ແຂວງຈຳປາສັກເປີດຮັບບໍລິຈາກວັດຖຸປັດໄຈຊ່ວຍເຫລືອຜູ້ປະສົບໄພນ້ຳຖ້ວມ

- advert banner 728 90 728x90 - ແຂວງຈຳປາສັກເປີດຮັບບໍລິຈາກວັດຖຸປັດໄຈຊ່ວຍເຫລືອຜູ້ປະສົບໄພນ້ຳຖ້ວມ

ແຫລ່ງຂ່າວທ້ອງຖິ່ນລາຍງານວ່າ: ໃນວັນທີ 8 ກັນຍານີ້, ເຈົ້າແຂວງຈໍາປາສັກ ໄດ້ອອກແຈ້ງການເຖິງການ ຈັດຕັ້ງພັກ-ລັດ ແລະ ຜູ້ປະກອບການທຸລະກິດ, ຕ່າງໆ ທັງພາຍໃນ ແລະ ຕ່າງປະເທດ ທີ່ມີໃຈສັດທາ ແລະ ມີຄວາມ ຕ້ອງການຊ່ວຍເຫລືອຜູ້ປະສົບໄພນໍ້າຖ້ວມໃນດ້ານວັດ ຖຸປັດໄຈ ສາມາດໂອນເຂົ້າ ບັນຊີກອງທຶນຊ່ວຍເຫລືອ ຜູ້ດ້ອຍໂອກາດ ແລະ ໄພພິບັດແຂວງຈໍາປາສັກ ໄດ້ທີ່ ບັນຊີເງິນກີບ: 040 110 001 222 621 001 ແລະ ບັນຊີເງິນໂດລາສະຫະລັດ: 040 110 101 222 621 001 ແລະ ຂໍສະແດງຄວາມ ຂອບໃຈພາກສ່ວນທີ່ໄດ້ບໍລິຈາກວັດຖຸປັດໄຈຕ່າງໆມາ ນະທີ່ນີ້ດ້ວຍ.

- new3 - ແຂວງຈຳປາສັກເປີດຮັບບໍລິຈາກວັດຖຸປັດໄຈຊ່ວຍເຫລືອຜູ້ປະສົບໄພນ້ຳຖ້ວມ

ອໍານາດການ ປົກຄອງ ແຂວງດັ່ງກ່າວ ໃຫ້ຮູ້ວ່າ: ນັບແຕ່ວັນທີ 29 ສິງຫາ- 7 ກັນຍາ ໄດ້ມີພະຍຸໝູນເຂດ ຮ້ອນໂພດຸລ (PODUL) ແລະ ກາຈິກິ (KAJIKI) ພັດເຂົ້າພາກກາງ ແລະ ພາກ ໃຕ້ຂອງ ສປປ ລາວ ເຮັດ ໃຫ້ມີຝົນຕົກໜັກຕິດຕໍ່ກັນ ຫລາຍວັນ, ສະເພາະແຂວງ ຈໍາປາສັກ ມີນໍ້າປ່າໄຫລ ຊຸແຮງ ແລະ ມີນໍ້າຖ້ວມເປັນ ບໍລິເວນກວ້າງຢ່າງໄວວາ, ລະດັບແມ່ນໍ້າຂອງເພີ່ມຂຶ້ນ ຈາກ 8,93 ແມັດໃນວັນທີ   30 ສິງຫາເປັນ 13, 75 ແມັດ ໃນວັນທີ 5 ກັນຍາ (ສຸງຂຶ້ນ 4,82 ແມັດ), ສ່ວນແມ່ນໍ້າ ເຊໂດນ ເພີ່ມຂຶ້ນຈາກ 9,50 ແມັດ ມາເປັນ 14,33 ແມັດ (ສຸງຂຶ້ນ 4,83 ແມັດ) ສົ່ງ ຜົນກະທົບຕໍ່ຊີວິດຊັບສິນ, ເນື້ອ ທີ່ການຜະລິດ, ເຮືອນຊານ, ສັດລ້ຽງ, ພື້ນຖານໂຄງລ່າງ, ຂົວ, ເສັ້ນທາງຖືກນໍ້າຖ້ວມ ເປ່ເພ ແລະ ຕັດຂາດ, ພົນລະ ເມືອງບໍ່ໜ້ອຍຂາດທີ່ພັກອາໃສຕ້ອງໄດ້ຍົກຍ້າຍໄປ ຢູ່ບ່ອນປອດໄພ, ມິທັງຜູ້ເສຍຊີວິດ ແລະ ຜູ້ສູນຫາຍ, ມີ396  ບ້ານ, 37.662 ຄອບຄົວ ແລະ 176.685 ຄົນໄດ້ຮັບ ຜົນກະທົບ, ເນື້ອທີ່ທໍາການຜະລິດກວ່າ 37.444 ເຮັກ ຕາເສຍຫາຍ.

 ຈາກສະພາບດັ່ງກ່າວ, ມາຮອດປັດຈຸບັນ ໄດ້ມີອົງ ການຈັດຕັ້ງພັກ-ລັດ, ສາກົນ ແລະ ພາກສ່ວນຕ່າງໆ ໄດ້ໃຫ້ການຊ່ວຍເຫລືອບັນເທົາທຸກ ດ້ານອາຫານ, ນໍ້າດື່ມ, ເຄື່ອງນຸ່ງຫົ່ມ, ຢາປົວພະຍາດ ແລະ ສິ່ງຂອງຈໍາເປັນຕໍ່ການດໍາລົງຊີວິດປະຈໍາວັນຂອງຜູ້ ເຄາະຮ້າຍ, ແຕ່ການຊ່ວຍ ເຫລືອດັ່ງກ່າວເປັນການ ບັນເທົາທຸກໃນເບື້ອງຕົ້ນເທົ່ານັ້ນ ແລະ ຍັງມີຄວາມ ຕ້ອງການຊ່ວຍເຫລືອຫລາຍດ້ານເພື່ອຟຶ້ນຟູໃນຕໍ່ໜ້າອີກອີກ./.

- lattana 1 - ແຂວງຈຳປາສັກເປີດຮັບບໍລິຈາກວັດຖຸປັດໄຈຊ່ວຍເຫລືອຜູ້ປະສົບໄພນ້ຳຖ້ວມ
- 2257 - ແຂວງຈຳປາສັກເປີດຮັບບໍລິຈາກວັດຖຸປັດໄຈຊ່ວຍເຫລືອຜູ້ປະສົບໄພນ້ຳຖ້ວມ
- 442 - ແຂວງຈຳປາສັກເປີດຮັບບໍລິຈາກວັດຖຸປັດໄຈຊ່ວຍເຫລືອຜູ້ປະສົບໄພນ້ຳຖ້ວມ

error: Content is protected !!