ເຄັດລັບແຂງແຮງແລະອາຍຸຍືນດ້ວຍເຫັດ

- advert banner 728 90 728x90 - ເຄັດລັບແຂງແຮງແລະອາຍຸຍືນດ້ວຍເຫັດ

    ຄົນຍີ່ປຸ່ນອາຍຸຍືນຍ້ອນມີວິທີການເບິ່ງແຍງດູແລສຸຂະພາບທີ່ດີ, ເນັ້ນການກິນອາຫານທີ່ມີປະໂຫຍດ, ບໍລິໂພກປາ, ຖົ່ວເຫລືອງ, ພືດສະໝຸນໄພຕ່າງໆ ແລະ ສິ່ງສຳຄັນແມ່ນການກິນເຫັດເປັນອາຫານຫລັກທີ່ເປັນສ່ວນປະກອບໃນລາຍການອາຫານເກືອບທຸກຄາບມາເປັນເວລາດົນນານມາແລ້ວ ສະເລ່ຍມື້ລະ 15 ກຣາມ. ໃນປະຫວັດສາດເຊື່ອກັນວ່າ ການກິນເຫັດເປັນໜື່ງໃນເຄັດລັບການດູແລສຸຂະພາບຂອງຈັກກະພັດຍີ່ປຸ່ນໃນສະໄໝບູຮານທີ່ຖ່າຍທອດມາເຖິງຄົນຍີ່ປຸ່ນໃນຍຸກປະຈຸບັນ ນອກຈາກຈະໃຫ້ປະໂຫຍດໃນ ຮູບແບບທີ່ເປັນສານອາຫານແລ້ວ ເຫັດສາຍພັນຍີ່ປຸ່ນບາງຊະນິດຍັງຖືເປັນໜຶ່ງໃນໂຕຊ່ວຍດູແລສຸຂະພາບໄດ້ນຳ ກໍຍ້ອນວ່າເຫດຍີ່ປຸ່ນມີຊີ້ນນຸ້ມ ມີຄວາມຄ້າຍຄືການກິນຊີ້ນສັດ ຖືເປັນໂປຣຕິນທີ່ດີສຳລັບຄົນວີແກນ ແລະ ຄົນກິນເຈ ເສີມສ້າງພູມຕ້ານທານໃນຮ່າງກາຍໃຫ້ສາມາດປ້ອງກັນປັດໄຈພາຍນອກທີ່ຮ່າງກາຍບໍ່ສາມາດຄວບຄຸມໄດ້ ເຊັ່ນ : ອາກາດປ່ຽນແປງຕະຫລອດ, ມົນລະພິດ ຕ່າງໆທີ່ຢູ່ອ້ອມໂຕໄດ້ເປັນຢ່າງດີ.

- new3 - ເຄັດລັບແຂງແຮງແລະອາຍຸຍືນດ້ວຍເຫັດ
- 030409 2019 - ເຄັດລັບແຂງແຮງແລະອາຍຸຍືນດ້ວຍເຫັດ

     – ເຫັດຊິຕາເກະ ຫລື ເຫັດຫອມ : ເປັນເຫັດຍີ່ປຸ່ນທີ່ນິຍົມກິນກັນຫລາຍທີ່ສຸດ, ມີລັກສະນະເປັນໝວກຂະໜາດໃຫຍ່, ສີນຳ້ຕານຈົນເຖິງສີດຳ ຈຸດເດັ່ນແມ່ນລົດຊາດຄ້າຍຄືກິ່ນຄັວນ, ມີກິ່ນຫອມທີ່ໂດດເດັ່ນກ່ວາເຫັດຊະນິດອື່ນໆ ເໝາະສົມຕໍ່ການເຮັດແກງ ແລະ ຈືນກອບ, ຖ້າຢາກໄດ້ນຳ້ເຫັດຊິຕາເກະມາປຸງແຕ່ງເປັນອາຫານ ຄວນແຊ່ເຫັດຢ່າງໜ້ອຍ 30 ນາທີ.

     – ເຫັດໄມຕາເກະ : ໃນພາສາຍີ່ປຸ່ນແປວ່າ ເຫັດເຕັ້ນ ມີລັກສະນະດອກບານຄ້າຍຄືຂົນນົກ, ຖານດອກສີຂາວ, ມີຮູບຮ່າງຄ້າຍເຫັດນາງລົມ, ສາມາດພົບໄດ້ເທິງຕົ້ນໄມ້ໃນປ່າ, ມີຊີ້ນນຸ້ມ, ລົດຊາດເຂັ້ມຂຸ້ນ ແລະ ເຜັດໜ້ອຍໜຶ່ງ ຂຶ້ນຢູ່ກັບສະພາບຂອງດິນ, ເໝາະສົມຕໍ່ການປຸງອາຫານເປັນຂອງກິນຫລິ້ນ ຫລື ຕົ້ມຕຸ໋ນໄວ້ເປັນແກງຫູບແຊບໆກໍໄດ້.

     – ເຫັດຍາມາບູຊິຕາເກະ ຫລື ເຫັດຝ້າຍ : ໃນພາສາຍີ່ປຸ່ນແປວ່າ ຜູ້ຫລັບໄຫລໃນພູເຂົາ ເພາະເຫັດຊະນິດນີ້ມັກຈະເກີດ ຫລື ຈັບຢູ່ຕາມບໍລິເວນຕົ້ນໄມ້, ເຫັດມີລັກສະນະຄ້າຍຄືເສັ້ນໄໝສີຂາວ, ຟູ ແລະ ຫຍັອງຄືຝ້າຍ, ກິ່ນຫອມຄ້າຍຄືເຫັດນາງລົມຫລາຍ.

     – ເຫັດນາມິໂກະ : ໄດ້ຮັບຄວາມນິຍົມເປັນອັນດັບ 2 ຮອງຈາກຊິຕາເກະ ສາມາດພົບເຫັດນາມິໂກະໄດ້ໃນປ່າ, ເຕີບໃຫຍ່ເທິງຕົ້ນໄມ້ທີ່ຕາຍແລ້ວ, ມີລັກສະນະເປັນດອກນ້ອຍສີນຳ້ຕານອ່ອນ, ຜິວຂອງເຫັດຈະມີເມືອກເຈລາຕິນປົກຄຸມຢູ່ ເຮັດໃຫ້ມີຊື່ວ່າ ເຫັດມື່ນ ສາມາດເອົາມາປຸງແຕ່ງເປັນແກງມິໂຊະ ແລະ ຊອຍໃສ່ນຳ້ຊ໊ອດຖົ່ວເຫລືອງ, ນຳ້ສົ້ມສາຍຊູ ກໍແຊບໄດ້ຄືກັນ.

- lattana 1 - ເຄັດລັບແຂງແຮງແລະອາຍຸຍືນດ້ວຍເຫັດ

     – ເຫັດມັດສຶທາເກະ : ເຫັດຄຸນນະພາບດີມີລາຄາສູງຫລາຍ ທຽບເທົ່າກັບເຫັດທຣັບເຟິລ ແລະ ມັອລ ລາຄາກິໂລລະປະມານ 452 ໂດລາສະຫະລັດ. ເຫັດມັດສຶມີໝວກສີນຳ້ຕານເຂັ້ມ, ລຳຕົ້ນສີຂາວອວບ ສາມາດພົບເຫັດມັດສຶທາເກະໄດ້ຢູ່ຮາກຂອງຕົ້ນສົນສີແດງ ລາຍການອາຫານທີ່ແຊບສຸດໃນການປຸງແຕ່ງເຫັດມັດສຶທາເກະແມ່ນໜຶ້ງໃນການຳ້ຊາດິນເຜົາ ຫລື ຈືນກັບເຂົ້າ ກໍຈະໄດ້ກິ່ນຫອມຕາແຊບ ແລະ ຄວນປຸງແຕ່ງສຸກທັນທີ ບໍ່ຄວນເກັບໄວ້ຂ້າມຄືນ.

     –  ເຫັດຊິເມຈິ : ເຫັດທີ່ເບິ່ງແລ້ວໜ້າຮັກ, ມີຂະໜາດນ້ອຍໆ ແຕ່ມີຊີ້ນແໜ້ນຫລາຍ, ເຕີບໃຫຍ່ໄດ້ດີໃນປ່າເທິງຮາກຂອງຕົ້ນໄມ້ ເໝາະສົມຕໍ່ການເອົາມາເຮັດແກງປະສົມກັບເຂົ້າ ຫລື ຂົ້ວ. ນອກນີ້ສາມາດເອົາມາປຸງແຕ່ງເປັນສ່ວນປະກອບຂອງຂອງຫວານຄືກັບຊັອກໂກແລັດໄດ້.

      – ເຫັດຫລິນຈື : ສາຍາແຫ່ງຕາເວັນອອກ ເຊິ່ງມີປະຫວັດການໃຊ້ເປັນຢາ ແລະ ບຳລຸງຮ່າງກາຍມາຍາວນານໃນປະເທດຍີ່ປຸ່ນ, ຈີນ ແລະ ປະເທດໃນອາຊີ ເປັນສັນຍະລັກແຫ່ງຄວາມຈະເລີນຮຸ່ງເຮືອງ, ສຸຂະພາບດີ ແລະ ອາຍຸຍືນຍາວ. ເຫັດຫລິນຈືມີລັກສະນະເປັນເຫັດສີດຳ, ຜິວທາງນອກເປັນມັນເຫລື້ອມ ແລະ ເປັນເນື້ອໄມ້ ເໝາະສົມກັບການກິນເປັນຢາ, ເປັນແກງເພື່ອບຳລຸງຮ່າງກາຍ, ຮ່າງກາຍອ່ອນເພຍ ແລະ ອາກາດເຢັນໆ ເໝາະສົມຕໍ່ການກິນເຫັດຊະນິດນີ້ຫລາຍທີ່ສຸດ. ທ່ານສາມາດກິນເຫັດຍີ່ປຸ່ນຫລາກຫລາຍຊະນິດນີ້ໄດ້ທັງຈາກດອກເຫັດສົດໆ ຫລື ຈະກິນເຫັດທີ່ເປັນສ່ວນປະກອບໃນອາຫານເສີມ, ເຄື່ອງດື່ມ, ຂອງຫວານ ຫລື ໃນຮູບແບບເຂົ້າໜົມສຳເລັດຮູບກໍໄດ້ປະໂຫຍດທີ່ດີຕໍ່ສຸຂະພາບຄືກັນ.

error: Content is protected !!