ອຸກອັ່ງເອົ້ານໍ້າເຂົ້າຖ້ວມເມືອງ

- advert banner 728 90 728x90 - ອຸກອັ່ງເອົ້ານໍ້າເຂົ້າຖ້ວມເມືອງ

ໂດຍ: ມຶກບໍ່​ແຫ້ງ

- new3 - ອຸກອັ່ງເອົ້ານໍ້າເຂົ້າຖ້ວມເມືອງ

ບ່ອນບໍ່ເຄີຍຖ້ວມກໍຖ້ວມ! ນໍ້າໄຫຼເຂົ້າບັນດາຕົວເມືອງໃຫຍ່ຂອງບັນດາ ແຂວງພາກໃຕ້ປີນີ້ ໄດ້ຊີ້ໃຫ້ເຫັນວ່າໄພພິບັດທຳມະຊາດນັບມື້ນັບຮ້າຍ ແຮງກວ່າເກົ່າ!

ຄວາມຈິງແລ້ວໄພພິບັດທຳມະຊາດໄດ້ເກີດຂຶ້ນ ແຕ່ດຶກດຳບັນມາ ແລ້ວບໍ່ວ່າຈະເປັນໄພແຫ້ງແລ້ງຫຼືນໍ້າຖ້ວມເຊິ່ງພວກເຮົາຍັງມີພາບຄວາມຊົງຈຳນໍ້າຖ້ວມຕົວເມືອງນະຄອນຫຼວງວຽງຈັນໃນອາດີດແລະຮ່ອງຮອຍການ ເກີດໄພພິບັດທາງທຳມະຊາດອື່ນໆ ແຕ່ມາຮອດປັດຈຸບັນໄພພິບັດທຳມະຊາດ ເຫຼົ່ານັ້ນໄດ້ແປປວນດ້ວຍຄວາມຮຸ່ນແຮງເພີ່ມຂຶ້ນແລະຖີ່ກວ່າເກົ່າ.

ສປປລາວເຮົາປະສົບກັບໄພນໍ້າຖ້ວມໜັກສອງປີຊ້ອນຄື 2018​ ແລະ 2019​ ເຊິ່ງໄດ້ສ້າງສິ່ງທ້າທາຍຫຼາຍຢ່າງຕໍ່ການພັດທະນາ, ກະຊວງແຮງງານແລະສະຫວັດດິການສັງຄົມໄດ້ລາຍງານວ່າໄພນໍ້າຖ້ວມ ໃນປີ2018ນັ້ນໄດ້ມີສ່ວນເຮັດໃຫ້ການພັດທະນາເສດຖະກິດຂອງປະເທດຊັກຊ້າລົງ, ແລະອາດບໍ່ແຕກຕ່າງຈາກປີ 2019 ເຊັ່ນກັນ.

- 69928047 1111313075739138 3372480076837814272 n - ອຸກອັ່ງເອົ້ານໍ້າເຂົ້າຖ້ວມເມືອງ

ນັບແຕ່ເດືອນສິງຫາ​ມານີ້ໄພນໍ້າຖ້ວມໄດ້ເລີ່ມແຕ່ພາກເໜືອ ຂອງລາວໂດຍສະເພາະຢູ່ແຂວງຫຼວງພະບາງ, ອຸດົມໄຊ, ຫົວພັນແລະຊຽງ ຂວາງ ​ຕໍ່ຈາກ​ນັ້ນ​ມາ​ແມ່ນ​ຜົນ​ກະ​ທົບ​ຈາກ ພາຍຸໂພດູ ແລະ ດີເພຣຊັນພັດຜ່ານເຮັດໃຫ້ຝົນຕົກໜັກເກືອບທົ່ວທຸກພາກ ຂອງປະເທດໂດຍສະເພາະພາກກາງຫາພາກໃຕ້ (6 ແຂວງ) ເຮັດໃຫ້ ນໍ້າຖ້ວມກະທັນຫັນແລະຮ້າຍແຮງທີ່ສຸດໃນຮອບຫຼາຍປີ, ບາງບ່ອນ ບໍ່ເຄີຍປະສົບພົບພໍ້ ແຕ່ກໍໄດ້ເຫັນປີນີ້.

- 32352 n - ອຸກອັ່ງເອົ້ານໍ້າເຂົ້າຖ້ວມເມືອງ

ຕາມການລາຍຫຼັງສຸດ (8 ກັນຍາ 2019) ຂອງກະຊວງແຮງງານ ແລະ ສະຫວັດດີການສັງຄົມເຊິ່ງເປັນກະຊວງທີ່ເປັນຈຸດປະສານງານຂອງ ຄະນະກຳມະການປ້ອງກັນແລະຄວບຄຸມໄພພິບັດແຫ່ງຊາດໃຫ້ຮູ້ວ່າໄພນໍ້າ ຖ້ວມໄດ້​ສົ່ງ​ຜົນ​ກະທົບໂດຍກົງຕໍ່ປະຊາຊົນໃນ 37 ເມືອງ, ພັນ​ພັນບ້ານ, ແສນຄອບຄົວກວ່າ, ມີ​ພົນ​ລະ​ເມືອງ​ຫລາຍກວ່າ 2 ​ແສນຄົນ​ໄດ້​ຮັບ​ຜົນ​ກະ​ທົບ ແລະ ມີຜູ້ເສຍຊີວິດແລ້ວກວ່າ 10 ຄົນ.

- 69672229 2252753338369655 4907505679100542976 o 1024x683 - ອຸກອັ່ງເອົ້ານໍ້າເຂົ້າຖ້ວມເມືອງ

ນອກນັ້ນ, ພວກເຮົາຍັງໄດ້ເຫັນບັນດາຮູບພາບທີ່ຖ່າຍທອດຜ່ານ ທາງສື່ ຕ່າງໆ ທີ່ບົ່ງບອກວ່າຜູ້ເຖົ້າ, ຄົນພິການ, ແມ່ຍິງ ແລະ ເດັກນ້ອຍເປັນຜູ້ສ່ຽງ ໄພຫຼາຍທີ່ສຸດ, ພ້ອມນັ້ນສັດລ້ຽງ, ໄຮ່ນາຮົ້ວສວນ, ເຮືອນຊານ, ຂົວ-ເສັ້ນ ທາງ ແລະ ຊັບສິນອື່ນໆ ກໍໄດ້ຮັບຜົນເສຍຫາຍຄິດເປັນມູນຄ່າ ມະຫາສານ.

- lattana 1 - ອຸກອັ່ງເອົ້ານໍ້າເຂົ້າຖ້ວມເມືອງ

ເປັນສິ່ງທີ່ໜ້າຫົດຫູ່ໃຈໃນພາບທີ່ວ່າບັນດາຕົວເມືອງຂອງແຂວງສະ ຫວັນນະເຂດ, ສາລະວັນ, ຈຳປາສັກ, ເຊກອງແລະອັດຕະປືໄດ້ຖືກນໍ້າຖ້ວມ ໃນນັ້ນບາງບ່ອນແມ່ນຮ້າຍແຮງທີ່ສຸດໃນຮອບຫຼາຍສິບປີ ບ່ອນ ບໍ່ເຄີຍເກີດກໍ​ເກີດຂຶ້ນ ໄດ້ບົ່ງບອກໃຫ້ພວກເຮົາຮູ້ວ່າທຳມະຊາດໄດ້ ຜັນປ່ຽນໄປສູ່ສະພາບທີ່ຮ້າຍແຮງກວ່າເກົ່າ.

ຈາກໄພພິບັດດັ່ງກ່າວລັດຖະບານເຮົາກໍໄດ້ສະດຸ້ງໄວໃນການເຂົ້າຊ່ວຍ ເຫຼືອປະຊາຊົນຜູ້ໄດ້ຮັບຜົນກະທົບດ້ວຍກຳລັງທີ່ມີຢູ່ ໂດຍສະເພາະອ້າຍນ້ອງ ທະຫານທີ່ເປັນກຳລັງສຳຄັນໃນການຊ່ວຍອົບພະຍົບພໍ່ແມ່ປະຊາຊົນ ແລະ ທ່ານ ນາຍົກ​ເອງ​ເພິ່ນກໍໄດ້ລົງຊີ້ນຳຢ່າງເປັນການເລັ່ງດ່ວນເພື່ອຮັບມືກັບເຫດການທີ່ຮ້າຍແຮງຄັ້ງນີ້, ໂດຍສົມທົບກັນຫຼາຍພາກສ່ວນ.

ແຕ່ເຖິງປານນັ້ນຍັງມີປະຊາຊົນຈຳນວນໜ່ງບໍ່ທັນໄດ້ຮັບການ ຊ່ວຍເຫຼືອເທົ່າທີ່ຄວນ, ບາງຜ່ອງກໍຍັງຕິດຢູ່ຫຼັງຄາເຮືອນ, ບາງຜ່ອງຍັງຄ້າງ ຢູ່ຕົ້ນໄມ້, ປະຊາຊົນຈຳນວນຫຼາຍຕ້ອງການອາຫານ ແລະ ເຄື່ອງດື່ມຢ່າງຮີບດ່ວນ.

ເຫດການຄັ້ງນີ້ ໄດ້ສົ່ງສັນຍານໃຫ້ຮູ້ວ່າໃນອະນາຄົດພວກເຮົາຈຳເປັນ ຕ້ອງສ້າງຄວາມເຂັ້ມແຂງແລະທົນທານໃນການຮັບມືກັບໄພພິບັດທີ່ນັບມື້ນັບຮ້າຍແຮງຂຶ້ນ​ໃຫ້​ດີກວ່າ​ເກົ່າ.

error: Content is protected !!