸກນີ້ມັນບໍ່ວ່າແຕ່ຢູ່ເຂດ ເມືອງນາຊາຍທອງ, ຍັງມີເມືອງອື່ນໆຫລາຍຈຸດຫລາຍໝ້ອງທີ່ຕ້ອງໄດ້ແກ້ໄຂໃນ ເລື່ອງການບໍລິຫານຈັດການນ້ຳເສຍ.

ອັນສຳຄັນກ່ອນອື່ນໝົດຕ້ອງໄດ້ກໍ່ສ້າງໃໝ່ ແລະ ປັບປຸງຮ່ອງລະບາຍນ້ຳໃຫ້ເປັນ ສາຍຫລັກໆ ຢູ່ນະຄອນຫລວງໃຫ້ກວ້າງຂວາງທັງສວຍງາມ, ສະອາດສະອ້າງປັດສະ ຈາກສິ່ງເປີະເປື້ອນຕ່າງໆ ທີ່ເປັນຕົ້ນເຫດໃຫ້ນ້ຳອັ່ງຂັງໂດຍສະເພາະແມ່ນຜັກຕົບ, ຂີ້ເຫຍື້ອທີ່ອຸດຕັນຕາມຫ້ວຍຮ່ອງຕົວຫລັກໆເຊັ່ນ: ຮ່ອງບຶງທາດຫລວງ, ຮ່ອງໜອງທາ ລົງມາໃສ່ໂພນຕ້ອງ, ຮ່ອງໄກ່ແກ້ວຕໍ່ໃສ່ວຽງຈະເລີນ ແລະ ສ້າງຫ້ວຍຮ່ອງໃໝ່ທີ່ເຫັນ ວ່າຈຳເປັນເພື່ອບໍລິຫານຈັດການນ້ຳເສຍຫລືເພື່ອຫລີກລ້ຽງໄພພິບັດຈາກບັນຫານ້ຳຖ້ວມຢູ່ນະຄອນຫລວງວຽງຈັນໃນອະນາຄົດ./.

- 2367 - ຍາມຂັດສົນຕ້ອງແບ່ງນ້ຳໃຈຮັບໃຊ້ປະຊາຊົນ

error: Content is protected !!