ລາວ-ຮົງກາລີ ຕົກລົງຍົກເວັ້ນວີຊາສຳລັບຜູ້ຖືໜັງສືຜ່ານແດນການທູດ ແລະ ລັດຖະການ

- advert banner 728 90 728x90 - ລາວ-ຮົງກາລີ ຕົກລົງຍົກເວັ້ນວີຊາສຳລັບຜູ້ຖືໜັງສືຜ່ານແດນການທູດ ແລະ ລັດຖະການ

ສັນຍາຍົກເວັ້ນວີຊາສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຮົງກາລີ ໄດ້ຮັບການລົງນາມໃນວັນທີ 11 ມີນາ 2019 ທີ່ປະເທດຮົງກາລີ ​ແລະ ຈະມີຜົນບັງຄັບໃຊ້ນັບແຕ່ວັນທີ 9 ກັນຍານີ້ ເປັນຕົ້ນໄປ ຕາມເນື້ອໃນສຳຄັນດັ່ງລຸ່ມນີ້:

- new3 - ລາວ-ຮົງກາລີ ຕົກລົງຍົກເວັ້ນວີຊາສຳລັບຜູ້ຖືໜັງສືຜ່ານແດນການທູດ ແລະ ລັດຖະການ

1. ຄົນສັນຊາດຂອງຄູ່ສັນຍາຝ່າຍໜຶ່ງ ທີ່ຖືໜັງສືຜ່ານແດນການທູດ ຫຼື ລັດຖະການ ສາມາດເດີນທາງເຂົ້າ-ອອກ, ເດີນທາງຜ່ານດິນແດນຂອງຄູ່ສັນຍາໄດ້ ໃນໄລຍະບໍ່ເກີນ 90 ວັນຂອງໄລຍະເວລາ 180 ວັນ ໂດຍບໍ່ຈໍາເປັນຕ້ອງມີວີຊາ.

2. ໜັງສືຜ່ານແດນການທູດ ແລະ ລັດຖະການ ຈະຕ້ອງມີອາຍຸນຳໃຊ້ຢ່າງໜ້ອຍ 6 ເດືອນນັບແຕ່ມື້ເດີນທາງອອກຈາກປະເທດຄູ່ສັນຍາ.

- lattana 1 - ລາວ-ຮົງກາລີ ຕົກລົງຍົກເວັ້ນວີຊາສຳລັບຜູ້ຖືໜັງສືຜ່ານແດນການທູດ ແລະ ລັດຖະການ

3. ຄົນສັນຊາດຂອງຄູ່ສັນຍາຝ່າຍໜຶ່ງ ທີ່ເປັນສະມາຊິກຂອງສຳນັກງານການທູດ ຫຼື ສຳນັກງານກົງສຸນ ແລະ ຜູ້ຕາງໜ້າອົງການຈັດຕັ້ງສາກົນ ທີ່ຕັ້ງຢູ່ໃນດິນແດນຂອງຄູ່ສັນຍາອີກຝ່າຍໜຶ່ງ, ຄູ່ຮ່ວມສົມລົດ ແລະ ລູກຂອງພວກເຂົາ ຮ່ວມຄອບຄົວດຽວກັນທີ່ຖືໜັງສືຜ່ານແດນທີ່ມີອາຍຸນຳໃຊ້, ຈະຕ້ອງຂໍວີຊາທີ່ເໝາະສົມໃດໜື່ງກ່ອນການເດີນທາງເຂົ້າ.

4. ຄົນສັນຊາດຂອງຄູ່ສັນຍາຝ່າຍໜຶ່ງ, ພາຍຫຼັງໄດ້ຮັບການເຫັນດີໃນການແຕ່ງຕັ້ງມາປະຈຳການ, ສາມາດເດີນທາງເຂົ້າ, ຜ່ານ, ພັກເຊົາ ແລະ ອອກຈາກດິນແດນຂອງຄູ່ສັນຍາອີກຝ່າຍໄດ້ ໂດຍບໍ່ຈຳເປັນຕ້ອງມີວີຊາຕະຫຼອດໄລຍະເວລາປະຈຳການ.

error: Content is protected !!