ໄຂ້ຍຸງລາຍຍັງສືບຕໍ່ລະບາດ​ໜັກຢູ່​ຫລາຍ​ທ້ອງ​ຖິ່ນມີຜູ້ເສຍຊີວິດແລ້ວ 55 ຄົນ

ໄຂ້ຍຸງລາຍຍັງສືບຕໍ່ລະບາດ​ໜັກຢູ່​ຫລາຍ​ທ້ອງ​ຖິ່ນມີຜູ້ເສຍຊີວິດແລ້ວ 55 ຄົນ - advert banner 728 90 728x90 - ໄຂ້ຍຸງລາຍຍັງສືບຕໍ່ລະບາດ​ໜັກຢູ່​ຫລາຍ​ທ້ອງ​ຖິ່ນມີຜູ້ເສຍຊີວິດແລ້ວ 55 ຄົນ

ສູນວິເຄາະ ແລະ ລະບາດວິທະຍາ ກະຊວງສາທາລະນະສຸກໃຫ້ຮູ້ວ່າ: ປັດຈຸບັນ​ສະພາບ​ການລະບາດ​ຂອງ​ໄຂ້ຍຸງ​ລາຍ​ຍັງ​ສືບຕໍ່​ເພີ່ມ​ຂຶ້ນ​ສູງ, ​ເຊິ່ງນັບ​ແຕ່​ເດືອນ​ມັງກອນ ຮອດ​ທ້າຍ​ເດືອນສິງຫາ​ນີ້, ທົ່ວປະເທດມີຜູ້ຕິດເຊື້ອພະຍາດດັ່ງກ່າວເກືອບ 27 ພັນ​ຄົນ, ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ແລ້ວ 55 ຄົນ. ໃນນັ້ນຮ້າຍ​ແຮງ​ກວ່າ​ໝູ່​ແມ່ນ​ຢູ່ນະຄອນຫລວງວຽງຈັນມີຜູ້​ຕິ​ດ​ເຊື້ອ​ຫລາຍ​ເຖິງ 6.364 ຄົນ, ເສຍຊີວິດແລ້ວ 14 ຄົນ, ສະຫວັນນະເຂດມີ 4.887 ຄົນ, ເສຍຊີວິດ 20 ຄົນ, ສາລະວັນມີ 3.194 ຄົນ, ເສຍຊີວິດ 4 ຄົນ, ຈໍາປາສັກມີ 3.070 ຄົນ, ເສຍຊີວິດ 6 ຄົນ ແລະ ແຂວງອື່ນໆອີກ.

ໄຂ້ຍຸງລາຍຍັງສືບຕໍ່ລະບາດ​ໜັກຢູ່​ຫລາຍ​ທ້ອງ​ຖິ່ນມີຜູ້ເສຍຊີວິດແລ້ວ 55 ຄົນ - new3 - ໄຂ້ຍຸງລາຍຍັງສືບຕໍ່ລະບາດ​ໜັກຢູ່​ຫລາຍ​ທ້ອງ​ຖິ່ນມີຜູ້ເສຍຊີວິດແລ້ວ 55 ຄົນ

ໃນສະພາບຮ້າຍແຮງນີ້, ກະຊວງສາທາລະນະສຸກຈຶ່ງຂໍຮຽກຮ້ອງໃຫ້ທຸກພາກສ່ວນເປັນເຈົ້າການຊ່ວຍກັນກໍາຈັດ ແລະ ທໍາລາຍແຫລ່ງເພາະພັນຍຸງລາຍທີ່ເປັນພະຫະນະນໍາເຊື້ອ

ໂດຍໃຫ້ເອົາໃຈໃສ່ປະຕິບັດຫລັກການ 5 ປ ຢ່າງ​ເຂັ້ມ​ງວດຄື: 1). ປິດຝາພາຊະນະເກັບນໍ້າ​ໃຫ້​ດີ ເພື່ອບໍ່ໃຫ້ຍຸງລາຍມາ ໄຂ່ໃສ່; 2). ປ່ຽນນໍ້າ ແລະ ຜັດຖູພະຊະນະເຊັ່ນ: ເຕົ້າດອກໄມ້, ນໍ້າຮອງຕີນຕູ້, ຖານຮອງຈອກນໍ້າ ແລະ ອື່ນໆ; 3). ປ່ອຍປາຫາງນົກຍຸງ ເພື່ອກິນໜອນນໍ້າ; 4). ປັບປຸງບໍ່ໃຫ້ມີນໍ້າຄ້າງຂັງກະໂປະ, ກະປ່ອງ, ຮາງລິນ, ຢາງຕີນລົດເກົ່າ ແລະ ອື່ນໆ; 5). ປະຕິບັດເປັນປະຈໍາທຸກໆອາທິດ, ເພື່ອແນໃສ່ເຮັດໃຫ້ການລະບາດ ຂອງໄຂ້ຍຸງລາຍຫລຸດຜ່ອນລົງ.

ນອກ​ນີ້, ບັນດາປະເທດອາຊີກໍມີພະຍາດໄຂ້ຍຸງລາຍລະບາດໜັກເຊັ່ນກັນ ອີງຕາມຂໍ້ມູນໃນວັນທີ 20 ສິງຫາຜ່ານ​ມາ​ນີ້, ກະຊວງສາທາລະນະສຸກປະເທດຟິລິປິນໃຫ້ຮູ້ວ່າ: ມີຜູ້ຕິດເຊື້ອສູງເຖິງ 188.560 ກວ່າ​ຄົນ, ເສຍຊີວິດ​ແລ້ວ 800 ກວ່າຄົນ.

ໄຂ້ຍຸງລາຍຍັງສືບຕໍ່ລະບາດ​ໜັກຢູ່​ຫລາຍ​ທ້ອງ​ຖິ່ນມີຜູ້ເສຍຊີວິດແລ້ວ 55 ຄົນ - lattana 1 - ໄຂ້ຍຸງລາຍຍັງສືບຕໍ່ລະບາດ​ໜັກຢູ່​ຫລາຍ​ທ້ອງ​ຖິ່ນມີຜູ້ເສຍຊີວິດແລ້ວ 55 ຄົນ

ກະຊວງສາທາລະນະສຸກປະເທດໄທໃຫ້ຮູ້ວ່າ: ມີຜູ້ຕິດເຊື້ອທັງໝົດ 73.320 ກວ່າ​ຄົນ, ເສຍຊີວິດ​ແລ້ວ 77 ຄົນ ​ແລະ ຢູ່ປະເທດມາເລເຊຍກໍມີຜູ້ຕິດເຊື້ອເກືອບ 80.000 ຄົນ ​ແລະ ເສຍຊີວິດ​ແລ້ວ 113 ຄົນ.

error: Content is protected !!