ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ

- advert banner 728 90 728x90 - ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ

​ແຫ​ລ່ງຂ່າວ​ທ້ອງ​ຖິ່ນ​ລາຍ​ງານ​ໃຫ້​ຮູ້​ວ່າ:​ ພາຍຫລັງມີ​ຝົນຕົກ​ໜັກຕິດ​ຕໍ່​ຫລາຍ​ວັນ​ໃນທົ່ວ​ທຸກ​ພາກ​ຂອງ​ປະ​ເທດ​ເຮົາ​ໃນ​ອາທິດຜ່ານ​ມາ, ​ໄດ້​​ເຮັດ​ໃຫ້​ແມ່​ນໍ້າ​ສາຍ​ຕ່າງໆ​ມີ​ລະດັບ​ສູງ​ຂຶ້ນ​ກາຍ​ເຂດ​ລະວັງ​ໄພ ຄື: ​ແມ່ນໍ້າ​​ເຊ​ກອງ, ​ເຊ​ໂດນ ​ໄດ້​​ໄຫລ​ຖ້ວມ​ເຮືອນ​ຊານ​ບ້ານ​ຊ່ອງ, ​ເນື້ອ​ທີ່​ການຜະລິດຂອງ​ປະຊາຊົນຫລາຍ​ທ້ອງ​ຖິ່ນ​ໃນ​ເຂດ​ພາກ​ໃຕ້​​ໄດ້​ຮັບ​ຜົນ​ກະທົບ​ຢ່າງ​ໜັກ​ໜ່ວງ.

- new3 - ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ

ສະ​ເພາະ​ຢູ່ແຂວງ​ຈໍາປາ​ສັກ, ​ແມ່ນໍ້າຂອງ​ຍຶ່ງ​ສູງ​ຂຶ້ນ​ຖ້ວມ​ເສັ້ນ​ທາງ​ສາຍ​ຕ່າງໆຢູ່ລຽບ​ແຄ​ມ​ແມ່​ນໍ້າ​ດັ່ງກ່າວ, ປະຊາຊົນຈໍາ​ຕ້ອງ​ໄດ້​ຂົນ​ຍ້າຍ​ວັດຖຸສິ່ງຂອງ​ໄປ​ໄວ້ບ່ອນປອດ​ໄພ​ແລ້ວ. ສ່ວນ​ປະຊາຊົນທີ່ຢູ່​ລຽບ​ແຄມ​​ແມ່​ນໍ້າ​ເຊ​ໂດນກໍ​​ໄດ້​ຮັບ​ຜົນ​ກະທົບ​ໜັກເຊັ່ນ​ດຽວ​ກັນ. ​

- 70503264 1772037126273835 918031203477487616 n - ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ
- 69648738 1772037062940508 6255020929139605504 n - ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ

ປັດ​ຈຸ​ບັນ, ຄະນະ​ກໍາມະການ​ປ້ອງ​ກັນ ​ແລະ ຄວບ​ຄຸມ​ໄພພິບັດ​ຂັ້ນ​ແຂວງ​ໄດ້​ໃຊ້​ຈັກສູບ​ນໍ້າ​ໃຫຍ່​ຫລາຍ​ໜ່ວຍເລັ່ງສູບ​ນໍ້າ​ອອກ​ຈາກ​ເຂດສໍາຄັນ​ຄື:​ ຈຸດ​ບ້ານ​ໂພນກຸງ, ຕະຫລາດ​ດາວ​ເຮືອງ, ປາກຫ້ວຍ​ເດື່ອ, ບຸ່ງອຸດົມ, ບ້ານ​ນາ​ແກ ​ແລະ ຈຸດ​ອື່ນ​ໆ ​ເພື່ອປ້ອງ​ກັນ​ບໍ່​ໃຫ້​ນໍ້າ​ຖ້ວມ​​ເຂດ​ຕົວ​ເມືອງ​ນະຄອນ​ປາກ​ເຊ.

ສ່ວນຢູ່​ເມືອງ​ສຸຂຸ​ມາ, ​ເຮືອນ​ປະຊາຊົນຫລາຍ​ຫລັງ ​ແລະ ​ເນື້ອ​ທີ່​ການ​ຜະລິດ​ຢູ່​ບ້ານ​ລາດ, ບ້ານ​ໂພນ, ບ້ານ​ບົກ, ກູດ​ຕະບູນ, ຫ້ວຍ​​ໃຜ່, ບ້ານ​ມ່ວງ, ປ່າ​ກໍ່ ​ແລະ ບ້ານ​ສຸຂຸມາ ກໍ​ຖືກ​ນໍ້າ​ຖ້ວມ​ຫລາຍ​ສົມຄວນ. ສ່ວນ​ຢູ່​ເມືອງ​ໂຂງ, ບາ​ຈຽງ​ຈະ​ເລີ​ນສຸກ, ປະ​ທຸມ​ພອນ, ປາກ​ຊ່ອງ, ຈໍາປາ​ສັກ, ​ໂພນ​ທອງ, ຊະນະ​ສົມບູນ ກໍ​ໄດ້​ຕິດ​ຕາມ​ເຝົ້າ​ລະວັງ​ຢ່າງ​ໃກ້ຊິດ​ຕໍ່​ສະພາບ​​ໄພ​ທໍາ​ມະ​ຊາດດັ່ງກ່າວ​ເພື່ອ​ສາມາດ​ຮັບ​ມື​ໄດ້​ທັນ​ການ.

- lattana 1 - ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ
- 69813714 2420027561575269 8348589564910108672 n - ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ
- 69546644 2420027391575286 8329241810983452672 n - ຫລາຍ​ແຂວງ​ພາກ​​ໃຕ້​ໄດ້​ຮັບ​ຜົນກະທົບໜັກ​ຈາກ​ໄພນໍ້າ​ຖ້ວມ

ຂ່າວ​ໃຫ້​ຮູ້​ອີກ​ວ່າ: ​ໃນ​ວັນ​ທີ 3 ກັນຍານີ້, ​​​ພະ​ແນ​ກຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມແຂວງ​ເຊ​ກອງ ກໍ​ໄດ້​ອອກ​ແຈ້ງ​ການ​ເຕືອນ​​ໃຫ້​ປະຊາຊົນ​ທີ່​​ອາ​ໄສ​ຢູ່​ລຽບ​ແຄມ​ແມ່​ນໍ້າ​ເຊ​ກອງ, ຮີບ​ຮ້ອນ​ຂົນ​ຍ້າຍ​ສິ່ງ​ຂອງ​ໄປ​ໄວ້​ບ່ອນ​ປອດ​ໄພ, ​ເນື່ອງ​ຈາກ​ລະດັບ​ນໍ້າ​ດັ່ງກ່າວ​​ຍັງ​ສືບ​ຕໍ່​ສູງ​ຂຶ້ນ​ໃກ້​ລະດັບ​ອັນ​ຕະລາຍ​​ແລ້ວ.

ສ່ວນ​ຢູ່​ແຂວງ​ສາລະ​ວັນ ກໍ​ມີ​ສະພາບ​ນໍ້າຖ້ວມ​ເປັນ​ບໍລິ​ເວນ​ກວ້າງ​ເຊັ່ນ​ກັນ, ​ໂດຍ​ສະ​ເພາະ​ເຂດ​ໃກ້​ຄຽງ​ແມ່​ນໍ້າ​ລໍາ​ເຊ, ບ່ອນທີ່​​ເປັນ​ພື້ນ​ທີ່​ຕໍ່າ ອັນ​ໄດ້​ເຮັດ​ໃຫ້ການ​ສັນຈອນ​ໄປມາ​ພົບ​ຄວາມ​ຫຍຸ້ງຍາກ​ລໍາບາກ​ສົມຄວນ​.

error: Content is protected !!