ວາງລະເບີດລົດ ຢູ່ກຸງກາບູນ ມີຜູ້ເາຍຊີວິດຢ່າງໜ້ອຍ 10 ຄົນ

ວາງລະເບີດລົດ ຢູ່ກຸງກາບູນ ມີຜູ້ເາຍຊີວິດຢ່າງໜ້ອຍ 10 ຄົນ - advert banner 728 90 728x90 - ວາງລະເບີດລົດ ຢູ່ກຸງກາບູນ ມີຜູ້ເາຍຊີວິດຢ່າງໜ້ອຍ 10 ຄົນ

ຮຽບຮຽງໂດຍ: ລູກເມືອງພວນ

ວາງລະເບີດລົດ ຢູ່ກຸງກາບູນ ມີຜູ້ເາຍຊີວິດຢ່າງໜ້ອຍ 10 ຄົນ - new3 - ວາງລະເບີດລົດ ຢູ່ກຸງກາບູນ ມີຜູ້ເາຍຊີວິດຢ່າງໜ້ອຍ 10 ຄົນ

ຕາມແຫຼ່ງຂ່າວຈາກໂທລະພາບຊ່ອງ 7 ຂອງໄທວັນທີ 6 ກັນຍາ ໃຫ້ຮູ້ວ່າ: ວັນທີ 5 ກັນຍານີ້ ໄດ້ເກີດເຫດວາງລະເບີດລົດຂຶ້ນຢູ່ໃກ້ຈຸດກວດຄົ້ນສີຂຽວ, ຊຶ່ງເປັນເຂດປ້ອງກັນຄວາມປອດໄພຢ່າງເຂັ້ມງວດ ແລະ ເປັນເຂດທີ່ຕັ້ງຂອງສະຖານທູດຫຼາຍຊາດ. ມີລົດບັນທຸກຄັນໜຶ່ງໄດ້ຊຸກເຊື່ອງວັດຖຸລະເບີດໄວ້ ແລະ ໄດ້ຈູດຂະນວນຂຶ້ນ ໃກ້ກັບສຳນັກງານອົງການສົນທິສັນຍາ ອັດລັນຕິກເໜືອ ຫຼື ອົງການນາໂຕ ແລະ ສະຖານທູດສະຫະລັດ, ໂດຍມີເປົ້າໝາຍໂຈມຕີຂະບວນລົດຂອງເຈົ້າໜ້າທີ່ທະຫານນາໂຕ, ສົ່ງຜົນໃຫ້ລະເບີດຂຶ້ນຢ່າງຮຸນແຮງ, ເຮັດໃຫ້ລົດຫຼາຍຄັນເສຍຫາຍ, ລວມທັງຮ້ານຄ້າ ແລະ ເຮືອນຊານທີ່ຕັ້ງຢູ່ໃກ້ກັບຈຸດເກີດເຫດ, ມີພົນລະເຮືອນເສຍຊີວິດຢ່າງໜ້ອຍ 10 ຄົນ, ມີຜູ້ໄດ້ຮັບບາດເຈັບ 42 ຄົນ ແລະ ມີເຈົ້າໜ້າທີ່ທະຫານນາໂຕເສຍຊີວິດສອງນາຍ. ພວກກຸ່ມຕາລິບັນໄດ້ອອກມາອ້າງຄວາມຮັບຜິດຊອບໃນການວາງລະເບີດຄັ້ງນີ້. ສະຫະລັດໄດອອກມາຕຳນິວິຈານ ອາບການິສະຖານຢ່າງໜັກ, ເຖິງແມ່ນວ່າ ສະຫະລັດຈະມີຂໍ້ຕົກລົງກັບກຸ່ມຕາລີບັນເພື່ອຫາທາງຢຸດຕິສົງຄາມແລ້ວກໍຕາມ, ຊຶ່ງໜຶ່ງໃນຂໍ້ຕົກລົງ, ສະຫະລັດຈະຕ້ອງຖອນກຳລັງທະຫານ 5.400 ອອກຈາກອາບການິສະຖານພາຍໃນ 20 ສັບປະດາ, ຫຼັງຈາກມີການລົງນາມໃນຂໍ້ຕົກລົງ ແລະ ໄດ້ຮັບການຮັບປະກັນຈາກກຸ່ມຕາລິບັນວ່າ: ອາບການິສະຖານຈະບໍ່ຖືກນຳໃຊ້ໃຫ້ເປັນຖານທີ່ໝັັ້ນໃນການໂຈມຕີສະຫະລັດ ແລະ ພັນທະມິດ. ເຖິງຢ່າງໃດກໍຕາມ, ຂໍ້ຕົກລົງນີ້ຕ້ອງໄດ້ຮັບຄວາມເຫັນດີຈາກປະທານາທິບໍດີຂອງສະຫະລັດກ່ອນ.

ວາງລະເບີດລົດ ຢູ່ກຸງກາບູນ ມີຜູ້ເາຍຊີວິດຢ່າງໜ້ອຍ 10 ຄົນ - lattana 1 - ວາງລະເບີດລົດ ຢູ່ກຸງກາບູນ ມີຜູ້ເາຍຊີວິດຢ່າງໜ້ອຍ 10 ຄົນ
error: Content is protected !!