ສະພາບຂີ່ລັກດຶງກະເປົາກັບມາອີກແລ້ວ

- advert banner 728 90 728x90 - ສະພາບຂີ່ລັກດຶງກະເປົາກັບມາອີກແລ້ວ

ໂດຍ: ທ່ຽງທຳ

- new3 - ສະພາບຂີ່ລັກດຶງກະເປົາກັບມາອີກແລ້ວ

ສະບາຍດີ, ເພື່ອນຜູ້ອ່ານທີ່ຮັກແພງ, ໜ້າເປັນຫວ່ງຫລາຍສະພາບຂີ່ລັກງັດແງະ, ດຶງກະເປົານັກທ່ອງທ່ຽວ  ແລະ ແຂກຄົນຕາມຖະໜົນຕ່າງໆ ໄດ້ກັບມາລະບາດອີກແລ້ວຄືພຽງເດືອນສິງຫາ ຜ່ານມາສະເພາະຢູ່ເຂດບ້ານວັດຈັນເມືອງຈັນທະບູລີ, ນະຄອນຫລວງວຽງຈັນໂດຍສະເພາະແມ່ນຢູ່ເສັ້ນທາງຊອຍໃນເຂດແຄມຂອງໄດ້ມີສະພາບດັ່ງກ່າວເກີດຂຶ້ນ 3-4   ກໍລະນີແລ້ວພາຍຫລັງຢຸດຕິລົງໄປໄລຍະໜຶ່ງ, ກໍເຫັນວ່າ ສັງຄົມມີຄວາມສະຫງົບດີຜູ້ເສຍຫາຍສ່ວນຫລາຍແມ່ນ ແຂກຕ່າງປະເທດ.

ເຂົາເວົ້າວ່າ: ກໍລະນີການ ດຶງກະເປົາແມ່ນພວກໂຈນຈະໃຊ້ລົດຈັກເປັນພາຫະນະ, ເຖິງວ່າ ຈະມີການແຈ້ງຄວາມຕໍ່ ເຈົ້າໜ້າທີ່ເພື່ອຄົ້ນຫາແຕ່ໃນ ທີ່ສຸດກໍບໍ່ມີວີ່ແວວຫຍັງເລີຍທີ່ຈະສາມາດຈັບຄົນຮ້າຍມາດຳເນີນຄະດີໄດ້.

ມີທັດສະນະຫລາຍຄົນເວົ້າວ່າ: ຖ້າລາວເຮົາ, ໂດຍສະເພາະແມ່ນຢູ່ນະຄອນຫລວງວຽງຈັນຫາກບໍ່ສາມາດແກ້ໄຂປາກົດການຫຍໍ້ທໍ້ດັ່ງກ່າວນັ້ນລົງໄດ້, ກໍຈະສົ່ງຜົນສະ ທ້ອນຕໍ່ການດຶງດູດການທ່ອງທ່ຽວຂອງລາວກໍເປັນໄດ້, ເພາະການເສຍຫາຍນີ້ ມັນສ້າງຄວາມບໍ່ອຸ່ນອຽນ ແລະ ສະບາຍໃຈໃຫ້ແກ່ຜູ້ມາທ່ຽວເລີຍ.

- lattana 1 - ສະພາບຂີ່ລັກດຶງກະເປົາກັບມາອີກແລ້ວ

ດັ່ງນັ້ນເມື່ອໄດ້ຍິນ ແລະ ຮັບຮູ້ຂ່າວນີ້ກໍຫວັງວ່າເບືອງເຈົ້າໜ້າທີ່ກ່ຽວຂ້ອງຂອງລາວຈະເພີ່ມຄວາມຂະຫຍັນ ໃນການປາບປາມ, ກຳຈັດໂຈນຮ້າຍນີ້ໃຫ້ໝົດໄປສ້າງໃຫ້ນະຄອນຫລວງມີຄວາມ ອົບອຸ່ນ ແລະ  ເປັນສິ່ງດຶງດູດໃຈຂອງຜູ້ມາທ່ຽວຊົມ ຫລາຍຂຶ້ນ./.

- 432587 - ສະພາບຂີ່ລັກດຶງກະເປົາກັບມາອີກແລ້ວ
(ພາບປະກອບ)
error: Content is protected !!