ເຂື່ອນນໍ້າເທີນ 2 ຢຸດຕິການປ່ອຍນໍ້າລົງແມ່ນໍ້າເຊບັ້ງໄຟຊົ່ວຄາວ

ບໍລິສັດໄຟຟ້ານໍ້າເທີນ 2 ໄດ້ຢຸດຕິການຜະລິດກະແສໄຟຟ້າ ແລະ ປ່ອຍນໍ້າລົງຄອງເໝືອງສົ່ງນໍ້າລົງສູ່​ເຊບັ້ງໄຟຊົ່ວຄາວ, ຍ້ອນລະດັບນໍ້າໃນເຊບັ້ງໄຟເຂດເມືອງມະຫາໄຊລຸ່ມເຮືອນຈັກໃກ້ຈະລົ້ນຕະຝັ່ງ. ເພື່ອປະຕິ ບັດຕາມສັນຍາສຳປະທານລະຫວ່າງບໍລິສັດໄຟຟ້ານໍ້າເທີນ 2 ແລະ ລັດຖະບານລາວທີ່ກໍານົດໄວ້ຄື : ໂຄງການໄຟຟ້ານໍ້າເທີນ 2 ຈະຕ້ອງລຸດອັດຕາການປ່ອຍນໍ້າລົງສູ່ນໍ້າເຊບັ້ງໄຟເມື່ອອັດຕາການໄຫລຂອງນໍ້າດັ່ງກ່າວຢູ່ເມືອງມະຫາໄຊຂຶ້ນຮອດລະດັບ 14,4 ແມັດ.

- new3 - ເຂື່ອນນໍ້າເທີນ 2 ຢຸດຕິການປ່ອຍນໍ້າລົງແມ່ນໍ້າເຊບັ້ງໄຟຊົ່ວຄາວ
- 54279274 1710118189089973 5111846607997894656 n - ເຂື່ອນນໍ້າເທີນ 2 ຢຸດຕິການປ່ອຍນໍ້າລົງແມ່ນໍ້າເຊບັ້ງໄຟຊົ່ວຄາວ

ໃນວັນທີ 4 ກັນຍານີ້, ບໍລິສັດໄຟຟ້າເທີນ 2 ໄດ້ຈັດກອງປະຊຸມປຶກສາຫາລືກ່ຽວກັບການຢຸດການປ່ອຍນໍ້າ ແລະ ຢຸດທຳການຜະລິດກະແສໄຟຟ້າຊົ່ວຄາວ, ເນື່ອງຈາກລະດັບນໍ້າເຊບັ້ງໄຟເພີ່ມຂຶ້ນສູງ. ເຂົ້າຮ່ວມມີ ທ່ານ ດູສິດ ພົມມະຈັນ ຫົວໜ້າເຂື່ອນໄຟຟ້ານໍ້າເທີນ 2, ມີຜູ້ຕາງໜ້າຫ້ອງວ່າການປົກຄອງແຂວງຄຳມ່ວນພ້ອມດ້ວຍອໍານາດການປົກຄອງເມືອງຍົມມະລາດ, ມະຫາໄຊ, ເຊບັ້ງໄຟ, ໜອງບົກ ແລະ ເມືອງໄຊບູລີ ແຂວງ ສະຫວັນນະເຂດເຂົ້າຮ່ວມ.

ໂດຍອີງຕາມຂໍ້ຕົກລົງເຫັນພ້ອມຂອງສັນຍາສຳປະທານ ເພື່ອແນໃສ່ເຮັດໃຫ້ຜູ້ເຂົ້າຮ່ວມໄດ້ກຳນົດ ແລະ ຢັ້ງ ຢືນວ່າທາງບໍລິສັດໄຟຟ້ານໍ້າເທີນ 2 ໄດ້ຢຸດຕິການປ່ອຍນໍ້າທັງນໍາໄປເຜີຍແຜ່ໂຄສະນາໃຫ້ປະຊາຊົນບ້ານເປົ້າໝາຍລຽບຕາມແຄມນໍ້າເຊບັ້ງໄຟໄດ້ຮູ້ສະພາບລວມກ່ຽວກັບອຸປະກອນຕ່າງໆ ທີ່ຕິດຕັ້ງໃນແຕ່ລະຈຸດຂອງລະບົບການວັດແທກນໍ້າການບໍລິຫານຈັດເກັບນໍ້າໃນໄລຍະລະດູຝົນ ແລະ ລະດູແລ້ງ. ທ່ານ ດູສິດ ພົມມະຈັນ ໄດ້ລາຍງານກ່ຽວກັບຂໍ້ມູນໃນການດຳເນີນງານຂອງການບໍລິຫານນ້ຳຢູ່ອ່າງເກັບນ້ຳພ້ອມທັງໄດ້ໃຫ້ຮູ້ເຖິງຈຸດປະສົງໃນການຢຸດການຜະລິດກະ ແສໄຟຟ້າຊົ່ວຄາວ ແລະ ຢຸດການປ່ອຍນໍ້າລົງສູ່ຄອງສົ່ງນໍ້າເຊບັ້ງໄຟ : ເນື່ອງຈາກທ້າຍເດືອນສິງຫາຫາຕົ້ນເດືອນກັນຍາໄດ້ມີພາຍຸເຂົ້າມາເຂດພາກາງລາວ ​ເຮັດ​ໃຫ້ມີຝົນຕົກໜັກຢູ່ເຂດອ່າງນໍ້າເທີນ 2 ແລະ ອ່າງຕອນເທິງເຊບັ້ງໄຟປະມານ 175 ມິລີແມັດພາຍໃນມື້ດຽວສົ່ງ​ຜົນໃຫ້ລະດັບນໍ້າເຊບັ້ງໄຟສູງຮອດລະດັບເຕືອນໄພ (ເຂດອັນຕະລາຍ) ດັ່ງນັ້ນທາງບໍລິສັດໄຟຟ້ານໍ້າເທີນ 2 ຈຶ່ງ​ໄດ້ປິດປະຕູນໍ້າຈາກເຮືອນຈັກໂດຍເລີ່ມແຕ່ 1 ໂມງແລງຂອງວັນທີ 3 ແລະ ເລີ້ມປິດສົມບູນ 11 ໂມງທ່ຽງຄືນ ກ່ອນລະດັບນໍ້າເຊບັ້ງໄຟຈະສູງ ນີ້ແມ່ນເປັນການປະຕິຕາມສັນຍາສຳປະທານ ແລະ ອີກຢ່າງໜຶ່ງແມ່ນເພື່ອຮັບປະກັນວ່ານໍ້າຢູ່ເຊບັ້ງໄຟຈະບໍ່ມີນໍ້າເທີນ 2 ໄປສົມທົບ ເພື່ອຮັບປະກັນຄວາມປອດໄພຂອງປະຊາຊົນ ແລະ ມື້ນີ້ກໍ່ເປັນໂອກາດອັນດີທີ່ທາງຄະນະເມືອງ, ບ້ານໄດ້ມາຢ້ຽມຊົມ, ເຄື່ອງຈັກທຸກເຄື່ອງເເມ່ນໄດ້ຢຸດທຳການຜະລິດ ​ແລະ ໃຫ້ໜັ້ນໃຈໄດ້ວ່ານໍ້າເທີນ 2 ແມ່ນໄດ້ຕິດຕາມລະດັບນໍ້າຕະຫລອດເວລາ, ນໍ້າທີ່ຂຶ້ນແມ່ນນໍ້າມາຈາກທຳມະຊາດ, ຕາມສະຖານີແທກນໍ້າປະຈຸບັນນໍ້າຢູ່ເຊບັ້ງໄຟແມ່ນຍັງຈະສືບຕໍ່ຂຶ້ນອີກ ປະມານ 2 – 3 ວັນເພາະນໍ້າທາງເໜືອເຂົ້ມາສົມທົບຍັງບໍ່ໝົດ ດັ່ງນັ້ນຂໍ​ໃຫ້ປະຊາຊົນຈົ່ງໄດ້ຕິດຕາມຂໍ້ມູນຂ່າວສານ ແລະ ກຽມພ້ອມຮັບມືກັບນໍ້າທີ່ຈະສູງຂຶ້ນໃນຂ້າງໜ້ານີ້. ຄາດວ່າຈະເລີ່ມແລ່ນເຄື່ອງຈັກຜະລິດໄຟໄຟ້າ ແລະ ປ່ອຍນໍ້າກໍ່ຕໍ່ເມືອແມ່ນໍ້າເຊບັ້ງໄຟໄດ້ລຸດລົງ​ເປັນ​ປົກກະຕິ.

error: Content is protected !!