ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ

ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ - advert banner 728 90 728x90 - ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ
ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ - 4455 - ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ

​ແຫລ່ງ​ຂ່າວ​ທະ​ນາ​ຄານ​ແຫ່ງ ສ​ປ​ປ ລາວ ໃຫ້​ຮູ້​ວ່າ: ໃນໄລຍະບໍ່ດົນມານີ້, ສະພາບອັດຕາແລກປ່ຽນເງິນກີບ ກັບເງິນຕາຕ່າງປະເທດ ໄດ້ມີການເຫນັງຕີງສູງ​ຂຶ້ນ ສົ່ງຜົນກະທົບບາງດ້ານຕໍ່ ການດໍາເນີນທຸລະກິດ, ເຮັດໃຫ້ພໍ່ຄ້າ-ຊາວຂາຍຈໍານວນຫນຶ່ງ ພົບຄວາມຫຍຸ້ງຍາກ ແລະ ມີຄໍາຄິດຄໍາເຫັນທີ່ຫຼາກຫຼາຍເກີດຂຶ້ນໃນ ສັງຄົມ, ຕໍ່ບັນຫາດັ່ງກ່າວຄື:  ພວກເຮົາຄວນເຂົ້າໃຈເຖິງສາເຫດ ແລະ ຄວາມເປັນຈິງຂອງບັນຫາດັ່ງກ່າວ, ໃນປີ 2019, ສະພາບຕະຫຼາດ ເງິນຕາຢູ່ສາກົນ ເຫັນວ່າມີການຜັນຜວນຫຼາຍສົມຄວນໂດຍສະເພາະແມ່ນຄ່າເງິນໂດລາ (ສະຫະລັດ) ແລະ ເງິນບາດ, ໂດຍລວມແລ້ວໃນ ໄລຍະ 8 ເດືອນຂອງປີ 2019, ຄ່າເງິນໂດລາ (ສະຫະລັດ) ແຂງຄ່າ 1,5% ທຽບກັບເງິນເອີໂຣ ແລະ ເງິນບາດແຂງຄ່າຂຶ້ນ 3,50% ທຽບ ກັບເງິນໂດລາສະຫະລັດ.

ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ - new3 - ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ

ຈາກສະພາບການແຂງຄ່າຂອງເງິນໂດລາສະຫະລັດ ແລະ ເງິນບາດຢູ່ໃນຕະຫຼາດສາກົນຄືດັ່ງກ່າວນັ້ນ ໄດ້ສົ່ງຜົນກະທົບໃຫ້ຄ່າ ເງິນກີບທຽບກັບເງິນໂດລາສະຫະລັດ ແລະ ເງິນບາດອ່ອນຄ່າລົງຢ່າງຫຼີກລ້ຽງບໍ່ໄດ້ເນື່ອງຈາກປັດໄຈພື້ນຖານທີ່ສໍາຄັນທາງດ້ານ ເສດຖະກິດຂອງປະເທດເຮົາຍັງບໍ່ທັນມີການຜະລິດສິນຄ້າພາຍໃນທີ່ເຂັ້ມແຂງ, ສ່ວນໃຫຍ່ໄດ້ເພິ່ງພາການນໍາເຂົ້າສິນຄ້າຈາກຕ່າງປະເທດ ມາເປັນເວລາດົນນານ ໂດຍສະເພາະສິນຄ້າອຸປະໂພກ ແລະ ບໍລິໂພກລວມທັງສິນຄ້ານໍາເຂົ້າ ແລະ ວັດຖຸດິບ ເພື່ອການລົງທຶນ ຊຶ່ງເຮັດໃຫ້ ປະເທດເຮົາ ຍັງມີລັກສະນະຂາດດຸນການຄ້າກັບຕ່າງປະເທດຢ່າງຕໍ່ເນື່ອງ, ຈາກສະພາບຄືດັ່ງກ່າວ ເຮັດໃຫ້ສັງຄົມເກີດມີຄວາມຕ້ອງການ ເງິນຕາຕ່າງປະເທດເພື່ອຊໍາລະຄ່າການນໍາເຂົ້າສິນຄ້າ ແລະ ບໍລິການໃນແຕ່ລະປີສູງກວ່າຄວາມສາມາດຕອບສະຫນອງຂອງລະບົບ ເສດຖະກິດຂອງປະເທດເຮົາ.

ຈາກບັນຫາການອ່ອນຄ່າຂອງເງິນກີບດັ່ງທີ່ກ່າວມານັ້ນ ມັນໄດ້ສົ່ງຜົນກະທົບຕໍ່ລາຄາສິນຄ້າ ແລະ ຊີວິດການເປັນຢູ່ຂອງ ປະຊາຊົນໂດຍລວມ, ດັ່ງນັ້ນ, ເພື່ອປ້ອງກັນ ແລະ ຈໍາກັດບໍ່ໃຫ້ມີຜົນກະທົບຮຸນແຮງ, ທະນາຄານແຫ່ງ ສປປ ລາວ ໄດ້ມີຄວາມ ພະຍາຍາມໃນການຈັດຕັ້ງປະຕິບັດນະໂຍບາຍເງິນຕາເພື່ອຄວບຄຸມປະລິມານເງິນໃນຂອດຈໍລະຈອນໃຫ້ຢູ່ໃນລະດັບທີ່ເຫມາະສົມກັບສະ ພາບການພັດທະນາເສດຖະກິດ-ສັງຄົມຂອງປະເທດ ແລະ ຈັດຕັ້ງປະຕິບັດນະໂຍບາຍອັດຕາແລກປ່ຽນຕາມກົນໄກຕະຫຼາດທີ່ມີການຄຸ້ມ ຄອງຂອງລັດ.

ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ - lattana 1 - ສະ​ພາບ​ອັດ​ຕາ​ແລກ​ປ່ຽນ​ເງິນຕາ​​ຂອງ ສ​ປ​ປ ລາວ

ເຖິງຢ່າງໃດກໍ່ຕາມ, ເພື່ອຫຼຸດຜ່ອນຄວາມຕ້ອງການເງິນຕາຕ່າງປະເທດຂອງສັງຄົມ, ໃນຂະນະທີແຫຼ່ງລາຍຮັບເປັນເງິນຕາຕ່າງ ປະເທດຂອງປະເທດເຮົາຍັງບໍ່ຫຼາຍ ຍ້ອນສະພາບການຂາດດຸນການຄ້າກັບຕ່າງປະເທດຢ່າງຕໍ່ເນື່ອງນັ້ນ, ມັນແມ່ນຄວາມຈໍາເປັນຢ່າງພາວະ ວິໄສໃຫ້ພວກເຮົາ ຕ້ອງມີການປະຢັດໃນການໃຊ້ຈ່າຍເງິນຕາຕ່າງປະເທດໃນສັງຄົມ, ພ້ອມກັນນີ້, ຂະແຫນງການທີ່ກ່ຽວຂ້ອງຄວນຊຸກຍູ້ສົ່ງເສີມການລົງທຶນໃນຂະແຫນງການເສດຖະກິດທີ່ເປັນທ່າແຮງດ້ານການສົ່ງອອກໃຫ້ຫຼາຍຂຶ້ນ ແລະ ສ້າງເງື່ອນໄຂທີ່ເອື້ອອໍານວຍກ່ວາ ເກົ່າ ເພື່ອດຶງດູດການລົງທຶນຂອງຕ່າງປະເທດລວມທັງປັບປ່ຽນພຶດຕິກໍາໃນການຊົມໃຊ້ສິນຄ້າ ແລະ ການບໍລິການພາຍໃນປະເທດໃຫ້ ຫຼາຍຂຶ້ນ, ຈໍາກັດການນໍາເຂົ້າສິນຄ້າທີ່ບໍ່ຈໍາເປັນ ແລະ ຟຸມເຟືອຍ, ສົ່ງເສີມການທ່ອງທ່ຽວພາຍໃນປະເທດ ແລະ ດຶງດູດນັກທ່ອງທ່ຽວ ຕ່າງປະເທດເຂົ້າມາປະເທດເຮົາໃຫ້ຫຼາຍຂຶ້ນ, ຖ້າເຮັດໄດ້ຄືແນວນັ້ນ ຈະເຮັດໃຫ້ພວກເຮົາມີແຫຼ່ງເງິນຕາຕ່າງປະເທດ ເພື່ອຕອບສະຫນອງ ຄວາມຕ້ອງການຂອງລະບົບເສດຖະກິດຂອງປະເທດເຮົາ ແລະ ຈະຮັບປະກັນໃຫ້ອັດຕາແລກປ່ຽນເງິນກີບທຽບກັບເງິນຕາຕ່າງປະເທດ ຫມັ້ນທ່ຽງ.

error: Content is protected !!