ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ

ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ - advert banner 728 90 728x90 - ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ

ເນື່ອງໃນໂອກາດວັນສາກົນແຫ່ງການລົບລ້າງຄວາມບໍ່ຮູ້ໜັງສື ວັນທີ 8 ກັນຍາ ຄົບຮອບ 54ປີ, ເຊົ້າວັນທີ 7 ກັນຍານີ້, ທ່ານນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ໄດ້ໃຫ້ສໍາພາດຕໍ່ສື່ມວນຊົນວ່າ: ວັນທີ 8 ກັນຍາ ແມ່ນວັນສາກົນແຫ່ງການລົບລ້າງຄວາມບໍ່ຮູ້ໜັງສື ຊື່ງປີນີ້ໝູນວຽນມາຄົບຮອບ 54 ປີ (08/09/ 1965 – 08 /09/ 2019 ). ວັນດັ່ງກ່າວແມ່ນວັນທີ່ມີຄວາມໝາຍສຳຄັນຢ່າງຍິ່ງ ຕໍ່ກັບປະຊາຊາດໃນທົ່ວໂລກ, ໂດຍສະເພາະແມ່ນຜູ້ດ້ອຍໂອກາດ, ແລະ ຜູ້ພາດໂອກາດທາງການສຶກສາ ຊື່ງຕົ້ນຕໍແມ່ນຄວາມບໍ່ຮູ້ໜັງສື ແລະ ການຮຽນ ບໍ່ຈົບການສຶກສາຂັ້ນພື້ນຖານ ຊື່ງມັນໄດ້ກາຍເປັນອຸປະສັກຢ່າງໃຫ່ຍຫລວງຕໍ່ກັບການພັດທະນາຄົນ ກໍ່ຄື ການພັດທະນາຊັບພະຍາກອນມະນຸດ, ພັດທະນາເສດຖະກິດ-ສັງຄົມຂອງຊາດ.

ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ - new3 - ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ
ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ - 669 - ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ

  ສຳລັບລາວເຮົາ, ພັກ ແລະ ລັດຖະບານ ຍາມໃດກໍ່ໃຫ້ຄວາມສໍາຄັນຕໍ່ວຽກການສຶກສາຂອງປະຊາຊົນບັນດາເຜົ່າ ແລະ ຕໍ່ການລົບລ້າງຄວາມບໍ່ຮູ້ໜັງສືທີ່ໄດ້ລະບຸຢູ່ໃນກົດໝາຍວ່າດ້ວຍການສຶກສາແຫ່ງ ສາທາລະນະລັດປະຊາທິປະໄຕປະຊາຊົນລາວ. ພາຍຫຼັງໄດ້ຈັດຕັ້ງ ພິທີປະກາດໃນວັນທີ 28 / 08 / 2015 ຂຶ້ນແລ້ວກໍ່ຍັງໄດ້ສຶບຕໍ່ເກັບກໍາສະຖິຕິຈຳນວນປະຊາກອນທີ່ຍັງບໍ່ທັນຮຽນຈົບຊັ້ນປະຖົມ ແລະ ຈັດຕັ້ງການຮຽນ-ການສອນ, ຊຶ່ງໃນປີ 2018-2019 ມີຜົນສໍາເລັດດັ່ງນີ້:

ປະຊາກອນໃນເກນອາຍຸ 6-14 ປີມີ 1.765 ຄົນ, ຍິງ 830 ຄົນ, ປະຊາກອນ​ໃນເກນອາຍຸ 15-40 ປີ ຮຽນຈົບຊັ້ນປະຖົມບໍາລຸງ ໄດ້ທັງໜົດ 5.924 ຄົນ, ຍິງ 3.029 ຄົນ.

ນອກຈາກນີ້ ຍັງໄດ້ບຳລຸງຊັ້ນມັດທະຍົມ ແລະ ຜູ້ຮຽນຈົບຊັ້ນມັດທະຍົມຕອນຕົ້ນລະບົບບໍາລຸງ ໄດ້ຈໍານວນ 30.065ຄົນ, ຍິງ 14.362 ຄົນ.  ຈົບຊັ້ນມັດທະຍົມຕອນປາຍ ໄດ້ຈໍານວນ 2.336 ຄົນ, ຍິງ 685 ຄົນ, ຊຶ່ງ​ມາ​ຮອດ​ປັດຈຸບັນ, ລາວ​ເຮົາ​ສາມາດປະກາດຈົບຊັ້ນມັດທະຍົມຕອນຕົ້ນທົ່ວເມືອງໄດ້ 134 ເມືອງ ແລະ ປະກາດຈົບຊັ້ນມັດທະຍົມຕອນຕົ້ນບໍາລຸງຂັ້ນແຂວງ ໄດ້ 6 ແຂວງ ແລະ 1 ນະຄອນຫຼວງ.

ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ - lattana 1 - ລາວລະ​ນຶກວັນສາກົນແຫ່ງການລົບລ້າງຄວາມບໍ່ຮູ້ໜັງສືຄົບຮອບ 54ປີ

  ພ້ອມກັນນັ້ນ ກໍ່ຈະເອົາໃຈໃສ່ຈັດການຮຽນ-ການສອນການບໍາລຸງຍົກລະດັບໃຫ້ປະຊາຊົນໃນຮູບແບບການສຶກສານອກໂຮງຮຽນຢ່າງເປັນປົກກະຕິ; ຜູ້ຈົບຊັ້ນປະຖົມສຶກສາແລ້ວກໍ່ໃຫ້ໄດ້ສືບຕໍ່ບໍາລຸງໃຫ້ຈົບຊັ້ນມັດທະຍົມຕົ້ນ ຫຼື ສູງຂື້ນໄປກ່ວານັ້ນ; ສອນໃຫ້ຜູ້ຮຽນມີຄວາມຮູ້ຕິດພັນກັບການຮຽນຮູ້ວິຊາຊີບໃດໜຶ່ງທີ່ໝັ້ນຄົງ, ນຳເອົາຄວາມຮູ້ນັ້ນໄປພັດທະນາຄຸນນະພາບຊີວິດຂອງເຂົາເຈົ້າໃຫ້ດີຂຶ້ນ, ນຳເອົາຄວາມຮູ້ນັ້ນໄປພັດທະນາເສດຖະກິດ-ສັງຄົມຂອງຊາດ ໃຫ້ຈະເລີນກ້າວໜ້າຂື້ນເລື້ອຍໆ. ພວກເຮົາຍັງຈະໄດ້ເອົາໃຈໃສ່ບໍາລຸງຊັ້ນປະຖົມໃຫ້ກຸ່ມຄົນທີ່ຕົກຄ້າງ ແລະ ຊຸກຍູ້ໃຫ້ຮຽນຕໍ່ຊັ້ນມັດທະຍົມຕົ້ນ. ຄາດໝາຍຮອດ ປີ2020, ປະຊາກອນທີ່ມີ ອາຍຸ 15-35 ປີ ໃຫ້ສໍາເລັດການສຶກສາ ຊັ້ນມັດທະຍົມຕອນຕົ້ນບຳລຸງໃນຂອບເຂດທົ່ວປະເທດ.

ດັ່ງນັ້ນ, ຂ້າພະເຈົ້າຈຶ່ງຂໍຮຽກຮ້ອງມາຍັງ ຄະນະພັກ, ອຳນາດການປົກຄອງ, ຜູ້ບໍລິຫານການສຶກສາ, ຄູອາຈານ, ນັກຮຽນ, ພໍ່ແມ່ປະຊາຊົນບັນດາເຜົ່າ, ປະເທດເພື່ອນມິດ ແລະ ທຸກການຈັດຕັ້ງສາກົນ ຈົ່ງໄດ້ສືບຕໍ່ປະກອບສ່ວນ ສະໜັບສະໜູນ ແລະ ຈັດຕັ້ງປະຕິບັດ ວຽກງານສຶກສາ ແລະ ກິລາ, ເປັນຕົ້ນແມ່ນ ວຽກງານສຶກສານອກໂຮງຮຽນ ກໍ່ຄື ວຽກງານລົບລ້າງຄວາມບໍ່ຮູ້ໜັງສື ໃຫ້ມີຜົນສໍາເລັດເປັນຢ່າງດີ.

error: Content is protected !!