ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ

ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ - advert banner 728 90 728x90 - ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ

ໃນວັນທີ 10 ກັນຍານີ້ທີ່ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ, ນາຍົກລັດຖະມົນຕີ ໄດ້ຕາງໜ້າໃຫ້ລັດຖະບານ ຮັບເງິນຊ່ວຍເຫລືອ ຜູ້ປະສົບໄພນໍ້າຖ້ວມ ຈາກ​ພາກ​ສ່ວນ​ຕ່າງໆ​ຄື: ທ່ານ ສີທັດ ໄຊສຸລິວົງ, ປະທານກຸ່ມບໍລິສັດ ເອັສທີ ຈຳນວນ 2,5 ຕື້ກີບ; ທ່ານ ພົງສະຫວັດ ເສນາພວນ, ປະ ທານກຸ່ມບໍລິສັດ ພົງຊັບທະວີ ຈຳກັດຜູ້ດຽວ ຈຳນວນ 2 ຕື້ກີບ ແລະ ທ່ານ ປີຊາ ແກ້ວໄຊຍະຈັກ, ປະ ທານ ບໍລິສັດທີ່ປຶກສາ ດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ (IHC) ຈຳນວນ 2 ຕື້ກີບ, ລວມ 6,5 ຕື້ກີບ.

ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ - new3 - ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ

ໃນໂອກາດດັ່ງກ່າວ, ທ່ານ ທອງລຸນ ສີສຸລິດ ໄດ້ຂອບໃຈ ຕໍ່ສາມພາກສ່ວນດັ່ງກ່າວ ທີ່ໄດ້ນຳເອົາເງິນມາມອບ ເພື່ອນຳໄປຊ່ວຍເຫລືອຜູ້ປະສົບໄພນໍ້າຖ້ວມໃນປີນີ້ ເພື່ອບັນເທົາທຸກ ແລະ ສາ ມາດແກ້ໄຂບັນຫາຕ່າງໆ ທີ່ໄດ້ຮັບຜົນກະທົບ ແລະ ເສຍຫາຍຈາກໄພພິບັດນໍ້າຖ້ວມຄັ້ງນີ້ ໃຫ້ສາມາດຜ່ານພົ້ນໄປໄດ້ດ້ວຍດີ. ໃນຕອນເຊົ້າຂອງວັນດຽວກັນ, ມີຫລາຍພາກສ່ວນທະຍອຍມອບເງິນຊ່ວຍຜູ້ປະສົບໄພນ້ຳຖ້ວມເຊັ່ນ: ບໍລິສັດ ຄູນທະວົງລາວ ກໍ່ສ້າງຄົບວົງຈອນ ຈຳກັດ ມອບ 10 ລ້ານກີບ; ໂຮງຮຽນຮາກແກ້ວ ມອບ14.182.000 ກີບ ແລະ ມູນນິທິເຮືອນເດັກ ມອບ 5 ລ້ານກີບ ເຊິ່ງຮັບໂດຍ ທ່ານນາງ ໃບຄຳ ຂັດທິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.

ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ - 818 - ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ

ຂ່າວແຈ້ງຕື່ມວ່າ: ໃນຕອນແລງ ຂອງວັນທີ 9 ກັນຍາ 2019, ທີ່ຫ້ອງວ່າການສຳນັກງານນາ ຍົກລັດຖະມົນຕີ, ທ່ານ ສົມຈິດ ຫົງວິຈິດ ຮອງອຳນວຍການບໍລິສັດ ເອັສວີກຣຸບ ຈຳກັດ ໄດ້ມອບເງິນຊ່ວຍ ເຫລືອຜູ້ປະສົບໄພນໍ້າຖ້ວມ ຈຳນວນ 200 ລ້ານກີບ ເຊິ່ງຮັບໂດຍທ່ານ ເພັດ ພົມພິພັກ ລັດຖະມົນຕີ, ຫົວໜ້າຫ້ອງວ່າ ການສຳນັກງານນາຍົກລັດຖະມົນຕີ, ໂດຍມີພະນັກງານທີ່ກ່ຽວຂ້ອງ ເຂົ້າຮ່ວມ.

ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ - lattana 1 - ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ
ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ - 740 1024x682 - ຫລາຍພາກສ່ວນ ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ

ໃນວັນດຽວກັນ, ທ່ານ ນາງ ເລີດມະນີ ລາຊະຈຳພອນ ຜູ້ຈັດການບໍລິສັດໄທເມດ ຕາງໜ້າມູນນິທິ ວິຣະພຸຊົງ ໄດ້ມອບຢາແກ້ປວດ ແລະ ຢາສຳລັບທາພາຍນອກ ພ້ອມເງິນສົດຈຳນວນ 120 ລ້ານກີບລວມມູນຄ່າທັງໝົດ 200 ລ້ານກວ່າກີບ ມອບໃຫ້ແກ່ ທ່ານ ເຍ່ຍເກີຢ່າ ໜໍ່ຈໍ່ຈົງຕົວ ຮອງປະທານສູນກາງແນວລາວສ້າງຊາດ ເພື່ອນຳເອົາເຄື່ອງດັ່ງກ່າວ ໄປມອບຕໍ່ໃຫ້ປະຊາຊົນຜູ້ປະສົບໄພພິບັດນ້ຳຖ້ວມຢູ່ພາກໃຕ້ຂອງ ສປປ ລາວ.

error: Content is protected !!