ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ

ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ - advert banner 728 90 728x90 - ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ

ໂດຍ: ທິດ​ກ່ຳ

ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ - new3 - ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ

ປາກົດການອັນໃໝ່ສົກ ຮຽນປີນີ້, ເຫັນວ່າບັນດານັກຮຽນ, ນັກສຶກສາທີ່ຮຽນຈົບຊັ້ນມັດທະຍົມ ຫລື ຈົບ ຈາກສາຂາວິຊາໃດໜຶ່ງໃນ ລະດັບວິທະຍາໄລຕ່າງໆ ໄດ້ພາກັນຫລັງໄຫລໄປຊື້ແບບຟອມເພື່ອເຂົ້າຮຽນພາສາຈີນຢູ່ທີ່ສະຖາບັນຂົງຈື້ທີ່ຂຶ້ນກັບ ມະຫາວິທະຍາໄລແຫ່ງຊາດພຽງວັນດຽວຄືວັນທີ 2 ກັນຍາ 2019 ມີເກືອບ 1.000 ຄົນ, ເຊິ່ງວັນດັ່ງກ່າວເປັນມື້ເປີດສົກຮຽນໃໝ່ 2019-2020.

ປາກົດການນີ້, ສະແດງ ໃຫ້ເຫັນວ່ານັກຮຽນນັກສຶກ ສາທັງຫລາຍໄດ້ພາກັນຕື່ນ ຕົວຫລິງເຫັນອະນາຄົດອັນ ຍາວໄກ, ຍ້ອນວ່າຂົງເຂດ ການຮ່ວມມືລາວ-ຈີນ ໄດ້ ແຕກໜໍ່ ຈໍ່ແນວກວ້າງຂວາງ ແລະ ມີການຂະຫຍາຍຕົວ ຢ່າງຮອບດ້ານໃນຖານະ ເພື່ອນຮ່ວມມືຍຸດທະສາດ ຮອບດ້ານລະຫວ່າງສອງພັກ, ສອງລັດຖະບານລາວ-ຈີນ.

ບັນດາໂຄງການຮ່ວມມືຊິ້ນໃຫຍ່ໆ ທີ່ພວມຈັດຕັ້ງ ປະຕິບັດໃນປັດຈຸບັນກໍແມ່ນ ໂຄງການສ້າງທາງລົດໄຟ ຄວາມໄວສູງລາວ-ຈີນ, ໂຄງການສ້າງທາງດ່ວນແຕ່ນະ ຄອນຫລວງ ວຽງຈັນເຊື່ອມ ຕໍ່ໃສ່ຊາຍແດນລາວ-ຈີນ.

ນອກຈາກນັ້ນ, ຍັງມີໂຄງ ການກໍ່ສ້າງເຂື່ອນພະລັງນ້ຳ, ໂຄງການສ້າງພື້ນຖານໂຄງ ລ່າງອື່ນໆ, ນັບທັງພາກທຸ ລະກິດໃນບັນດາຂະແໜງ ການຕ່າງໆ ກໍແມ່ນຈີນເປັນຜູ້ມາລົງທຶນ ດັ່ງນັ້ນຈຶ່ງ ສາມາດເວົ້າໄດ້ວ່າການລົງທຶນ ຂອງຈີນ ຢູ່ລາວໃນປັດຈຸບັນ ໄດ້ຢືນຢູ່ ແຖວໜ້າໃນບັນດາ ປະເທດ ທີ່ມາລົງທຶນຢູ່ລາວ, ເຊື່ອແນ່ວ່າໃນອະນາ ຄົດອີກບໍ່ພໍເທົ່າໃດປີຂ້າງ ໜ້າຖ້າໂຄງການ, ກິດຈະການຕ່າງໆ ເຫລົ່ານີ້ສຳເລັດ ລົງຄວາມຕ້ອງການທາງ ດ້ານແຮງງານກໍຈະເພີ່ມຂຶ້ນ ຫລາຍໝື່ນຫລາຍແສນຄົນ.

ນີ້ຄືຕົວຊີ້ວັດທີ່ບົ່ງບອກ ເຖິງຄວາມຮຽກຮ້ອງຕ້ອງການໃຫ້ຜູ້ທີ່ມີຄວາມຮູ້ ຄວາມສາມາດທາງດ້ານພາສາຈີນເຂົ້າໄປເຮັດວຽກໃນທຸກ ຂົງເຂດວຽກງານ.

ນອກຈາກ, ພາສາຈີນ ຈະມີບົດບາດຢູ່ໃນລາວເຮົາ ແລ້ວພາສາອັງກິດກໍຍິ່ງມີບົດ ບາດໃນພາລະກິດການສ້າງສາພັດທະນາປະເທດຊາດໃນຍຸກປັດຈຸບັນກໍຄືອະນາຄົດ, ຍ້ອນວ່າພາສາອັງກິດໄດ້ກາຍເປັນພາສາກາງຂອງມວນ ມະນຸດໃນໂລກໄປແລ້ວ.

ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ - lattana 1 - ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ

ເພາະສະນັ້ນ, ຢູ່ໃນຫລັກ ສູດຂອງການຮຽນການສອນນັບແຕ່ຊັ້ນອະນຸບານຂຶ້ນໄປ ແມ່ນຕ້ອງໄດ້ຮຽນພາສາອັງກິດເມື່ອຮຽນສູງຂຶ້ນຮອດ ລະດັບວິທະຍາໄລ ຫລື ຈົບ ມະຫາວິທະຍາໄລໃນສາຂາ ວິຊາຕ່າງໆ ນັກຮຽນ, ນັກ ສຶກສາລາວກໍສາມາດເວົ້າ ພາສາອັງກິດໄດ້ຢ່າງສະບາຍ ແລະ ຄ່ອງແຄ້ວ.

ຄືດັ່ງພວກເຮົາຮູ້ນຳກັນ ແລ້ວວ່າ, ສະພາບປັດຈຸບັນ ການປ່ຽນແປງຂອງໂລກນັບມື້ມີການ ພົວພັນເຊື່ອມໂຍງ ເຊິ່ງກັນ ແລະ ກັນຢ່າງກວ້າງ ຂວາງບໍ່ວ່າໃນລະດັບພາກພື້ນ ແລະ ສາກົນ, ທາງດ້ານເຕັກໂນໂລຊີ ແລະ ຂໍ້ມູນຂ່າວສານກໍນັບມື້ວ່ອງໄວທັນ ສະໄໝ, ຍິ່ງເຮັດໃຫ້ການພົວພັນຂອງມວນມະນຸດໃນໂລກ ມີການພັດທະນາໄປຢ່າງໄຮ້ພົມແດນ.

ເພາະສະນັ້ນ, ດ້ວຍປັດໄຈ ແລະ ເງື່ອນໄຂຕ່າງໆ ນັບ ທັງຄວາມຮຽກຮ້ອງຕ້ອງການຂອງສະພາບການ ໃໝ່ ທີ່ນັບມື້ມີການປ່ຽນແປງໃນພາລະກິດສ້າງສາພັດທະນາ ປະເທດຊາດໃຫ້ກ້າວສູ້ ຄວາມຈະເລີນຮຸ່ງເຮືອງໃນອະນາຄົດ, ຊັບພະຍາກອນມະນຸດ  ຈຶ່ງເປັນສິ່ງຕັດສິນຕໍ່ພາລະກຳ ປະຫວັດສາດຂອງຊາດ.

ໃນໄລຍະປັດຈຸບັນ ແລະ ອະນາຄົດ ເຊິ່ງມັນກໍສອດ ຄ່ອງ ກັບການກຳນົດແນວທາງນະໂຍບາຍຂອງພັກ ແລະ ລັດຖະບານກ່ຽວກັບເປົ້າໝາຍ 4 ບຸກທະລຸ ເຊິ່ງໜຶ່ງໃນ 4 ນີ້ ກໍແມ່ນບຸກທະລຸທາງດ້ານການສ້າງຊັບພະຍາກອນມະນຸດເປັນເປົ້າໝາຍພັດທະນາ ປະເທດຊາດໃຫ້ຫລຸດພົ້ນ ອອກຈາກຄວາມທຸກຍາກ ແລະ ດ້ອຍພັດທະນາ. ການຮຽນຮູ້ພາສາຕ່າງປະເທດທີ່ ສອດຄ່ອງກັບຍຸກສະໄໝນັ້ນ ຖືເປັນສິ່ງສຳຄັນສຳລັບບຸກ ຄະລາກອນເພື່ອອຸທິດສະຕິ ບັນຍາໃຫ້ອາຊີບຂອງຕົນເອງ ແລະ ເພື່ອປະເທດຊາດ./.

ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ - 447 - ຮຽນພາສາຈີນ-ອັງກິດ ຈະມີວຽກເຮັດງານທຳຫລາຍຂຶ້ນ
(ພາບປະກອບ)

error: Content is protected !!