ສາທາ​ແຂວງ​ສະຫວັນ​ນະ​ເຂດ​ແນະ​ນໍາ​ປ້ອງ​ກັນ​ການລະບາດ​ຂອງ​ພະຍາດ​ຫລັງ​ນໍ້າ​ຖ້ວມ

ສາທາ​ແຂວງ​ສະຫວັນ​ນະ​ເຂດ​ແນະ​ນໍາ​ປ້ອງ​ກັນ​ການລະບາດ​ຂອງ​ພະຍາດ​ຫລັງ​ນໍ້າ​ຖ້ວມ - advert banner 728 90 728x90 - ສາທາ​ແຂວງ​ສະຫວັນ​ນະ​ເຂດ​ແນະ​ນໍາ​ປ້ອງ​ກັນ​ການລະບາດ​ຂອງ​ພະຍາດ​ຫລັງ​ນໍ້າ​ຖ້ວມ

​​ເນື່ອງ​ຈາກ​ຫລາຍ​ເຂດ, ຫລາຍ​ເມືອງ​ໃນ​ແຂວງສະຫວັນ​ນະ​ເຂດ​ເປັນ​ຕົ້ນ: ນະຄອນ​ໄກສອນ​ພົມ​ວິຫານ, ​ໄຊ​ພູ​ທອງ, ສອງ​ຄອນ, ​ໄຊ​ບູລີ, ຈໍາ​ພອນ, ອາດ​ສະພອນ, ອາດ​ສະພັງ​ທອງ, ​ເຊ​ໂປ​ນ ​ແລະ ​ເມືອງ​ພິນ ​ໄດ້​ຮັບ​ຜົນ​ກະທົບ ໜັກຈາກ​ໄພ​ນໍ້າ​ຖ້ວມ​ໃນ​ປັດຈຸບັນ. ດັ່ງ​ນັ້ນ, ສາ​ທະ​ລະນະ​ສຸກ​ແຂວງ​ກໍ​ຄື​ແພດໝໍ​ໄດ້​ຕຽມຄວາມ​ພ້ອມ ຮັບ​ມື​ກັບ​ການລະບາດ​ຂອງ​ພະຍາດ​ໃນ​​ໄລຍະ​ນໍ້າ​ຖ້ວມ​ກໍ​ຄື​ຫລັງ​ນໍ້າ​ຖ້ວມ ​ໂດຍ​ສະ​ເພາະ​ຈັກ​ໄຟຟ້າ​ສໍາຮອງ, ລະບົບ​ການ​ສື່ສານ​ໃຫ້​ຄໍາ​ປຶກສາ​ດູ​ແລ​ຄົນ​ເຈັບ​ເວລາ​ສຸກ​ເສີນ​ທີ່​ມີ​ການ​ເຊື່ອມ​ໂຢງ​ກັບ​ໂຮງໝໍ​ແຫ່ງ​ຕ່າງຢູ່ບັນ ດາເມືອງ, ສ່ວນເບື້ອງປະຊາຊົນກໍຂໍໃຫ້ມີຄວາມພ້ອມຮັບມືສະກັດກັ້ນພະຍາດ ຕ່າງໆທີ່ອາດຈະເກີດຂຶ້ນເຊິ່ງການຮັບມື້ດີທີ່ສຸດກໍຄືໃຫ້ມີຄວາມພ້ອມລ່ວງໜ້າເປັນຕົ້ນແມ່ນຄວາມຮູ້ກູ້ໄພເບື້ອງຕົ້ນເພື່ອກູ້ເອົາຊີວິດຄົນໄດ້ຢ່າງເປີດໄພ.

ສາທາ​ແຂວງ​ສະຫວັນ​ນະ​ເຂດ​ແນະ​ນໍາ​ປ້ອງ​ກັນ​ການລະບາດ​ຂອງ​ພະຍາດ​ຫລັງ​ນໍ້າ​ຖ້ວມ - new3 - ສາທາ​ແຂວງ​ສະຫວັນ​ນະ​ເຂດ​ແນະ​ນໍາ​ປ້ອງ​ກັນ​ການລະບາດ​ຂອງ​ພະຍາດ​ຫລັງ​ນໍ້າ​ຖ້ວມ

    ທ່ານ ດຣ ນາງ ຈັນດອນ ມະນີພູໄສ ຮອງຫົວໜ້າພະແນກສາທາລະ ນະສຸກແຂວງສະຫວັນນະເຂດກ່າວວ່າ: ການຕຽບຄວາມພ້ອມຂອງປະຊາຊົນ ໃນການຮັບມືກັບໄພນໍ້າຖ້ວມໃນປີນີ້ແມ່ນເນັ້ນໃຫ້ປະຊາຊົນມີການຝຶກຊ້ອມໜ້າທີ່ຂອງສະມາຊິກໃນຄອບຄົວ ເພື່ອຕໍ່ສູ້ກັບໄພທໍາມະຊາດ ແລະ ການລະ ບາດຂອງພະຍາດຕ່າງໆ ໂດຍສະເພາະແມ່ນບັນດາເຮືອນຜູ້ທີ່ອາຍຸສູງ, ເດັກ ນ້ອຍ, ແມ່ຍິງຖືພາ, ຜູ້ເຈັບໂຊອື່ນໆ. ຜູ້ພິການ, ສ່ວນເລື່ອງຊັບສິນແມ່ນຮອງລົງມາ; ຈາກນີ້ກໍແມ່ນເລື່ອງອາຫານ, ນໍ້າດື່ມທີ່ສະອາດ ແລະ ຢາປະຈໍາຄອບຄົວເຊັ່ນ: ຢາແກ້ປວດ ຢາລົດໄຂ້, ຢາປົວບາດແຜ; ໃນເລື່ອງຜູ້ທີມີໂລກປະຈໍາຕົວກໍຂໍໃຫ້ຈັດຢາກິນໃຫ້ ​ໃກ້ຕົວ ແລະ ຮັກສາໄວ້ບ່ອນທີ່ປອດໄພທັງປ້ອງກັນບໍ່ໃຫ້ຕົກເຮ່ຍ, ພ້ອມນີ້ກໍໃຫ້ຈັດຕຽມລະບົບໄຟຟ້າແສງສະຫວ່າງສໍາຮອງ, ເປັນຕົ້ນໄຟສາຍ, ທຽນໄຂ, ກັບໄຟດັ່ງນີ້ເປັນຕົ້ນ ພ້ອມເບີໂທລະສັບເພື່ອຂໍຄວາມຊ່ວຍເຫລືອໃນສະພາວະສຸກເສີນເຊັ່ນ: ເບີໂທລະສັບຂອງຍາດພີ່ນ້ອງ, ເພື່ອນສະຫນິດ ແລະ ເຈົ້າຫນ້າທີ່ສາທາລະນະສຸກ ແລະ ອາສະຫມັກປະຈໍາເຂດພື້ນທີ່ນັ້ນໆ.

ໃນສວນເບື້ອງອໍານາດການປົກຄອງທ້ອງຖິ່ນເມືອງ ແລະ ບ້ານກໍໃຫ້ມີຄວາມຕຽມພ້ອມລ່ວງຫນ້າເປັນຕົ້ນຈັດຕຽມແຜນການຊ່ວຍເຫລືອສະມາຊິກພາຍໃນຄວາມຮັບຜິດຊອບ ໂດຍສະເພາະແມ່ນເລັ່ງຄວາມປອດໄພເປັນສໍາຄັນ ລະ ດັບນໍ້າສາຍຕ່າງໆ ແລະ ແຈ້ງເຕືອນໃຫ້ຊຸນຊົນໄດ້ຮັບຊາບຢາງຕໍ່ເນື່ອງ ແລະຈັດຕັ້ງສູນໃຫ້ຂໍ້ມູນຂ່າວສານເພື່ອເປັນສູນກາງປະສານສົບທົບຂໍຄວາມຊ່ວຍ ເຫລືອຈາກຫນ່ວຍງານພາຍນອກ ແລະ ປະສານກັບປະຊາຊົນໃນພື້ນທີ່ອື່ນເພື່ອໃຫ້ຄວາມຊ່ວຍເຫລືອດູແລໃນເບື້ອງຕົ້ນໄດ້ຢ່າງໄວວາ ແລະ ປອດ​ໄພ.

ສາທາ​ແຂວງ​ສະຫວັນ​ນະ​ເຂດ​ແນະ​ນໍາ​ປ້ອງ​ກັນ​ການລະບາດ​ຂອງ​ພະຍາດ​ຫລັງ​ນໍ້າ​ຖ້ວມ - lattana 1 - ສາທາ​ແຂວງ​ສະຫວັນ​ນະ​ເຂດ​ແນະ​ນໍາ​ປ້ອງ​ກັນ​ການລະບາດ​ຂອງ​ພະຍາດ​ຫລັງ​ນໍ້າ​ຖ້ວມ
error: Content is protected !!