ອຸທົກກະໄພມະຫາປາໄລຂົ່ມຂູ່ປະເທດຊາດ

ອຸທົກກະໄພມະຫາປາໄລຂົ່ມຂູ່ປະເທດຊາດ - advert banner 728 90 728x90 - ອຸທົກກະໄພມະຫາປາໄລຂົ່ມຂູ່ປະເທດຊາດ

ໂດຍ: ທິດ​ກ່ຳ

ອຸທົກກະໄພມະຫາປາໄລຂົ່ມຂູ່ປະເທດຊາດ - new3 - ອຸທົກກະໄພມະຫາປາໄລຂົ່ມຂູ່ປະເທດຊາດ

ແຕ່ເປີງບູຮານສະໄໝພໍ່ແມ່ປູ່ຍາຕານາຍພວກເຮົາບໍ່ເຄີຍໄດ້ຍິນຮອດຊື່ຂອງພາຍຸ, ພໍເຖິງລະດູປີການມາແຕ່ລະປີມັນກໍໝູນວຽນປ່ຽນໄປຕາມກົດເກນວັດຕະຈັກເຊັ່ນ: ຍາມຝົນກໍມີຝົນຕົກລົງມາໃຫ້ຊາວນາຊາວສວນໄດ້ທຳການ  ຜະລິດ, ບາງປີກໍມີບ່ອນຕົກ ຫລາຍຕົກໜ້ອຍ, ບ່ອນໃດຕົກ ສະໝ່ຳສະເໝີບ່ອນນັ້ນກໍອຸດົມສົມບູນໄປດ້ວຍເຂົ້າໃນນາປາ  ໃນນ້ຳບໍ່ອຶດບໍ່ຢາກ, ບ່ອນໃດ ຕົກໜ້ອຍກໍຖືວ່າເຂດນັ້ນແຫ້ງແລ້ງຂາດໆເຂີນໆ. ບ່ອນໃດຕົກຫລາຍເກີນເຫດກໍເກີດນ້ຳ ຖ້ວມແຕ່ບໍ່ເຖິງຂັ້ນເປັນໄພພິ ບັດທຳລາຍຊີວິດຄົນ, ສັດສາວາສິ່ງ ແລະ ຜົນຜະລິດຂອງ ປະຊາຊົນ.

ພໍຕົກມາສະໄໝນີ້, ອັນໃດມັນກໍເກີດຂຶ້ນໃຫ້ເຮົາເຫັນຢ່າງປະຈັກຕາຈົນເປັນໜ້າວິຕົກ, ໜຶ່ງໃນບັນຫາທີ່ບ້ານ ເມືອງເຮົາພວມປະເຊີນໃນລະດູຝົນປີນີ້ກໍຄືໄພພິບັດຈາກນ້ຳຖ້ວມເປັນບໍລິເວນກວ້າງໃນບັນດາແຂວງພາກກາງ ແລະ ພາກໃຕ້, ເມື່ອຝົນຕົກລົງມາແຕ່ລະຫ່າໜັກໆມັນກໍມີຮອດ ຊື່ສະເພາະຂອງມັນເຊັ່ນວ່າ ພາຍຸໂພດູ, ພາຍຸຄີຈິກິ, ດິປຣິຊັ້ນ ແລະ ຊື່ອື່ນໆ ດັ່ງພວກເຮົາເຄີຍເຫັນ ແລະ ເຄີຍໄດ້ຍິນໃນສະພາບຜ່ານມາແລ້ວຖືວ່ານັບແຕ່ຊ່ວງທ້າຍເດືອນສິງຫາ ຫາ ຕົ້ນເດືອນກັນຍາ 2019 ຜ່ານມານີ້ໄດ້ເກີດພາຍຸມາຫລາຍຫົວຂົ່ມຂູ່ຊີວິດການເປັນຢູ່ຂອງປະຊາຊົນລາວເຮົາຢ່າງໜັກໜ່ວງສົມ  ຄວນໄພພິບັດຈາກນ້ຳຖ້ວມຄັ້ງນີ້ແມ່ນມີຢູ່ຫລາຍເມືອງທີ່ຂຶ້ນກັບແຂວງສະຫວັນນະເຂດ, ແຂວງສາລະວັນ, ເຊກອງ, ອັດຕະປື ແລະ ຈຳປາສັກ.

ຈາກໄພພິບັດທີ່ມາຂົ່ມຂູ່ຄົນລາວເຮົານີ້, ມັນກໍມີຜົນກະທົບຕໍ່ເສດຖະກິດ-ສັງຄົມຂອງປະເທດຢ່າງໃຫຍ່ ຫລວງເຊັ່ນ: ບາງບ່ອນກໍມີຄົນເສຍຊີວິດຍ້ອນ, ສຳນັກງານອົງການ, ເຮືອນຊານ ບ້ານຊ່ອງ, ຂົວ, ຖະໜົນຫົນ ທາງເປ້ເພເສຍຫາຍນັບທັງຜົນຜະລິດອື່ນໆ ຂອງປະຊາຊົນກໍຄືຂອງຊາດກໍຖືກທຳລາຍເສຍຫາຍຈົນກ້ຽງເອີດເຕີດ.

ເພາະສະນັ້ນ, ຈຶ່ງເຫັນວ່າບັນຫາພາຍຸຝົນຕົກໜັກນ້ຳ ຖ້ວມໄດ້ກາຍເປັນໄພພິບັດທີ່ ພວກເຮົາບໍ່ຄວນປະໝາດ ແລະ  ຖືເບົາຕໍ່ໄປອີກແລ້ວ, ຕາມເຮົາວ່າ, ໃນຂັ້ນຕໍ່ໄປນີ້ຖ້າ  ບ້ານໃດຫາກຢູ່ຕ່ຳ, ຢູ່ແຄມນ້ຳຫ້ວຍນ້ຳເຊ, ຢູ່ກ້ອງເຂື່ອນ ແມ່ນຕ້ອງໄດ້ພາກັນຄິດວ່າ ເຮົາຈະຢູ່ໝ້ອງເກົ່າ ຫລື ໜີໄປ  ຢູ່ບ່ອນໃໝ່ທີ່ມີຄວາມປອດໄພຕໍ່ຊີວິດ ແລະ ຊັບສິນ.

ດີແທ້ຖ້າຄິດຈະຢູ່ພື້ນທີ່ຕ່ຳ, ຢູ່ໄຕ້ເຂື່ອນຕ້ອງມີເຮືອ ໃຫຍ່, ມີເຄື່ອງຊູຊີບຢູ່ເຮືອນ  ໃຜເຮືອນມັນຫລືມີແຮໄວ້ ແຕ່ລະບ້ານແຕ່ລະເມືອງ, ເວລາເກີດພາຍຸມາເກີດນ້ຳ ຖ້ວມກໍສາມາດຫລົບຫລີກໜີພົ້ນໄດ້, ເຖິງວ່າວັດຖຸຊັບສິນ ມັນເສຍໄປຊີວິດເຮົາ ຍັງກໍຫາ ເອົາໃໝ່.

ນອກຈາກນັ້ນ, ກໍໃຫ້ຕິດຕາມຢ່າງໃກ້ຊິດສະພາບການປ່ຽນແປງດິນຟ້າອາກາດແຕ່ລະວັນ, ກົງກັນຂ້າມຖ້າພວກເຮົາຫາກຍັງພາກັນຖືເບົາກໍ ລະນີມີເຫດເກີດຂຶ້ນຈະແກ້ບໍ່ທັນເພາະໄພພິບັດທີ່ມັນມາກະທົບກັບເຮົານັ້ນມັນບໍ່ມີແຕ່ ບ້ານໜຶ່ງເມືອງດຽວ, ມັນລາມ ພະລາມຈົວໄປຫລາຍທ້ອງ ຖິ່ນ, ຫລາຍບ້ານຫລາຍເມືອງ   ແລະ ຫລາຍປະເທດດັ່ງເຫດ  ນ້ຳຖ້ວມສະເພາະຢູ່ແຂວງ ສາລະວັນກໍມີເຖິງ 70 ກວ່າ ບ້ານແລ້ວ, ຍັງບໍ່ທັນໄດ້ເວົ້າ ເຖິງບ້ານອື່ນ, ເມືອງອື່ນ ແລະ   ແຂວງອື່ນໃນທົ່ວປະເທດ.

ອຸທົກກະໄພມະຫາປາໄລຂົ່ມຂູ່ປະເທດຊາດ - lattana 1 - ອຸທົກກະໄພມະຫາປາໄລຂົ່ມຂູ່ປະເທດຊາດ

ໃນກອງປະຊຸມສະພາ ແລະ ກອງປະຊຸມເປີດກວ້າງ ລັດຖະບານທີ່ຜ່ານມາແລ້ວນີ້, ທ່ານຄຳມະນີ ອິນທິລາດ ລັດຖະມົນຕີພະລັງງານ ແລະ  ບໍ່ແຮ່ກໍຢືນຢັນວ່າ ຮັບປະກັນ ຈະບໍ່ໃຫ້ມີເຂື່ອນແຕກອີກວ່າຊັ້ນ, ແຕ່ເວົ້າບໍ່ພໍເທົ່າໃດອາທິດ  ກໍມີເຂື່ອນນ້ອຍໆ ຂອງເອກະຊົນແຕກຢູ່ແຂວງຫົວພັນປະຊາຊົນຜູ້ຢູ່ບ່ອນໄກ້ຄຽງກໍພາກັນປົບໜີຕາຍເກືອບບໍ່ລອດ.

ເພາະສະນັ້ນລະເຮົາຈຶ່ງ ວ່າຢ່າພາກັນລະເຫລີງໃຈເດັດຂາດເພາະມະຫັນຕະໄພສະໄໝນີ້ມັນໄວປານຈະຫລຸບ, ສະພາບບ້ານເມືອງເຮົາໃນຍຸກນີ້, ມັນກໍມີການປ່ຽນແປງພັດທະນາໄປຫລາຍໂດຍສະເພາະແມ່ນບັນຫາການພັດທະນາເຂື່ອນໄຟຟ້າພະລັງງານ ແລະ ການພັດທະນາໃນດ້ານອື່ນໆ  ເພື່ອຄວາມຈະເລີນຮັ່ງມີຂອງ ພວກເຮົາກໍຄືຂອງຊາດໃນອະ  ນາຄົດ.

ນອກຈາກນັ້ນ, ບັນຫາການປ່ຽນແປງຂອງດິນຟ້າ ອາກາດຂອງໂລກກໍຍິ່ງນັບມື້ມີການປ່ຽນແປງໄປນຳທຸກວັນ, ນີ້ລະຄືໄພຂົ່ມຂູ່ກົດໜ່ວງຄວາມຈະເລີນຂອງຊາດ ບ້ານເມືອງ.

ນັບແຕ່ນີ້ຫາປີ 2024 ຖ້າຫາກມີໄພພິບັດມາຂົ່ມຂູ່ ເສດຖະກິດ-ສັງຄົມຂອງຊາດລຽນຕິດອາດຈະບໍ່ສາມາດ ຫລຸດພົ້ນອອກຈາກຄວາມທຸກຍາກ ແລະ ດ້ອຍພັດທະນາ./.

ອຸທົກກະໄພມະຫາປາໄລຂົ່ມຂູ່ປະເທດຊາດ - 22587 - ອຸທົກກະໄພມະຫາປາໄລຂົ່ມຂູ່ປະເທດຊາດ

error: Content is protected !!