ສິ່ງ​ບໍ່​ຄວນ​ເກີດ​ໃນ​ມື້​ເປີດ​ສົກຮຽນ

- advert banner 728 90 728x90 - ສິ່ງ​ບໍ່​ຄວນ​ເກີດ​ໃນ​ມື້​ເປີດ​ສົກຮຽນ

ມື້​ເປີດ​ສົກຮຽນ​ໃໝ່, ​ແມ່ນ​ມື້ໜຶ່ງ​ທີ່ີ​ເດັກນ້ອຍ​ນັກຮຽນຫລາຍຄົນ​ມີ​ຄວາມ​ດີ​ອົກ​ດີໃຈ​ທີ່ສຸດ​ຍ້ອນ​ໄ​ດ້​ໄປ​​ໂຮງຮຽນ, ​ແຕ່​ມີ​ນ້ອງ​ນັກຮຽນຈໍານວນ​ບໍ່​ໜ້ອຍ​​ຕ້ອງຜິ​ດຫວັງບໍ່​ໄດ້​ເຂົ້າຫ້ອງ​ຮຽນ ພຽງ​​ຜູ້​ປົກຄອງ​ຍັງ​ບໍ່​​ໄດ້ຈ່າຍຄ່າ​ລົງທະບຽນ​ໃຫ້​ລູກ, ​ເຊິ່ງ​ເຫດການ​ແບບ​ນີ້​ມັນ​ບໍ່​ຄວນ​ເກີດ​ຂຶ້ນ​​ໃນ​ມື້​ເປີດ​ສົກຮຽນ​ໃໝ່, ​ໂດຍ​ສະ​ເພາະ​ຕໍ່​ເດັກນ້ອຍ​-​ເຍົາ​ວະ​ຊົນທີ່​ຈະເຕີບ​ໃຫຍ່​ເປັນ​ອານາ​ຄົດ​ຂອງ​ຊາດ.

- new3 - ສິ່ງ​ບໍ່​ຄວນ​ເກີດ​ໃນ​ມື້​ເປີດ​ສົກຮຽນ

​​ໃນ​ເຊົ້າ​ມື້​ດັ່ງ​ກ່າວ, ຜູ້​ຂຽນມີ​ຄວາມ​ຮູ້ສຶກ​ປາບ​ປື້​ມໃຈຫລາຍ​ທີ່​ເຫັນ​ໃບໜ້າ​ຂອງ​ລູກ​ຫລານຕົນ​ເອງມີ​ຄວາມ​ສົດ​ຊື່ນ​ແຈ່ມ​ໃສ​, ພາຍຫລັງ​ເຂົາ​ເຈົ້າ​ໄດ້​ນຸ່ງ​ເຄື່ອງ​ໃໝ່​ເພື່ອ​ໄປ​ໂຮງຮຽນ, ​ເຊັ່ນ​ດຽວ​ກັນ​ກັບ​ເດັກນ້ອຍ​ຄົນ​ອື່ນໆ​ທີ່​ຜູ້​ປົກຄອງ​ໄດ້ພາ​ໄປສະ​ເໜີ​ຕົວ​ເຂົ້າ​​ໂຮງຮຽນ​ຢູ່ແຕ່ລະ​ແຫ່ງດ້ວຍ​ຄວາມ​ຊື່ນ​ບານ. ​ແຕ່​ຂະນະ​ດຽວ​ກັນ, ກໍ​ປາກົດ​ມີ​ຂ່າວ​ໃນ​ສື່​ສັງຄົມ​ອອນ​ລາຍ​ວ່າ: ມີ​ເດັກນ້ອຍ​ຫລາຍ​ຄົນ​ທີ່​ບໍ່ສາມາດ​ເຂົ້າ​ໂຮງຮຽນ​ໃນ​ມື້​ນັ້ນຍ້ອນ​ຜູ້​ປົກຄອງຍັງບໍ່ມີ​ເງິນ​ຈ່າຍ​ຄ່າ​ລົງທະບຽນ​ຮຽນ​ໃຫ້ລູກ ​ແລະ ອີກ​ບໍ່​ດົນ​ກໍ​ເຫັນ​ວ່າ​ມີ​ຜູ້​ໃຊ້​ສື່​ອອນ​ລາຍ​ຈໍານວນ​ຫລາຍ​ຕ່າງກໍ​ສະ​ແດງ​ຄໍາ​ຄິດ​ຄໍາ​ເຫັນ​ຕ່າງໆ​ນາໆ,​​ ແຕ່ສ່ວນ​ຫລາຍມີ​ຄໍາ​ເຫັນ​ວ່າ​ຄວນ​ນະ​ໂຍບາຍ​ໃຫ້​ເດັກ​​ໄດ້ເຂົ້າ​ໂຮງຮຽນກ່ອນ, ສ່ວນ​ເລື່ອງ​ເງິນ​ແມ່ນ​ແກ້​ໄຂ​ຕາມ​ຫລັງກໍ​ໄດ້.

​​ຈາກ​ປະກົດ​ການ​ເກີດ​ຂຶ້ນ​ນີ້, ​ມັນ​​ສະທ້ອນ​ໃຫ້​​ເຫັນ​ແນວ​ຄິດ​ທີ່​ສວນ​ທາງ​ກັນກັບ​ຄໍາ​ເວົ້າ​ທີ່ພວກ​ເຮົາມັກ​ໄດ້​ຍີ​ນ​ເລື່ອຍໆ​ວ່າຕ້ອງ​ສ້າງ​ໂອກາດ​ໃຫ້​ເດັກນ້ອຍ​ໄດ້​ເຂົ້າ​ເຖິງ​ການ​ສຶກສາ​ໃຫ້​ຫລາຍ​ຂຶ້ນ. ​

- lattana 1 - ສິ່ງ​ບໍ່​ຄວນ​ເກີດ​ໃນ​ມື້​ເປີດ​ສົກຮຽນ

ຄື​ດັ່ງ​ພວກ​ເຮົາ​ຮູ້​ນໍາ​ກັນ​ວ່າ: ​ແຕ່​ໃດ​ໆມາ, ພັກ ​ແລະ ລັດຖະບານ​ເຮົາຍາມ​ໃດ​ກໍ​ໄດ້​ຖື​ວຽກ​ງານ​ພັດທະນາການ​ສຶກສາ​ໄປ​ກ່ອນວຽກ​ງາ​ນ​ອື່ນໆ​ບາດກ້າວ​ໜຶ່ງ, ​ພ້ອມ​ທັງໄດ້​ຊຸກຍູ້​ສົ່ງ​​ເສີມ​ໃຫ້​ທຸກ​ພາກສ່ວນ​ສັງຄົມ​ໄດ້​ມີ​ພັນທະປະກອບສ່ວນ​ເຂົ້າ​ໃນ​ການ​ພັດທະນາວຽກ​ງານດັ່ງກ່າວ ​ແລະ ​ມີ​ນະ​ໂຍບາຍ​​ຫລາຍ​ດ້ານ​ຕໍ່​ຜູ້​ລົງທຶນ​ເຂົ້າ​ໃນ​ວຽກ​ງານ​ການ​ສຶກສາ, ​ເພື່ອ​ຂະຫຍາຍ​ໂອກາດ​ໃຫ້​​ເດັກນ້ອຍ​ລູກຫລານ​ໄດ້​ຮຽນໜັງ​ສື​ຕາມ​ແນວທາງ​ນະ​ໂຍບາຍ, ​ແຕ່​ພໍ​ຕົກ​ມາ​ຮອດໄລ​ຍະ​ນີ້, ​ສັງຄົມມີ​ການ​ປ່ຽນ​ແປງຫັນ​ໄປ​ສູ່​ກົນ​ໄກ​​ເສດຖະກິດ​ຕະຫລາດ ​ເຮັດ​ໃຫ້​ຫລາຍສິ່ງ​ຫລາຍ​ອັນ​ໄດ້​ກະທົບ​ຕໍ່​ການ​ດໍາລົງ​ຊີວິດ​ຂອງ​ປະຊາຊົນ,​​ ໂດຍສະ​ເພາະ​ແມ່ນພະນັກງານ-ລັດຖະກອນ ​ຜູ້​ມີ​ລາຍ​ຮັບ​ຕໍ່າ ກໍ​ຕ້ອງ​ອາ​ໄສ​ແຕ່​ເງິນ​ເດືອນ​ເພື່ອ​ມາ​ຈຸນ​ເຈືອ​​ໃຊ້​ຈ່າຍ​ໃນ​ຄອບຄົວ, ກໍ​ດັ່ງ​ກໍລະນີ​ທີ່​ເກີດ​ຂຶ້ນ​ນີ້, ບາງ​​ເທື່ອ​ຜູ້ປົກຄອງ​ອາດ​ຍັງ​ບໍ່​ທັນ​ໄດ້​ຮັບ​ເງິນ​ເດືອນ ຫລື ລາຍ​ຮັບ​ອື່ນໆ​ມາ​ຈູ​ນ​ເຈືອ​ຈ່າຍ​ຄ່າຮໍ່າຮຽນ​ໃຫ້​ລູກ,​ ສະນັ້ນຖ້າ​ດີ​ແທ້​ພວກ​​ເຮົາຄວນ​ຜ່ອນ​ສັ້ນຜ່ອນ​ຍາວ​ເອົາກັນ ​ເພື່ອ​ສ້າງ​ໂອກາດ​ໃຫ້​ລູກ​ຫລານ​ພວກ​ເຮົາ​ໄດ້​ເຂົ້າ​ສຶກສາຮໍ່າຮຽນ.  

error: Content is protected !!