ໄຂສົກຮຽນໃໝ່ແລ້ວ, ການໄປມາໃຫ້ສະດວກ

ໄຂສົກຮຽນໃໝ່ແລ້ວ, ການໄປມາໃຫ້ສະດວກ - advert banner 728 90 728x90 - ໄຂສົກຮຽນໃໝ່ແລ້ວ, ການໄປມາໃຫ້ສະດວກ

ໂດຍ: ທິດ​ກ່ຳ

ໄຂສົກຮຽນໃໝ່ແລ້ວ, ການໄປມາໃຫ້ສະດວກ - lattana 1 - ໄຂສົກຮຽນໃໝ່ແລ້ວ, ການໄປມາໃຫ້ສະດວກ
ໄຂສົກຮຽນໃໝ່ແລ້ວ, ການໄປມາໃຫ້ສະດວກ - new3 - ໄຂສົກຮຽນໃໝ່ແລ້ວ, ການໄປມາໃຫ້ສະດວກ

  ສົກຮຽນໃໝ່ 2019-2020 ໄດ້ເລີ່ມເປັນທາງການມາແຕ່ວັນທີ 2 ກັນຍາ 2019 ໂອກາດສົກຮຽນປີນີ້, ທ່ານ ນາຍົກລັດຖະມົນຕີ ທອງລຸນ ສີສຸລິດ ໄດ້ມີສານອວຍພອນເນື່ອງໃນວັນໄຂສົກຮຽນໃໝ່,  ໃນນາມລັດຖະບານ ແລະ ໃນ ນາມສ່ວນຕົວ ຝາກຄວາມຢ້ຽມຢາມຖາມຂ່າວ ແລະ ອວຍພອນອັນປະເສີດໄປຍັງຜູ້ບໍລິຫານການສຶກສາທຸກຂັ້ນ, ບັນດາຄູອາຈານ ແລະ ນັກຮຽນນັກສຶກສາທຸກໆ ຄົນໃນທົ່ວປະເທດ.

ນອກຈາກນັ້ນ, ທ່ານນາຍົກເຮົາຍັງໄດ້ຮຽກຮ້ອງບັນດາຄູ-ອາຈານນັກຮຽນນັກສຶກສາ ຈົ່ງໄດ້ເພີ່ມທະວີຄວາມ ຮັບຜິດຊອບຕໍ່ໜ້າທີ່ຂອງຕົນ, ສືບຕໍ່ສິດສອນ ແລະ  ຮ່ຳຮຽນເອົາຄວາມຮູ້ໃໝ່ໆ ເພື່ອປະກອບສ່ວນເຂົ້າໃນ      ພາລະກິດສ້າງສາພັດທະນາປະເທດຊາດໃນອະນາຄົດ.

ແນວໃດກໍຕາມ, ໃນໂອກາດສົກຮຽນປີນີ້ອີກສິ່ງໜຶ່ງທີ່ພວກເຮົາຕ້ອງໄດ້ເອົາໃຈໃສ່ຮ່ວມກັນກໍຄືການໄປ,   ການມາໃນທ້ອງຖະໜົນໂດຍ ສະເພາະແມ່ນຢູ່ໃນນະຄອນຫລວງວຽງຈັນ ແລະ ບັນດາ ຕົວເມືອງໃຫຍ່ໆ ໃນທົ່ວປະເທດ, ບັນຫາອັນສຳຄັນກໍ ແມ່ນການນຳໃຊ້ລົດ, ໃຊ້ຖະໜົນຄວນໄດ້ລະມັດລະວັງ ບໍ່ໃຫ້ເກີດອຸປະຕິເຫດ,ຮັບປະກັນສົ່ງລູກຫລານໃຫ້ ທັນໂຮງຮຽນທັງມີຄວາມ ປອດໄພສູງ.

ສະພາບບ້ານເຮົາໃນປັດຈຸບັນເຫັນວ່າຈຳນວນລົດກໍ ເພີ່ມຂຶ້ນຕິກໆ, ຈຳນວນນັກຮຽນນັກ-ສຶກສາກໍເພີ່ມຂຶ້ນໃນແຕ່ລະປີອັນຈະເປັນສາເຫດໜຶ່ງທີ່ພົວພັນເຖິງການໄປມາເຂົ້າຮຽນ, ເລິກຮຽນ ຂອງລູກຫລານນັກຮຽນ- ນັກສຶກສາໃນທຸກບ່ອນໃນທົ່ວປະເທດ.

ໃນປີຜ່ານໆມາ, ເວົ້າເຖິງສະພາບການສົ່ງລູກຫລານ ໄປໂຮງຮຽນມີຫລາຍ ສະ ຖາບັນເກີດຄວາມແອອັດ, ຊັກ ຊ້າຍ້ອນລົດຕິດ, ບາງໂຮງຮຽນກໍບໍ່ມີຕຳຫລວດຈະລາ ຈອນໄປເຮັດໜ້າທີ່ສັນຍານ ເພື່ອລະບາຍລົດຕິດ,  ອັນ ເປັນເຫດໜຶ່ງໃຫ້ແກ່ຍາວເວລາເຂົ້າຮຽນຂອງລູກຫລານ.

ເທົ່າທີ່ທິດກ່ຳເຫັນພໍ່ແມ່ ນັກຮຽນບາງລາຍເພິ່ນໄປສົ່ງລູກຈອດລົດຕັນໜ້າໝູ່ທັງ ແກ່ຍາວເວລາຊ້ຳບໍ່ໜຳເຫັນ ລົມກັນເບີດເຈິະ, ເບີດເຈິ້ມ, ທັງຈູບທັງຫອມແກ້ມກັນແບບບໍ່ຫວ່ງຟ້າຫວ່ງແຖນ, ບໍ່ເຫັນໃຈເພິ່ນໃຈໂຕກ່ອນຈະ ຂັບລົດອອກກໍເປັນຫ້າເປັນ ສິບນາທີ.

ພວກທີ່ມັກເປັນແບບນີ້ ສ່ວນຫລາຍກໍແມ່ນລົດຫລູ ຫລາຄັນງາມໆປຣາໂດ້, ເລັກສັດ, ວິໂກ້ຣີໂວ້, ຟໍຈູນ ເນີ, ລາມໄປຮອດປະເພດອື່ນໆ ກໍມີຫລາກຫລາຍເຊັ່ນກັນ, ນີ້ລະຄືປາກົດການທີ່ເກີດຂຶ້ນໃນສັງຄົມຕົວເມືອງບ້ານ ເຮົາເວົ້າສະເພາະແມ່ນໃນ ເວລາໄປສົ່ງລູກຫລານຢູ່ ໂຮງຮຽນ ເຊິ່ງມັນກໍແຕກຕ່າງກັນກັບຜູ້ມີລົດຈັກແບບໄປ ງ່າຍມາງ່າຍຕັ້ງ ຫລາຍເທົ່າ.

 ນັບແຕ່ມື້ໄຂສົກຮຽນ ໃໝ່ ເປັນຕົ້ນມາ, ເທົ່າທີ່ທິດກ່ຳ ເຫັນຖະໜົນສາຍຫລັກໆ ເຊັ່ນ: ຖະໜົນລ້ານຊ້າງ, ຖະໜົນໄກສອນ ພົມວິຫານ ຍ່ານ ໂຮງຮຽນອຸດົມວຽງຈັນ, ໂຮງຮຽນສິນໄຊແຕ່ເວລາ 7:00 ໂມງຫາ 8:00 ໂມງມີສະພາບ ລົດຕິດຢາວຢຽດແຕ່ເບິ່ງກໍປາກົດວ່າບໍ່ລ້າຊ້າເກີນເຫດຮອດ 8:00 ໂມງກວ່າ, ສະພາບລົດຕິດກໍຄ່ອຍເບົາ ບາງລົງເປັນໄລຍະໆ.

ເຖິງຢ່າງໃດກໍດີ, ດ້ວຍ ເງື່ອນໄຂບ້ານເມືອງກຳລັງພັດທະນາຄືດັ່ງພວກເຮົາເຫັນ ໃນປັດຈຸບັນລົດນັບມື້ເພີ່ມຂຶ້ນແຕ່ການພັດທະນາເສັ້ນທາງໃຫ້ໄດ້ມາດຕະຖານທຸກເສັ້ນ ພັດຂ້ອນຂ້າງຈຳກັດ, ບາງເສັ້ນກໍ່ສ້າງໄປແລ້ວກໍເປ່ເພ ເປັນບວກຂຸມຍ້ອນຫລາຍ ປັດໄຈຈຶ່ງຂໍໃຫ້ທຸກຄົນມີສະ ຕິໃນການໄປມາ.

ໄຂສົກຮຽນໃໝ່ແລ້ວ, ການໄປມາໃຫ້ສະດວກ - 374 - ໄຂສົກຮຽນໃໝ່ແລ້ວ, ການໄປມາໃຫ້ສະດວກ
error: Content is protected !!